PaliRoman Vol.24

[47] Ekam samayam bhagava vesaliyam viharati mahavane kutagarasalayam. Athakho mahali licchavi yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho mahali licchavi bhagavantam etadavoca ko nu kho bhante hetu ko paccayo papassa kammassa kiriyaya papassa kammassa pavattiyati . lobho kho mahali hetu lobho paccayo papassa kammassa kiriyaya papassa kammassa pavattiya doso kho mahali hetu doso paccayo papassa kammassa kiriyaya papassa kammassa pavattiya moho kho mahali hetu moho paccayo papassa kammassa kiriyaya papassa kammassa pavattiya ayoniso manasikaro kho mahali hetu ayoniso manasikaro paccayo papassa kammassa kiriyaya papassa Kammassa pavattiya micchapanihitam kho mahali cittam hetu micchapanihitam cittam paccayo papassa kammassa kiriyaya papassa kammassa pavattiya ayam kho mahali hetu ayam paccayo papassa kammassa kiriyaya papassa kammassa pavattiya. {47.1} Ko pana bhante hetu ko paccayo kalyanassa kammassa kiriyaya kalyanassa kammassa pavattiyati . alobho kho mahali hetu alobho paccayo kalyanassa kammassa kiriyaya kalyanassa kammassa pavattiya adoso kho mahali hetu adoso paccayo kalyanassa kammassa kiriyaya kalyanassa kammassa pavattiya amoho kho mahali hetu amoho paccayo kalyanassa kammassa kiriyaya kalyanassa kammassa pavattiya yoniso manasikaro kho mahali hetu yoniso manasikaro paccayo kalyanassa kammassa kiriyaya kalyanassa kammassa pavattiya sammapanihitam kho mahali cittam hetu sammapanihitam cittam paccayo kalyanassa kammassa kiriyaya kalyanassa kammassa pavattiya ayam kho mahali hetu ayam paccayo kalyanassa kammassa kiriyaya kalyanassa kammassa pavattiyati. {47.2} Ime ^[1]- kho mahali dasa dhamma loke na samvijjeyyum nayidha pannayetha adhammacariyavisamacariyati va dhammacariyasamacariyati va yasma ca kho mahali ime dasa dhamma loke samvijjanti tasma pannayati adhammacariyavisamacariyati va dhammacariyasamacariyati vati.

The Pali Tipitaka in Roman Character Volume 24 page 90-91. https://84000.org/tipitaka/read/roman_read.php?B=24&A=1867&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=24&A=1867&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=24&item=47&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=24&siri=45 Study Atthakatha :- https://84000.org/tipitaka/attha/attha.php?b=24&i=47 The Pali Atthakatha in Thai :- https://84000.org/tipitaka/atthapali/read_th.php?B=16&A=7827 The Pali Atthakatha in Roman :- https://84000.org/tipitaka/atthapali/read_rm.php?B=16&A=7827 Contents of The Tipitaka Volume 24 https://84000.org/tipitaka/read/?index_24 https://84000.org/tipitaka/english/?index_24