ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 23 : PALI ROMAN Sutta Pitaka Vol 15 : Sutta. Aṅ. (4): sattaka-aṭṭhaka-navakanipātā

     [69]  Ekam  samayam  bhagava kosalesu carikam carati mahata bhikkhusanghena
saddhim    addasa    kho    bhagava    addhanamaggapatipanno    annatarasmim
padese   mahantam   aggikkhandham   adittam   sampajjalitam   sanjotibhutam   3-
disva   magga   okkamma   annatarasmim   rukkhamule   pannatte  asane
nisidi  nisajja  kho  bhagava  bhikkhu  amantesi  passatha  no  tumhe bhikkhave
amum    mahantam    aggikkhandham   adittam   sampajjalitam   sanjotibhutanti  .
Evam bhante.
     {69.1}  Tam  kim  mannatha  bhikkhave  katamam  nu  kho varam yam amum mahantam
aggikkhandham    adittam    sampajjalitam    sanjotibhutam    alingitva   4-
upanisideyya  va  upanipajjeyya  va  yam  va khattiyakannam va brahmanakannam
va    gahapatikannam    va   mudutalunahatthapadam   alingitva   upanisideyya
va   upanipajjeyya   vati   .   etadeva  bhante  varam  yam  khattiyakannam
va   brahmanakannam   va  gahapatikannam  va  mudutalunahatthapadam  alingitva
upanisideyya  va  upanipajjeyya  va  dukkhanhetam  bhante  yam  amum  mahantam
aggikkhandham   adittam   sampajjalitam   sanjotibhutam  alingitva  upanisideyya
va   upanipajjeyya   vati   .  arocayami  vo  bhikkhave  pativedayami
@Footnote: 1 Ma. parihayanti .   2 Ma. putikani bhavantiti .   3 Ma. sajotibhutam. evamuparipi.
@4 Ma. alingetva. evamuparipi.
Vo   bhikkhave   yatha   etadeva   tassa   varam   dussilassa  papadhammassa
asucisankassarasamacarassa         paticchannakammantassa         assamanassa
samanapatinnassa     abrahmacarissa     brahmacaripatinnassa     antoputissa
avassutassa    kasambujatassa    yam   amum   mahantam   aggikkhandham   adittam
sampajjalitam   sanjotibhutam   alingitva   upanisideyya   va  upanipajjeyya
va  tam  kissa  hetu  tatonidananhi  so  bhikkhave  maranam  va  nigaccheyya
maranamattam    va    dukkham    natveva    tappaccaya    kayassa   bheda
parammarana apayam duggatim vinipatam nirayam upapajjeyya
     {69.2}  yanca  kho  so bhikkhave dussilo papadhammo asucisankassara-
samacaro    paticchannakammanto   assamano   samanapatinno   abrahmacari
brahmacaripatinno    antoputi    avassuto    kasambujato    khattiyakannam
va     brahmanakannam     va    gahapatikannam    va    mudutalunahatthapadam
alingitva   upanisidati   va   upanipajjati   va   tanhi  tassa  bhikkhave
hoti   digharattam   ahitaya   dukkhaya  kayassa  bheda  parammarana  apayam
duggatim vinipatam nirayam upapajjati.
     {69.3}  Tam  kim  mannatha  bhikkhave  katamam nu kho varam yam balava puriso
dalhaya  valarajjuya  ubho  jangha  vethetva  ghamseyya sa chavim chindeyya
chavim  chetva  cammam  chindeyya  cammam  chetva  mamsam  chindeyya mamsam chetva
nharum  chindeyya  nharum  chetva  atthim  chindeyya atthim chetva atthiminjam
ahacca   tittheyya  yam  va  khattiyamahasalanam  va  brahmanamahasalanam
va     gahapatimahasalanam     va     abhivadanam    sadiyeyyati   .
Etadeva   bhante   varam  yam  khattiyamahasalanam  va  brahmanamahasalanam
va   gahapatimahasalanam   va   abhivadanam  sadiyeyya  dukkhanhetam  bhante
yam  balava  puriso  dalhaya  valarajjuya  ubho  jangha vethetva ghamseyya
sa chavim chindeyya .pe. Atthiminjam ahacca tittheyyati.
     {69.4}  Arocayami  vo  bhikkhave  pativedayami vo bhikkhave yatha
etadeva  tassa  varam  dussilassa  .pe.  kasambujatassa  yam  balava  puriso
dalhaya  valarajjuya  ubho  jangha  vethetva  ghamseyya sa chavim chindeyya
.pe.   atthiminjam   ahacca   tittheyya   tam  kissa  hetu  tatonidananhi
so   bhikkhave   maranam   va   nigaccheyya  maranamattam  va  dukkham  natveva
tappaccaya   kayassa   bheda  parammarana  apayam  duggatim  vinipatam  nirayam
upapajjeyya   yanca   kho   so   bhikkhave  dussilo  .pe.  kasambujato
khattiyamahasalanam    va   brahmanamahasalanam   va   gahapatimahasalanam
va   abhivadanam   sadiyati  tanhi  tassa  bhikkhave  hoti  digharattam  ahitaya
dukkhaya   kayassa   bheda   parammarana   apayam  duggatim  vinipatam  nirayam
upapajjati.
     {69.5}  Tam  kim  mannatha  bhikkhave  katamam nu kho varam yam balava puriso
tinhaya   sattiya   teladhotaya  paccorasmim  pahareyya  yam  va  khattiya-
mahasalanam    va    brahmanamahasalanam    va    gahapatimahasalanam
va  anjalikammam  sadiyeyyati . Etadeva bhante varam yam khattiyamahasalanam
va    brahmanamahasalanam   va   gahapatimahasalanam   va   anjalikammam
sadiyeyya    dukkhanhetam    bhante    yam    balava    puriso   tinhaya
Sattiya teladhotaya paccorasmim pahareyyati.
     {69.6}  Arocayami  vo  bhikkhave  pativedayami vo bhikkhave yatha
etadeva  tassa  varam  dussilassa  .pe.  kasambujatassa  yam  balava  puriso
tinhaya   sattiya   teladhotaya   paccorasmim  pahareyya  tam  kissa  hetu
tatonidananhi   so   bhikkhave   maranam   va   nigaccheyya  maranamattam  va
dukkham   natveva   tappaccaya  kayassa  bheda  parammarana  apayam  duggatim
vinipatam   nirayam   upapajjeyya  yanca  kho  so  bhikkhave  dussilo  .pe.
Kasambujato     khattiyamahasalanam    va    brahmanamahasalanam    va
gahapatimahasalanam   va   anjalikammam   sadiyati   tanhi   tassa   bhikkhave
hoti   digharattam   ahitaya   dukkhaya  kayassa  bheda  parammarana  apayam
duggatim vinipatam nirayam upapajjati.
     {69.7}  Tam  kim  mannatha  bhikkhave  katamam nu kho varam yam balava puriso
tattena   ayopattena   adittena   sampajjalitena   sanjotibhutena  kayam
sampalivetheyya   yam   va   khattiyamahasalanam   va  brahmanamahasalanam
va   gahapatimahasalanam   va   saddhadeyyam   civaram   paribhunjeyyati .
Etadeva   bhante   varam  yam  khattiyamahasalanam  va  brahmanamahasalanam
va    gahapatimahasalanam    va    saddhadeyyam    civaram    paribhunjeyya
dukkhanhetam   bhante  yam  balava  puriso  tattena  ayopattena  adittena
sampajjalitena sanjotibhutena kayam sampalivetheyyati.
     {69.8}    Arocayami    vo    bhikkhave    pativedayami   vo
bhikkhave     yatha     etadeva    tassa    varam    dussilassa    .pe.
Kasambujatassa     yam     balava     puriso     tattena    ayopattena
Adittena    sampajjalitena   sanjotibhutena   kayam   sampalivetheyya   tam
kissa  hetu  tatonidananhi  so  bhikkhave  maranam  va  nigaccheyya maranamattam
va   dukkham   na  tveva  tappaccaya  kayassa  bheda  parammarana  apayam
duggatim   vinipatam   nirayam  upapajjeyya  yanca  kho  so  bhikkhave  dussilo
.pe.    kasambujato    khattiyamahasalanam    va   brahmanamahasalanam
va    gahapatimahasalanam   va   saddhadeyyam   civaram   paribhunjati   tanhi
tassa   bhikkhave   hoti   digharattam   ahitaya   dukkhaya   kayassa  bheda
parammarana apayam duggatim vinipatam nirayam upapajjati.
     {69.9}  Tam  kim  mannatha  bhikkhave  katamam nu kho varam yam balava puriso
tattena   ayosankuna  adittena  1-  sampajjalitena  sanjotibhutena  1-
mukham   vivaritva   tattam   lohagulam  adittam  sampajjalitam  sanjotibhutam  mukhe
pakkhipeyya  tam  tassa  otthampi  daheyya  mukhampi  daheyya jivhampi daheyya
kanthampi    daheyya   urampi   daheyya   antampi   antagunampi   adaya
adhobhaga  nikkhameyya  yam  va  khattiyamahasalanam va brahmanamahasalanam
va   gahapatimahasalanam   va  saddhadeyyam  pindapatam  paribhunjeyyati .
Etadeva  bhante  varam  yam  khattiyamahasalanam  va brahmanamahasalanam va
gahapatimahasalanam   va   saddhadeyyam  pindapatam  paribhunjeyya  dukkhanhetam
bhante  yam  balava  puriso  tattena  ayosankuna  adittena sampajjalitena
sanjotibhutena   mukham   vivaritva   tattam   lohagulam   adittam   sampajjalitam
sanjotibhutam  mukhe  pakkhipeyya  tam  tassa  otthampi  daheyya mukhampi daheyya
@Footnote: 1 Ma. ime tayo patha natthi. evamuparipi.
Jivhampi    daheyya    kanthampi    daheyya   urampi   dadeyya   antampi
antagunampi adaya adhobhaga nikkhameyyati.
     {69.10}  Arocayami  vo  bhikkhave pativedayami vo bhikkhave yatha
etadeva  tassa  varam  dussilassa  .pe.  kasambujatassa  yam  balava  puriso
tattena     ayosankuna    adittena    sampajjalitena    sanjotibhutena
mukham    vivaritva    tattam   lohagulam   adittam   sampajjalitam   sanjotibhutam
mukhe  pakkhipeyya  tam  tassa  otthampi  daheyya  mukhampi  daheyya  jivhampi
daheyya    kanthampi   daheyya   urampi   daheyya   antampi   antagunampi
adaya   adhobhaga   nikkhameyya   tam   kissa  hetu  tatonidananhi  so
bhikkhave  maranam  va  nigaccheyya  maranamattam  va  dukkham  natveva tappaccaya
kayassa   bheda  parammarana  apayam  duggatim  vinipatam  nirayam  upapajjeyya
yanca  kho  so  bhikkhave  dussilo  .pe.  kasambujato  khattiyamahasalanam
va   brahmanamahasalanam   va   gahapatimahasalanam   va   saddhadeyyam
pindapatam   paribhunjati   tanhi   tassa   bhikkhave   hoti  digharattam  ahitaya
dukkhaya   kayassa   bheda   parammarana   apayam  duggatim  vinipatam  nirayam
upapajjati.
     {69.11}  Tam  kim  mannatha  bhikkhave  katamam  nu  kho  varam  yam balava
puriso   sise   va   gahetva  khandhe  va  gahetva  tattam  ayomancam
va      ayopitham      va     adittam     sampajjalitam     sanjotibhutam
abhinisidapeyya   va   abhinipajjapeyya   va  yam  va  khattiyamahasalanam
va      brahmanamahasalanam      va      gahapatimahasalanam     va
saddhadeyyam   mancapitham   paribhunjeyyati   .   etadeva  bhante  varam  yam
Khattiyamahasalanam    va   brahmanamahasalanam   va   gahapatimahasalanam
va   saddhadeyyam   mancapitham  paribhunjeyya  dukkhanhetam  bhante  yam  balava
puriso  sise  va  gahetva  khandhe  va  gahetva  tattam  ayomancam va
ayopitham   va   adittam   sampajjalitam   sanjotibhutam   abhinisidapeyya  va
abhinipajjapeyya vati.
     {69.12}  Arocayami  vo  bhikkhave pativedayami vo bhikkhave yatha
etadeva  tassa  varam  dussilassa  .pe. Kasambujatassa yam balava puriso sise
va  gahetva  khandhe va gahetva tattam ayomancam va ayopitham va adittam
sampajjalitam   sanjotibhutam   abhinisidapeyya   va  abhinipajjapeyya  va  tam
kissa  hetu  tatonidananhi  so  bhikkhave  maranam  va  nigaccheyya maranamattam
va  dukkham  na  tveva  tappaccaya  kayassa bheda parammarana apayam duggatim
vinipatam  nirayam upapajjeyya yanca kho so bhikkhave dussilo .pe. Kasambujato
khattiyamahasalanam    va   brahmanamahasalanam   va   gahapatimahasalanam
va  saddhadeyyam  mancapitham  paribhunjati  tanhi  tassa  bhikkhave  hoti digharattam
ahitaya   dukkhaya   kayassa  bheda  parammarana  apayam  duggatim  vinipatam
nirayam upapajjati.
     {69.13}  Tam  kim  mannatha  bhikkhave katamam nu kho varam yam balava puriso
uddhampadam  adhosiram  gahetva  tattaya  lohakumbhiya  pakkhipeyya adittaya
sampajjalitaya   sanjotibhutaya  so  tattha  phenuddehakam  paccamano  sakimpi
uddham  gaccheyya  sakimpi  adho  gaccheyya  sakimpi  tiriyam  gaccheyya  yam va
khattiyamahasalanam    va   brahmanamahasalanam   va   gahapatimahasalanam
Va   saddhadeyyam  viharam  paribhunjeyyati  .  etadeva  bhante  varam  yam
khattiyamahasalanam    va   brahmanamahasalanam   va   gahapatimahasalanam
va   saddhadeyyam   viharam   paribhunjeyya  dukkhanhetam  bhante  yam  balava
puriso   uddhampadam   adhosiram  gahetva  tattaya  lohakumbhiya  pakkhipeyya
adittaya    sampajjalitaya    sanjotibhutaya   so   tattha   phenuddehakam
paccamano  sakimpi  uddham  gaccheyya  sakimpi  adho  gaccheyya  sakimpi tiriyam
gaccheyyati.
     {69.14}   Arocayami  vo  bhikkhave  pativedayami  vo  bhikkhave
yatha   etadeva  tassa  varam  dussilassa  .pe.  kasambujatassa  yam  balava
puriso   uddhampadam   adhosiram  gahetva  tattaya  lohakumbhiya  pakkhipeyya
adittaya    sampajjalitaya    sanjotibhutaya   so   tattha   phenuddehakam
paccamano  sakimpi  uddham  gaccheyya  sakimpi  adho  gaccheyya  sakimpi tiriyam
gaccheyya   tam   kissa   hetu   tatonidananhi   so  bhikkhave  maranam  va
nigaccheyya   maranamattam   va   dukkham   na   tveva   tappaccaya  kayassa
bheda   parammarana   apayam   duggatim  vinipatam  nirayam  upapajjeyya  yanca
kho   so  bhikkhave  dussilo  .pe.  kasambujato  khattiyamahasalanam  va
brahmanamahasalanam   va   gahapatimahasalanam   va  saddhadeyyam  viharam
paribhunjati  tanhi  tassa  bhikkhave  hoti  digharattam  ahitaya  dukkhaya kayassa
bheda   parammarana   apayam  duggatim  vinipatam  nirayam  upapajjati  tasmatiha
bhikkhave   evam   sikkhitabbam   yesanca   mayam   paribhunjama  civarapindapata-
senasanagilanapaccayabhesajjaparikkharanam    1-    tesam    te    kara
@Footnote: 1 Ma. -parikkharam.
Mahapphala   bhavissanti   mahanisamsa   amhakancevayam   pabbajja  avanjha
bhavissati   saphala   saudrayati  evanhi  vo  bhikkhave  sikkhitabbam  attattham
va   bhikkhave   sampassamanena  alameva  appamadena  sampadetum  parattham
va   bhikkhave  sampassamanena  alameva  appamadena  sampadetum  ubhayattham
va bhikkhave sampassamanena alameva appamadena sampadetunti.
     {69.15}   Idamavoca   bhagava   imasminca   pana   veyyakaranasmim
bhannamane    satthimattanam    bhikkhunam   unham   lohitam   mukhato   ugganchi
satthimatta   bhikkhu   sikkham   paccakkhaya   hinayavattimsu   dukkaram   bhagava
sudukkaram    bhagavati   .   satthimattanam   bhikkhunam   anupadaya   asavehi
cittani vimuccimsuti.



             The Pali Tipitaka in Roman Character Volume 23 page 129-137. https://84000.org/tipitaka/read/roman_read.php?B=23&A=2763&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=23&A=2763&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=23&item=69&items=1              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=23&siri=69              Study Atthakatha :- https://84000.org/tipitaka/attha/attha.php?b=23&i=69              The Pali Atthakatha in Thai :- https://84000.org/tipitaka/atthapali/read_th.php?B=16&A=4662              The Pali Atthakatha in Roman :- https://84000.org/tipitaka/atthapali/read_rm.php?B=16&A=4662              Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]