PaliRoman Vol.23

[66] Yasmim bhikkhave samaye devanam tavatimsanam paricchattako kovilaro pandupalaso hoti attamana bhikkhave deva tavatimsa tasmim samaye honti pandupalasodani paricchattako kovilaro nacirassevadani sattapalaso ^1- bhavissatiti {66.1} yasmim bhikkhave samaye devanam tavatimsanam paricchattako kovilaro sattapalaso hoti attamana bhikkhave deva tavatimsa tasmim samaye honti sattapalasodani paricchattako kovilaro nacirassevadani jalakajato bhavissatiti {66.2} yasmim bhikkhave samaye devanam tavatimsanam paricchattako kovilaro jalakajato hoti attamana bhikkhave deva tavatimsa tasmim samaye honti jalakajatodani paricchattako kovilaro nacirassevadani kharakajato bhavissatiti {66.3} yasmim bhikkhave samaye devanam tavatimsanam paricchattako kovilaro kharakajato hoti attamana bhikkhave deva tavatimsa tasmim samaye honti kharakajatodani paricchattako kovilaro nacirassevadani kudumalakajato ^2- bhavissatiti {66.4} yasmim bhikkhave samaye devanam tavatimsanam paricchattako kovilaro kudumalakajato hoti attamana bhikkhave deva tavatimsa tasmim samaye honti kudumalakajatodani paricchattako kovilaro nacirassevadani kokasakajato ^3- bhavissatiti {66.5} yasmim bhikkhave samaye devanam tavatimsanam paricchattako kovilaro @Footnote: ¹ Ma. pannapalaso. evamuparipi. ² Ma. kutumalakajato. evamuparipi. @³ Ma. korakajato. evamuparipi.

--------------------------------------------------------------------------------------------- page119.

Kokasakajato hoti attamana bhikkhave deva tavatimsa tasmim samaye honti kokasakajatodani paricchattako kovilaro nacirassevadani sabbaphaliphullo bhavissatiti {66.6} yasmim bhikkhave samaye devanam tavatimsanam paricchattako kovilaro sabbaphaliphullo hoti attamana bhikkhave deva tavatimsa paricchattakassa kovilarassa mule dibbe cattaro mase pancahi kamagunehi samappita samangibhuta paricarenti sabbaphaliphullassa kho pana bhikkhave paricchattakassa kovilarassa samanta pannasayojanani abhaya phutam hoti anuvatam yojanasatam gandho gacchati ayamanubhavo paricchattakassa kovilarassa. {66.7} Evameva kho bhikkhave yasmim samaye ariyasavako agarasma anagariyam pabbajjaya ceteti pandupalaso bhikkhave ariyasavako tasmim samaye hoti devanam ^1- tavatimsanam paricchattako kovilaro {66.8} yasmim bhikkhave samaye ariyasavako kesamassum oharetva kasayani vatthani acchadetva agarasma anagariyam pabbajito hoti sattapalaso bhikkhave ariyasavako tasmim samaye hoti devanam tavatimsanam paricchattako kovilaro {66.9} yasmim bhikkhave samaye ariyasavako vivicceva kamehi .pe. Pathamam jhanam upasampajja viharati jalakajato bhikkhave ariyasavako tasmim samaye hoti devanam tavatimsanam paricchattako kovilaro {66.10} yasmim bhikkhave samaye ariyasavako vitakkavicaranam vupasama .pe. Dutiyam jhanam upasampajja viharati kharakajato bhikkhave ariyasavako tasmim samaye @Footnote: ¹ Ma. devanamva. evamuparipi.

--------------------------------------------------------------------------------------------- page120.

Hoti devanam tavatimsanam paricchattako kovilaro {66.11} yasmim bhikkhave samaye ariyasavako pitiya ca viraga .pe. Tatiyam jhanam upasampajja viharati kudumalakajato bhikkhave ariyasavako tasmim samaye hoti devanam tavatimsanam paricchattako kovilaro {66.12} yasmim bhikkhave samaye ariyasavako sukhassa ca pahana .pe. Catuttham jhanam upasampajja viharati kokasakajato bhikkhave ariyasavako tasmim samaye hoti devanam tavatimsanam paricchattako kovilaro {66.13} yasmim bhikkhave samaye ariyasavako asavanam khaya .pe. Sacchikatva upasampajja viharati sabbaphaliphullo bhikkhave ariyasavako tasmim samaye hoti devanam tavatimsanam paricchattako kovilaro tasmim bhikkhave samaye bhumma deva saddamanussaventi eso itthannamo ayasma itthannamassa ayasmato saddhivihariko amukamha gama va nigama va agarasma anagariyam pabbajito asavanam khaya .pe. Sacchikatva upasampajja viharati bhummanam devanam saddam sutva catummaharajika deva ... tavatimsa deva ... Yama deva ... Tusita deva ... nimmanarati deva ... Paranimmitavasavatti deva ... Brahmakayika deva saddamanussaventi eso itthannamo ayasma itthannamassa ayasmato saddhivihariko amukamha gama va nigama va agarasma anagariyam pabbajito asavanam khaya .pe. sacchikatva upasampajja viharatiti itiha tena khanena tena muhuttena yava brahmaloka saddo ^1- abbhuggacchati @Footnote: ¹ Si. sadhukarasaddo.

--------------------------------------------------------------------------------------------- page121.

Ayamanubhavo khinasavassa bhikkhunoti.

The Pali Tipitaka in Roman Character Volume 23 page 118-121. https://84000.org/tipitaka/read/roman_read.php?B=23&A=2518&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=23&A=2518&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=66&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=23&siri=66 Study Atthakatha :- https://84000.org/tipitaka/attha/attha.php?b=23&i=66 The Pali Atthakatha in Thai :- https://84000.org/tipitaka/atthapali/read_th.php?B=16&A=4544 The Pali Atthakatha in Roman :- https://84000.org/tipitaka/atthapali/read_rm.php?B=16&A=4544 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23