บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[119] 29 Khanakicco loko khanakicco lokoti bhikkhave assutava puthujjano bhasati no ca kho so janati khanam va akkhanam va atthime bhikkhave akkhana asamaya brahmacariyavasaya katame attha idha bhikkhave tathagato ca loke uppanno hoti araham sammasambuddho vijja caranasampanno sugato lokavidu anuttaro purisadammasarathi sattha devamanussanam buddho bhagava dhammo ca desiyati upasamiko 1- parinibbaniko sambodhagami sugatappavedito ayanca puggalo nirayam upapanno hoti ayam bhikkhave pathamo akkhano asamayo brahmacariyavasaya. {119.1} Puna caparam bhikkhave tathagato ca loke uppanno hoti .pe. sattha devamanussanam buddho bhagava dhammo ca desiyati upasamiko parinibbaniko sambodhagami sugatappavedito ayanca puggalo tiracchanayonim upapanno hoti .pe. ayanca puggalo pittivisayam upapanno hoti .pe. ayanca puggalo annataram dighayukam devanikayam upapanno hoti .pe. ayanca puggalo paccantimesu janapadesu paccajato hoti so ca hoti avinnataresu milakkhusu 2- yattha natthi gati bhikkhunam bhikkhuninam upasakanam upasikanam .pe. Ayanca puggalo majjhimesu janapadesu paccajato hoti so ca hoti @Footnote: 1 Ma. opasamiko. evamuparipi . 2 Ma. milakkhesu. Micchaditthiko viparitadassano natthi dinnam natthi yittham natthi hutam natthi sukatadukkatanam kammanam phalam vipako natthi ayam loko natthi paro loko natthi mata natthi pita natthi satta opapatika natthi loke samanabrahmana sammaggata sammapatipanna ye imanca lokam paranca lokam sayam abhinna sacchikatva pavedentiti .pe. ayanca puggalo majjhimesu janapadesu paccajato hoti so ca hoti duppanno jalo elamugo na patibalo subhasitadubbhasitassa atthamannatum ayam bhikkhave sattamo akkhano asamayo brahmacariyavasaya. {119.2} Puna caparam bhikkhave tathagato ca loke anuppanno hoti araham sammasambuddho .pe. sattha devamanussanam buddho bhagava dhammo ca na desiyati upasamiko parinibbaniko sambodhagami sugatappavedito ayanca puggalo majjhimesu janapadesu paccajato hoti so ca hoti pannava ajalo anelamugo patibalo subhasitadubbhasitassa atthamannatum ayam bhikkhave atthamo akkhano asamayo brahmacariyavasaya . ime kho bhikkhave attha akkhana asamaya brahmacariyavasaya. Eko 1- ca kho bhikkhave khano ca samayo ca brahmacariyavasaya katamo eko idha bhikkhave tathagato loke uppanno hoti araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagava dhammo ca desiyati upasamiko parinibbaniko sambodhagami sugatappavedito ayanca puggalo @Footnote: 1 ekova. Majjhimesu janapadesu paccajato hoti so ca hoti pannava ajalo anelamugo patibalo subhasitadubbhasitassa atthamannatum ayam bhikkhave eko 1- khano ca samayo ca brahmacariyavasayati. Manussalokam 2- laddhana saddhamme suppavedite ye khanam nadhigacchanti atinamenti te khanam bahuhi akkhana vutta puggalassantarayika 3- kadaci karahaci loke uppajjanti tathagata tayidam sammukhibhutam yam lokasmim sudullabham manussapatilabho ca saddhammassa ca desana alam vayamitum tattha atthakamena 4- jantuna katham vijanna saddhammam khano vo 5- ma upajjhaga khanatita hi socanti nirayamhi samappita idha ce na viradheti saddhammassa niyamatam vanijova atitattho cirattanutapissati avijjanivuto poso saddhammam aparadhiko jatimaranasamsaram ciram paccanubhossati ye ca laddha manussattam saddhamme suppavedite akamsu satthu vacanam karissanti karonti va khanam paccavidum loke brahmacariyam anuttaram ye maggam patipajjimsu tathagatappaveditam @Footnote: 1 Ma. ekova . 2 Ma. manussalabham . 3 Ma. maggassa antarayika . 4 Ma. attakamena. @5 Ma. ve. Ye samvara cakkhumata desitadiccabandhuna tesu gutto sada sato viharetha 1- anavassuto sabbe anusaye chetva maradheyyasaranuge 2- te ve paragata 3- loke ye patta asavakkhayanti.The Pali Tipitaka in Roman Character Volume 23 page 229-232. https://84000.org/tipitaka/read/roman_read.php?B=23&A=4888&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=23&A=4888&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=119&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=23&siri=102 Study Atthakatha :- https://84000.org/tipitaka/attha/attha.php?b=23&i=119 The Pali Atthakatha in Thai :- https://84000.org/tipitaka/atthapali/read_th.php?B=16&A=5569 The Pali Atthakatha in Roman :- https://84000.org/tipitaka/atthapali/read_rm.php?B=16&A=5569 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]