PaliRoman Vol.23

Vajjivaggo ^4- tatiyo [19] Ekam samayam bhagava vesaliyam viharati sarandade cetiye. Athakho sambahula licchavi yena bhagava tenupasankamimsu upasankamitva bhagavantam abhivadetva ekamantam nisidimsu ekamantam nisinne kho te @Footnote: ¹ Ma. avigatapemo. evamuparipi . ² Ma. aniccam dukkham . ³ Ma. niddasavatthu cati. @⁴ Ma. vajjisattakavaggo. Licchavi bhagava etadavoca satta vo licchavi aparihaniye dhamme desessami tam sunatha sadhukam manasikarotha bhasissamiti . Evam bhanteti kho te licchavi bhagavato paccassosum . bhagava etadavoca katame ca licchavi satta aparihaniya dhamma yavakivanca licchavi vajji abhinhasannipata ^1- bhavissanti sannipatabahula vuddhiyeva licchavi vajjinam patikankha no parihani. {19.1} Yavakivanca licchavi vajji samagga sannipatissanti samagga vutthahissanti samagga vajjikaraniyani karissanti vuddhiyeva licchavi vajjinam patikankha no parihani. {19.2} Yavakivanca licchavi vajji appannattam na pannapessanti pannattam na samucchindissanti yathapannatte porane vajjidhamme samadaya vattissanti vuddhiyeva licchavi vajjinam patikankha no parihani. {19.3} Yavakivanca licchavi vajji ye te vajjinam vajjimahallaka te sakkarissanti garukarissanti manessanti pujessanti tesanca sotabbam mannissanti vuddhiyeva licchavi vajjinam patikankha no parihani. {19.4} Yavakivanca licchavi vajji ya ta kulitthiyo kulakumariyo ta na okkassa pasayha vasessanti vuddhiyeva licchavi vajjinam patikankha no parihani. {19.5} Yavakivanca licchavi vajji yani tani vajjinam vajjicetiyani abbhantarani ceva bahirani ca tani sakkarissanti garukarissanti manessanti pujessanti tesanca dinnapubbam katapubbam dhammikam balim no parihapessanti vuddhiyeva licchavi vajjinam patikankha no parihani. {19.6} Yavakivanca licchavi vajjinam arahantesu @Footnote: ¹ Ma. abhinham sannipata. evamuparipi. Dhammikarakkhavaranagutti susamvihita bhavissati kinti anagata ca arahanto vijitam agaccheyyum agata ca arahanto vijite phasum vihareyyunti vuddhiyeva licchavi vajjinam patikankha no parihani. {19.7} Yavakivanca licchavi ime satta aparihaniya dhamma vajjisu thassanti imesu ca sattasu aparihaniyesu dhammesu vajji sandississanti vuddhiyeva licchavi vajjinam patikankha no parihaniti.

The Pali Tipitaka in Roman Character Volume 23 page 15-17. https://84000.org/tipitaka/read/roman_read.php?B=23&A=318&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=23&A=318&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=19&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=23&siri=19 Study Atthakatha :- https://84000.org/tipitaka/attha/attha.php?b=23&i=19 The Pali Atthakatha in Thai :- https://84000.org/tipitaka/atthapali/read_th.php?B=16&A=3695 The Pali Atthakatha in Roman :- https://84000.org/tipitaka/atthapali/read_rm.php?B=16&A=3695 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23