ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 22 : PALI ROMAN Sutta Pitaka Vol 14 : Sutta. Aṅ. (3): pañcaka-chakkanipātā

     [325]  54  Ekam samayam bhagava rajagahe viharati gijjhakute pabbate.
Tena  kho  pana  samayena  ayasma  dhammiko  jatibhumiyam  avasiko  hoti
sabbaso  jatibhumiyam  sattasu  avasesu  .  tatra  sudam  ayasma  dhammiko
agantuke  bhikkhu  akkosati  paribhasati  vihimsati  vitudati 1- roseti vacaya
te  ca  agantuka bhikkhu ayasmata dhammikena akkosiyamana paribhasiyamana
vihesiyamana     vitudiyamana     rosiyamana     vacaya    pakkamanti
na santhanti rincanti avasam.
     {325.1}  Atha  kho  jatibhumikanam 2- upasakanam etadahosi mayam kho
bhikkhusangham   paccupatthita  civarapindapatasenasanagilanapaccayabhesajjaparikkharena
atha  ca  pana  3-  agantuka  bhikkhu  pakkamanti na santhanti rincanti avasam
ko  nu  kho  hetu  ko paccayo yena agantuka bhikkhu pakkamanti na santhanti
rincanti avasanti.
     {325.2}  Atha  kho  jatibhumikanam  upasakanam  etadahosi  ayam kho
ayasma   dhammiko   agantuke   bhikkhu   akkosati   paribhasati   vihimsati
vitudati  roseti  vacaya  te  ca  agantuka  bhikkhu  ayasmata dhammikena
akkosiyamana   paribhasiyamana   vihesiyamana  vitudiyamana  rosiyamana
vacaya  pakkamanti  na  santhanti  rincanti  avasam. Yannuna mayam ayasmantam
dhammikam   pabbajeyyamati   .   atha   kho  jatibhumika  upasaka  yena
ayasma   dhammiko   tenupasankamimsu   upasankamitva   ayasmantam   dhammikam
etadavocum   pakkamatu   bhante   ayasma   dhammiko   imamha  avasa
alante idha vasenati.
@Footnote: 1 Yu. vitudeti .  2 Ma. jatibhumakanam. aparampi idisameva .  3 Yu. atha kho pana.
     {325.3}   Atha  kho  ayasma  dhammiko  tamha  avasa  annam
avasam   agamasi  .  tatrapi  sudam  ayasma  dhammiko  agantuke  bhikkhu
akkosati  paribhasati  vihimsati  vitudati roseti vacaya te ca agantuka bhikkhu
ayasmata    dhammikena   akkosiyamana   paribhasiyamana   vihesiyamana
vitudiyamana   rosiyamana   vacaya   pakkamanti   na   santhanti  rincanti
avasam  .  atha  kho  jatibhumikanam upasakanam etadahosi mayam kho bhikkhusangham
paccupatthita civarapindapatasenasanagilanapaccayabhesajjaparikkharena
atha  ca  pana  agantuka  bhikkhu  pakkamanti  na santhanti rincanti avasam ko
nu  kho  hetu  ko  paccayo  yena  agantuka  bhikkhu pakkamanti na santhanti
rincanti avasanti.
     {325.4}  Atha  kho  jatibhumikanam  upasakanam  etadahosi  ayam kho
ayasma  dhammiko  agantuke  bhikkhu  akkosati  paribhasati  vihimsati  vitudati
roseti  vacaya te ca agantuka bhikkhu ayasmata dhammikena akkosiyamana
paribhasiyamana    vihesiyamana    vitudiyamana    rosiyamana   vacaya
pakkamanti  na  santhanti  rincanti  avasam  .  yannuna mayam ayasmantam dhammikam
pabbajeyyamati   .   atha  kho  jatibhumika  upasaka  yena  ayasma
dhammiko   tenupasankamimsu   upasankamitva   ayasmantam   dhammikam  etadavocum
pakkamatu   bhante   ayasma  dhammiko  imamhapi  avasa  alante  idha
vasenati  .   atha  kho ayasma dhammiko tamhapi avasa annam avasam
Agamasi    .   tatrapi   sudam   ayasma   dhammiko   agantuke   bhikkhu
akkosati  paribhasati  vihimsati  vitudati  roseti  vacaya  te  ca agantuka
bhikkhu     ayasmata     dhammikena     akkosiyamana    paribhasiyamana
vihesiyamana    vitudiyamana    rosiyamana    vacaya   pakkamanti   na
santhanti   rincanti   avasam   .   atha   kho   jatibhumikanam  upasakanam
etadahosi   mayam   kho   bhikkhusangham   paccupatthita  civarapindapatasenasana-
gilanapaccayabhesajjaparikkharena
     {325.5}  atha  ca  pana  agantuka  bhikkhu  pakkamanti  na  santhanti
rincanti   avasam   ko  nu  kho  hetu  ko  paccayo  yena  agantuka
bhikkhu   pakkamanti   na   santhanti   rincanti   avasanti   .   atha  kho
jatibhumikanam   upasakanam   etadahosi   .pe.   yannuna  mayam  ayasmantam
dhammikam   pabbajeyyama   sabbaso   jatibhumiyam   sattahi   avasehiti .
Atha   kho  jatibhumika  upasaka  yena  ayasma  dhammiko  tenupasankamimsu
upasankamitva   ayasmantam  dhammikam  etadavocum  pakkamatu  bhante  ayasma
dhammiko sabbaso jatibhumiyam sattahi avasehiti.
     {325.6}  Atha  kho  ayasmato  dhammikassa  etadahosi  pabbajito
khomhi   jatibhumikehi   upasakehi  sabbaso  jatibhumiyam  sattahi  avasehi
kaham  nu  khodani  gacchamiti  .  atha  kho  ayasmato dhammikassa etadahosi
yannunaham   yena   bhagava   tenupasankameyyanti   .  atha  kho  ayasma
dhammiko   pattacivaramadaya   yena   rajagaham   tena  pakkami  anupubbena
yena    rajagaham    gijjhakuto    pabbato   yena   bhagava   tenupasankami
Upasankamitva    bhagavantam    abhivadetva   ekamantam   nisidi   ekamantam
nisinnam   kho   ayasmantam   dhammikam   bhagava  etadavoca  handa  kuto  nu
tvam  brahmana  dhammika  agacchasiti  .  pabbajito  aham bhante jatibhumikehi
upasakehi   sabbaso   jatibhumiyam  sattahi  avasehiti  .  alam  brahmana
dhammika  kinte  imina  yantam  tato  tato  pabbajenti so tvam tato tato
pabbajito mameva santike agacchasi.
     {325.7}    Bhutapubbam   brahmana   dhammika   samuddika   vanija
tiradassim    sakunam    gahetva    navaya   samuddam   ajjhogahanti   te
atiradassaniya   1-   navaya   tiradassim   sakunam  muncanti  so  gacchateva
puratthimam   disam  gacchati  pacchimam  disam  gacchati  uttaram  disam  gacchati  dakkhinam
disam   gacchati   uddham   gacchati   anudisam  sace  so  samanta  tiram  passati
tathagatakova  hoti  sace  pana  so  samanta  tiram  na  passati tameva navam
paccagacchati   evameva   kho   brahmana   dhammika   yantam   tato  tato
pabbajenti so tvam tato tato pabbajito mameva santike agacchasi.
     {325.8}  Bhutapubbam  brahmana  dhammika  ranno korabyassa suppatittho
nama  nigrodharaja  ahosi  pancasakho  sitacchayo  manoramo suppatitthassa
kho    pana    brahmana   dhammika   nigrodharajassa   dvadasa   yojanani
abhiniveso   ahosi   panca   yojanani  mulasantanakanam  suppatitthassa  kho
@Footnote: 1 Si. Ma. Yu. atiradakkhiniya.
Pana   brahmana   dhammika   nigrodharajassa  mahantani  1-  phalani  ahesum
seyyathapi   nama   alhakathalika   evamassa   saduni   phalani  ahesum
seyyathapi  nama  khuddamadhum  anelakam  2-  suppatitthassa  kho  pana brahmana
dhammika  nigrodharajassa  ekam  khandham  raja  paribhunjati  saddhim itthagarena
ekam  khandham  balakayo  paribhunjati  ekam  khandham  negamajanapada  paribhunjanti
ekam   khandham   samanabrahmana   paribhunjanti  ekam  khandham  migapakkhino  3-
paribhunjanti   suppatitthassa  kho  pana  brahmana  dhammika  nigrodharajassa  na
koci phalani rakkhati na ca sudam annamannassa phalani himsanti
     {325.9}  atha  kho  brahmana  dhammika annataro puriso suppatitthassa
nigrodharajassa  yavadattham  phalani  bhakkhitva  sakham  bhanjitva  pakkami atha
kho   brahmana   dhammika  suppatitthe  nigrodharaje  adhivatthaya  devataya
etadahosi  acchariyam  vata  bho  abbhutam  vata  bho yava papamanusso yatra hi
nama   suppatitthassa   nigrodharajassa   yavadattham  phalani  bhakkhitva  sakham
bhanjitva   pakkamissati  yannuna  suppatittho  nigrodharaja  ayatim  phalam  na
dadeyyati  atha  kho  brahmana  dhammika  suppatittho  nigrodharaja  ayatim
phalam  na  adasi  4-  atha kho brahmana dhammika raja korabyo yena sakko
devanamindo   tenupasankami  upasankamitva  sakkam  devanamindam  etadavoca
yagghe  marisa  janeyyasi  suppatittho nigrodharaja phalam na detiti atha kho
@Footnote: 1 Si. Ma. Yu. tava mahantani .  2 Yu. anilakam .  3 Po. Ma. miga. Yu. migapakkhiyo.
@4 Ma. Yu. nadasi.
Brahmana    dhammika    sakko   devanamindo   tatharupam   iddhabhisankharam
abhisankharesi   1-   yatha   bhusa  2-  vatavutthi  agantva  suppatittham
nigrodharajam   pavattesi   3-   ummulamakasi  atha  kho  brahmana  dhammika
suppatitthe   nigrodharaje   adhivattha   devata  dukkhi  dummana  assumukhi
rudamana ekamantam atthasi
     {325.10}  atha  kho  brahmana  dhammika  sakko devanamindo yena
suppatitthe   nigrodharaje  adhivattha  devata  tenupasankami  upasankamitva
suppatitthe  nigrodharaje  adhivattham  devatam  etadavoca  kim  nu tvam devate
dukkhi  dummana  assumukhi  rudamana  ekamantam  thitati  tatha  hi  pana  me
marisa   bhusa  vatavutthi  agantva  bhavanam  pavattesi  3-  ummulamakasiti
api  nu  tvam  devate  rukkhadhamme  thita  4-  bhusa  vatavutthi agantva
bhavanam    pavattesi    3-   ummulamakasiti   katham   pana   marisa   rukkho
rukkhadhamme   thito   hotiti   idha  5-  devate  rukkhassa  mulam  mulatthika
haranti    tacam   tacatthika   haranti   pattam   pattatthika   haranti   puppham
pupphatthika   haranti   phalam   phalatthika   haranti   na  ca  tena  devataya
anattamanata   va   anabhinandi   va   6-  karaniya  evam  kho  devate
rukkho   rukkhadhamme   thito   hotiti   atthita   yeva  kho  me  marisa
rukkhadhamme    bhusa    vatavutthi    agantva   bhavanam   pavattesi   3-
ummulamakasiti  sace  kho  tvam  devate  rukkhadhamme  tittheyyasi siya te
bhavanam   yatha   pureti  tittheyyamaham  7-  marisa  rukkhadhamme  hotu  me
@Footnote: 1 Ma. Yu. abhisankhasi .  2 Ma. Yu. bhusa. aparampi idisameva .  3 Si. yu. patesi.
@4 Ma. Yu. thitaya .  5 Yu. idheva .  6 Si. anabhiraddhi va .  7 Ma. Yu. thassamaham.
Bhavanam yatha pureti
     {325.11}   atha   kho   brahmana  dhammika  sakko  devanamindo
tatharupam    iddhabhisankharam   abhisankhari   1-   yatha   bhusa   vatavutthi
agantva    suppatittham    nigrodharajam    ussapeti    sacchavini    2-
mulani   ahesum   evameva  kho  brahmana  dhammika  apinu  tam  samanadhamme
thitam    jatibhumika    upasaka   pabbajesum   3-   sabbaso   jatibhumiyam
sattahi    avasehiti   katham   pana   4-   bhante   samano   samanadhamme
thito    hotiti    idha    brahmana   dhammika   samano   akkosantam   na
paccakkosati   5-   rosantam   na   patirosati   bhandantam   na   patibhandati
evam    kho   brahmana   dhammika   samano   samanadhamme   thito   hotiti
atthitanneva    kho    mam   bhante   samanadhamme   jatibhumika   upasaka
pabbajesum sabbaso jatibhumiyam sattahi avasehiti.
     {325.12}   Bhutapubbam   brahmana  dhammika  sunetto  nama  sattha
ahosi  titthakaro  kamesu  vitarago  sunettassa  kho pana brahmana dhammika
satthuno   anekani   savakasatani   ahesum   sunetto  sattha  savakanam
brahmalokasahabyataya   dhammam   desesi   ye  kho  pana  brahmana  dhammika
sunettassa     satthuno     brahmalokasahabyataya    dhammam    desentassa
cittani   na  pasadesum  te  kayassa  bheda  parammarana  apayam  duggatim
vinipatam   nirayam   upapajjimsu  ye  kho  pana  brahmana  dhammika  sunettassa
satthuno   brahmalokasahabyataya   dhammam   desentassa   cittani  pasadesum
@Footnote: 1 Ma. Yu. abhisankhasi .  2 Po. pancavidhani .  3 Yu. pabbajeyyum .  4 Po. kho..
@5 Po. patikosati.
Te kayassa bheda parammarana sugatim saggam lokam upapajjimsu.
     {325.13}   Bhutapubbam   brahmana  dhammika  mugapakkho  nama  sattha
ahosi   .pe.  aranemi  nama  sattha  ahosi  kuddalako  nama  sattha
ahosi  hatthipalo  nama  sattha  ahosi  .pe.  jotipalo  nama sattha
ahosi   titthakaro   kamesu  vitarago  jotipalassa  kho  pana  brahmana
dhammika   satthuno   anekani   savakasatani   ahesum   jotipalo  sattha
savakanam   brahmalokasahabyataya  dhammam  desesi  ye  kho  pana  brahmana
dhammika      jotipalassa     satthuno     brahmalokasahabyataya     dhammam
desentassa   cittani   na   pasadesum  te  kayassa  bheda  parammarana
apayam   duggatim   vinipatam   nirayam   upapajjimsu   ye  kho  pana  brahmana
dhammika   jotipalassa   satthuno   brahmalokasahabyataya  dhammam  desentassa
cittani   pasadesum   te   kayassa   bheda   parammarana   sugatim  saggam
lokam   upapajjimsu   .   tam  kim  mannasi  brahmana  dhammika  yo  ime  cha
sattharo   titthakare  kamesu  vitarage  anekasataparivare  sasavakasanghe
padutthacitto  akkoseyya  paribhaseyya  bahum  1- so apunnam pasaveyyati.
Evam  bhante  .  yo  kho  brahmana  dhammika  ime cha sattharo titthakare
kamesu    vitarage    anekasataparivare    sasavakasanghe   padutthacitto
akkoseyya   paribhaseyya   bahum   so   apunnam   pasaveyya   yo  ekam
ditthisampannam   puggalam   padutthacitto   akkosati   paribhasati   ayam   tato
@Footnote: 1 Po. bahunca.
Bahutaram   apunnam   pasavati   tam   kissa   hetu   naham   brahmana  dhammika
ito   bahiddha   evarupam   khantam   1-  vadami  yatha  mam  sabrahmacarisu
tasma  tiha  brahmana  dhammika  evam sikkhitabbam na no amasabrahmacarisu 2-
cittani     padutthani    bhavissantiti    evam    hi    te    brahmana
dhammika sikkhitabbanti.
        Sunetto mugapakkho ca          aranemi ca brahmano
        kuddalako ahu sattha         hatthipalo ca manavo
        jotipalo ca govindo        ahu sattapurohito
        abhiseka 3- atitamse             cha sattharo yasassino
        niramagandha karune vimutta 4-  kamasannojanatita 5-
        kamaragam virajetva            brahmalokupaga ahu.
        Ahesum savaka tesam               anekani satanipi
        niramagandha karune vimutta 4-  kamasannojanatita 5-
        kamaragam virajetva            brahmalokupaga ahu.
        Yo 6- te isi bahirake          vitarage samahite
        padutthamanasankappo             yo naro paribhasati
        bahunca so pasavati               apunnam tadiso naro.
        Yo cekam ditthisampannam          bhikkhum buddhassa savakam
@Footnote: 1 Ma. Yu. evarupim khantim .  2 Ma. samasabrahMa.... yu ...sabrahMa... .  3 Ma. Yu.
@ahimsaka .  4 Ma. karunedhimutta .  5 Ma. Yu. tiga .  6 Ma. Yu. ye.
        Padutthamanasankappo             yo naro paribhasati
        ayam tato bahutaram                    apunnam pasave naro.
        Na sadhurupam aside 1-           ditthitthanappahayinam.
        Sattamo puggalo eso         ariyasanghassa vuccati
        avitarago kamesu                yassa pancindriya mudu
        saddha sati ca viriyam 2-           samatho ca vipassana
        tadisam bhikkhum asajja            pubbeva upahannati
        attanam upahatvana             paccha annam vihimsati.
        Yo ca rakkheyya attanam          akkhato 3- pandito sadati.
                    Dhammikavaggo pancamo.
                        Tassuddanam
        nagamigasala inam                cundam 4- dve va saditthikam 5-
        khemaindriya ananda 6-     khattiya appamadena dhammikoti.
                   Pathamapannasako nitthito.
                      ----------
@Footnote: 1 Ma. Yu. aside. 2 Yu. saddha sati viriyanca. 3 Po. akuddho. 4 Yu. cunda.
@5 Ma. cundam dve sanditthika duve. Yu. sanditthikam  6 Ma. Yu. khemadhindriya
@ananda.



             The Pali Tipitaka in Roman Character Volume 22 page 409-418. https://84000.org/tipitaka/read/roman_read.php?B=22&A=8607&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=22&A=8607&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=22&item=325&items=1              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=22&siri=305              Study Atthakatha :- https://84000.org/tipitaka/attha/attha.php?b=22&i=325              The Pali Atthakatha in Thai :- https://84000.org/tipitaka/atthapali/read_th.php?B=16&A=2984              The Pali Atthakatha in Roman :- https://84000.org/tipitaka/atthapali/read_rm.php?B=16&A=2984              Contents of The Tipitaka Volume 22 https://84000.org/tipitaka/read/?index_22 https://84000.org/tipitaka/english/?index_22

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]