PaliRoman Vol.23

[98] ⁸ Ekam samayam ayasma uttaro mahisavatthusmim viharati sankheyyake pabbate vattajalikayam ^1- . tatra kho ayasma uttaro bhikkhu amantesi sadhavuso bhikkhu kalena kalam attavipattim paccavekkhita hoti sadhavuso bhikkhu kalena kalam paravipattim paccavekkhita hoti sadhavuso bhikkhu kalena kalam attasampattim paccavekkhita hoti sadhavuso bhikkhu kalena kalam parasampattim paccavekkhita hotiti. Tena kho pana samayena vessavano ^2- maharaja uttaradisaya dakkhinadisam gacchati kenacideva karaniyena assosi kho vessavano maharaja ayasmato uttarassa mahisavatthusmim sankheyyake pabbate vattajalikayam bhikkhunam evam dhammam desentassa sadhavuso bhikkhu kalena kalam attavipattim paccavekkhita hoti sadhavuso bhikkhu kalena kalam paravipattim paccavekkhita hoti sadhavuso bhikkhu kalena kalam attasampattim paccavekkhita hoti sadhavuso bhikkhu kalena kalam parasampattim paccavekkhita hotiti {98.1} athakho vessavano maharaja seyyathapi nama balava puriso samminjitam va baham pasareyya pasaritam va baham samminjeyya evameva mahisavatthusmim sankheyyake pabbate vattajalikayam antarahito devesu tavatimsesu paturahosi athakho vessavano maharaja yena sakko devanamindo tenupasankami upasankamitva @Footnote: ¹ Si. dhavajalikayam. Ma. vatajalikayam. evamuparipi. ² vessavannotipi. Sakkam devanamindam etadavoca yagghe marisa janeyyasi eso ayasma uttaro mahisavatthusmim sankheyyake pabbate vattajalikayam bhikkhunam evam dhammam deseti sadhavuso bhikkhu kalena kalam attavipattim .pe. Parasampattim paccavekkhita hotiti. Athakho sakko devanamindo seyyathapi nama balava puriso samminjitam va baham pasareyya pasaritam va baham samminjeyya evameva devesu tavatimsesu antarahito mahisavatthusmim sankheyyake pabbate vattajalikayam ayasmato uttarassa sammukhe paturahosi athakho sakko devanamindo yenayasma uttaro tenupasankami upasankamitva ayasmantam uttaram abhivadetva ekamantam atthasi ekamantam thito kho sakko devanamindo ayasmantam uttaram etadavoca {98.2} saccam kira bhante ayasma uttaro bhikkhunam evam dhammam desesi sadhavuso bhikkhu kalena kalam attavipattim .pe. parasampattim paccavekkhita hotiti . evam devanamindati . kim pana ^1- bhante ayasmato uttarassa sakam patibhanam udahu tassa bhagavato vacanam arahato sammasambuddhassati . tenahi devanaminda upamam te karissami upamayamidhekacce vinnu purisa bhasitassa attham ajananti {98.3} seyyathapi devanaminda gamassa va nigamassa va avidure mahadhannarasi tato mahajanakayo dhannam ahareyya kayehipi ^2- sisakehipi ^3- uccankehipi ^4- @Footnote: ¹ Ma. panidam . ² Ma. kajehipi. Yu. kacehipi . ³ Ma. Yu. pitakehipi. @⁴ Ma. Yu. ucchangehipi. Anjalihipi yo nu kho devanaminda ^[1]- mahajanakayam upasankamitva evam puccheyya kuto imam dhannam aharathati katham byakaramano nu kho devanaminda so mahajanakayo samma byakaramano byakareyyati . amumha mahadhannarasimha aharamati kho bhante so mahajanakayo samma byakaramano byakareyyati . Evameva kho devanaminda yankinci subhasitam sabbantam tassa bhagavato vacanam arahato sammasambuddhassa tato upadayupadaya mayam dhannam ^2- ca bhanamati. {98.4} Acchariyam bhante abbhutam bhante yava subhasitancidam ayasmata uttarena yankinci subhasitam sabbantam tassa bhagavato vacanam arahato sammasambuddhassa tato upadayupadaya mayam dhannam ^2- ca bhanamati evamidam bhante uttara ekam samayam bhagava rajagahe viharati gijjhakute pabbate acirapakkante devadatte tatra kho bhagava devadattam arabbha bhikkhu amantesi {98.5} sadhu bhikkhave bhikkhu kalena kalam attavipattim paccavekkhita hoti sadhu bhikkhave bhikkhu kalena kalam paravipattim attasampattim parasampattim paccavekkhita hoti atthahi bhikkhave asaddhammehi abhibhuto pariyadinnacitto devadatto apayiko nerayiko kappattho atekiccho katamehi atthahi labhena ^[3]- bhikkhave abhibhuto pariyadinnacitto devadatto apayiko nerayiko kappattho atekiccho alabhena bhikkhave yasena bhikkhave ayasena bhikkhave sakkarena bhikkhave asakkarena @Footnote: ¹ Ma. tam . ² Ma. mayancanne ca. Yu. mayanca anne ca . ³ Ma. hi. Bhikkhave papicchataya bhikkhave papamittataya bhikkhave abhibhuto pariyadinnacitto devadatto apayiko nerayiko kappattho atekiccho imehi kho bhikkhave atthahi asaddhammehi abhibhuto pariyadinnacitto devadatto apayiko nerayiko kappattho atekiccho {98.6} sadhu bhikkhave bhikkhu uppannam labham abhibhuyya abhibhuyya vihareyya uppannam alabham uppannam yasam uppannam ayasam uppannam sakkaram uppannam asakkaram uppannam papicchatam uppannam papamittatam abhibhuyya abhibhuyya vihareyya. Kinca bhikkhave bhikkhu atthavasam paticca uppannam labham abhibhuyya abhibhuyya vihareyya uppannam alabham uppannam yasam uppannam ayasam uppannam sakkaram uppannam asakkaram uppannam papicchatam uppannam papamittatam abhibhuyya abhibhuyya vihareyya yanhissa bhikkhave uppannam labham anabhibhuyya viharato uppajjeyyum asava vighataparilaha uppannam labham abhibhuyya viharato evamsa te asava vighataparilaha na honti yanhissa bhikkhave uppannam alabham uppannam yasam uppannam ayasam uppannam sakkaram uppannam asakkaram uppannam papicchatam uppannam papamittatam anabhibhuyya viharato uppajjeyyum asava vighataparilaha uppannam papamittatam abhibhuyya viharato evamsa te asava vighataparilaha na honti idam kho bhikkhave bhikkhu atthavasam paticca uppannam labham abhibhuyya abhibhuyya vihareyya uppannam alabham uppannam yasam uppannam ayasam uppannam sakkaram uppannam asakkaram uppannam Papicchatam uppannam papamittatam abhibhuyya abhibhuyya vihareyya {98.7} tasma tiha bhikkhave evam sikkhitabbam uppannam labham abhibhuyya abhibhuyya viharissama uppannam alabham uppannam yasam uppannam ayasam uppannam sakkaram uppannam asakkaram uppannam papicchatam uppannam papamittatam abhibhuyya abhibhuyya viharissamati evanhi vo bhikkhave sikkhitabbanti . ettavata bhante uttara manussesu catasso parisa bhikkhu bhikkhuniyo upasaka upasikayo nayam dhammapariyayo kisminci patitthito ^1- ugganhatu bhante ayasma uttaro imam dhammapariyayam pariyapunatu bhante ayasma uttaro imam dhammapariyayam dharetu bhante ayasma uttaro imam dhammapariyayam atthasanhito ayam bhante dhammapariyayo adibrahmacariyakoti ^2-.

The Pali Tipitaka in Roman Character Volume 23 page 164-168. https://84000.org/tipitaka/read/roman_read.php?B=23&A=3499&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=23&A=3499&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=98&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=23&siri=81 Study Atthakatha :- https://84000.org/tipitaka/attha/attha.php?b=23&i=98 The Pali Atthakatha in Thai :- https://84000.org/tipitaka/atthapali/read_th.php?B=16&A=4811 The Pali Atthakatha in Roman :- https://84000.org/tipitaka/atthapali/read_rm.php?B=16&A=4811 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23