PaliRoman Vol.23

[20] Ekam samayam bhagava rajagahe viharati gijjhakute pabbate. Tena kho pana samayena raja magadho ajatasattu vedehiputto vajji abhiyatukamo hoti so evamaha aham ime vajji evammahiddhike evammahanubhave ucchejjissami ^1- vajji vinasessami vajji anayabyasanam apadessamiti athakho raja magadho ajatasattu vedehiputto vassakaram brahmanam magadhamahamattam amantesi ehi tvam brahmana yena bhagava tenupasankami upasankamitva mama vacanena bhagavato pade sirasa vanda appabadham appatankam lahutthanam balam phasuviharam puccha raja bhante magadho ajatasattu vedehiputto bhagavato pade sirasa vandati appabadham appatankam lahutthanam balam phasuviharam pucchatiti evanca vadehi raja bhante magadho ajatasattu vedehiputto vajji abhiyatukamo so evamaha aham ime vajji evammahiddhike evammahanubhave ujchejjissami vajji vinasessami vajji anayabyasanam apadessamiti @Footnote: ¹ Ma. ucchecchami. evamuparipi. Yatha bhagava byakaroti tam sadhukam uggahetva mama aroceyyasi na hi tathagata vitatham bhanantiti. {20.1} Evam bhoti kho vassakaro brahmano magadhamahamatto ranno magadhassa ajatasattussa vedehiputtassa patissunitva yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi ekamantam nisinno kho vassakaro brahmano magadhamahamatto bhagavantam etadavoca raja bho gotama magadho ajatasattu vedehiputto bhoto gotamassa pade sirasa vandati appabadham appatankam lahutthanam balam phasuviharam pucchati raja bho gotama magadho ajatasattu vedehiputto vajji abhiyatukamo so evamaha aham ime vajji evammahiddhike evammahanubhave ucchejjissami vajji anayabyasanam apadessamiti. {20.2} Tena kho pana samayena ayasma anando bhagavato pitthito thito hoti bhagavantam vijamano ^1- . athakho bhagava ayasmantam anandam amantesi kinti te ananda sutam vajji abhinhasannipata sannipatabahulati . sutam me tam bhante vajji abhinhasannipata sannipatabahulati . yavakivanca ananda vajji abhinhasannipata bhavissanti sannipatabahula vuddhiyeva ananda vajjinam patikankha no parihani. {20.3} Kinti te ananda sutam vajji samagga sannipatanti samagga vutthahanti samagga vajjikaraniyani karontiti . sutam me tam bhante vajji samagga sannipatanti samagga vutthahanti samagga vajjikaraniyani @Footnote: ¹ Ma. bijamano. evamuparipi. Karontiti . yavakivanca ananda vajji samagga sannipatissanti samagga vutthahissanti samagga vajjikaraniyani karissanti vuddhiyeva ananda vajjinam patikankha no parihani. {20.4} Kinti te ananda sutam vajji appannattam na pannapenti pannattam na samucchindanti yathapannatte porane vajjidhamme samadaya vattantiti . sutam me tam bhante vajji appannattam na pannapenti pannattam na samucchindanti yathapannatte porane vajjidhamme samadaya vattantiti. Yavakivanca ananda vajji appannattam na pannapessanti pannattam na samucchindissanti yathapannatte porane vajjidhamme samadaya vattissanti vuddhiyeva ananda vajjinam patikankha no parihani. {20.5} Kinti te ananda sutam vajji ye te vajjinam vajjimahallaka te sakkaronti garukaronti manenti pujenti tesanca sotabbam mannantiti. Sutam me tam bhante vajji ye te vajjinam vajjimahallaka te sakkaronti garukaronti manenti pujenti tesanca sotabbam mannantiti . yavakivanca ananda vajji ye te vajjinam vajjimahallaka te sakkarissanti garukarissanti manessanti pujessanti tesanca sotabbam mannissanti vuddhiyeva ananda vajjinam patikankha no parihani. {20.6} Kinti te ananda sutam vajji ya ta kulitthiyo kulakumariyo ta na okkassa pasayha vasentiti . sutam me tam bhante vajji ya ta kulitthiyo kulakumariyo ta na okkassa pasayha vasentiti . Yavakivanca ananda vajji ya ta kulitthiyo kulakumariyo ta na okkassa pasayha vasessanti vuddhiyeva ananda vajjinam patikankha no parihani. {20.7} Kinti te ananda sutam vajji yani tani vajjinam vajjicetiyani abbhantarani ceva bahirani ca tani sakkaronti garukaronti manenti pujenti tesanca dinnapubbam katapubbam dhammikam balim no parihapentiti . Sutam me tam bhante vajji yani tani vajjinam vajjicetiyani abbhantarani ceva bahirani ca tani sakkaronti garukaronti manenti pujenti tesanca dinnapubbam katapubbam dhammikam balim no parihapentiti . yavakivanca ananda vajji yani tani vajjinam vajjicetiyani abbhantarani ceva bahirani ca tani sakkarissanti garukarissanti manessanti pujessanti tesanca dinnapubbam katapubbam dhammikam balim no parihapessanti vuddhiyeva ananda vajjinam patikankha no parihani. {20.8} Kinti te ananda sutam vajjinam arahantesu dhammikarakkhavarana- gutti susamvihita ^[1]- kinti anagata ca arahanto vijitam agaccheyyum agata ca arahanto vijite phasum vihareyyunti. Sutam me tam bhante vajjinam arahantesu dhammikarakkhavaranagutti susamvihita ^[1]- kinti anagata ca arahanto vijitam agaccheyyum agata ca arahanto vijite phasum vihareyyunti. Yavakivanca ananda vajjinam arahantesu dhammikarakkhavaranagutti susamvihita bhavissati kinti anagata ca arahanto vijitam agaccheyyum agata ca arahanto vijite phasum vihareyyunti vuddhiyeva @Footnote: ¹ Ma. bhavissati. Ananda vajjinam patikankha no parihaniti. {20.9} Atha kho bhagava vassakaram brahmanam magadhamahamattam amantesi ekamidaham brahmana samayam vesaliyam viharami sarandade cetiye tatraham ^[1]- vajjinam ime satta aparihaniye dhamme desemi ^2- yavakivanca brahmana ime satta aparihaniya dhamma vajjisu thassanti imesu ca sattasu aparihaniyesu dhammesu vajji sandississanti vuddhiyeva brahmana vajjinam patikankha no parihaniti . ekamekenapi bho gotama aparihaniyena dhammena samannagatanam vajjinam vuddhiyeva patikankha no parihani ko pana vado sattahi aparihaniyehi dhammehi akaraniya ca bho gotama vajji ranna magadhena ajatasattuna vedehiputtena yadidam yuddhassa annatra upalapanaya annatra mithubheda handa ca dani mayam bho gotama gacchama bahukicca mayam bahukaraniyati . Yassadani tvam brahmana kalam mannasiti . athakho vassakaro brahmano magadhamahamatto bhagavato bhasitam abhinanditva anumoditva utthayasana pakkamiti.

The Pali Tipitaka in Roman Character Volume 23 page 17-21. https://84000.org/tipitaka/read/roman_read.php?B=23&A=357&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=23&A=357&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=20&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=23&siri=20 Study Atthakatha :- https://84000.org/tipitaka/attha/attha.php?b=23&i=20 The Pali Atthakatha in Thai :- https://84000.org/tipitaka/atthapali/read_th.php?B=16&A=3803 The Pali Atthakatha in Roman :- https://84000.org/tipitaka/atthapali/read_rm.php?B=16&A=3803 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23