PaliRoman Vol.24

[7] Athakho ayasma anando yenayasma sariputto tenupasankami upasankamitva ayasmata sariputtena saddhim sammodi sammodaniyam katham saraniyam vitisaretva ekamantam nisidi ekamantam nisinno kho ayasma anando ayasmantam sariputtam etadavoca siya nu kho avuso sariputta bhikkhuno tatharupo samadhipatilabho yatha neva pathaviyam pathavisanni assa na apasmim aposanni assa na tejasmim tejosanni assa na vayasmim vayosanni assa na akasanancayatane akasanancayatanasanni assa na vinnanancayatane vinnanancayatanasanni assa na akincannayatane akincannayatanasanni assa na nevasannanasannayatane nevasannanasannayatanasanni assa na idhaloke idhalokasanni assa na paraloke paralokasanni assa sanni ca pana assati. {7.1} Siya avuso ananda bhikkhuno tatharupo samadhipatilabho yatha neva pathaviyam pathavisanni assa .pe. Na paraloke paralokasanni assa Sanni ca pana assati . yathakatham panavuso sariputta siya bhikkhuno tatharupo samadhipatilabho yatha neva pathaviyam pathavisanni assa .pe. Na paraloke paralokasanni assa sanni ca pana assati . Ekamidaham avuso ananda samayam idheva savatthiyam viharami andhavanasmim tatthaham tatharupam samadhim samapajjim yatha neva pathaviyam pathavisanni ahosim na apasmim aposanni ahosim na tejasmim tejosanni ahosim na vayasmim vayosanni ahosim na akasanancayatane akasanancayatanasanni ahosim na vinnanancayatane vinnanancayatanasanni ahosim na akincannayatane akincannayatanasanni ahosim na nevasannanasannayatane nevasannanasannayatanasanni ahosim na idhaloke idhalokasanni ahosim na paraloke paralokasanni ahosim sanni ca pana ahosinti. {7.2} Kimsanni panayasma sariputto tasmim samaye ahositi . Bhavanirodho nibbanam bhavanirodho nibbananti kho me avuso annava sanna uppajjati annava sanna nirujjhati seyyathapi avuso sakalikaggissa jhayamanassa annava acci uppajjati annava acci nirujjhati evameva kho me avuso bhavanirodho nibbanam bhavanirodho nibbananti annava sanna uppajjati annava sanna nirujjhati bhavanirodho nibbananti ^1- sanni ca panaham avuso tasmim samaye ahosinti.

The Pali Tipitaka in Roman Character Volume 24 page 10-11. https://84000.org/tipitaka/read/roman_read.php?B=24&A=196&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=24&A=196&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=24&item=7&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=24&siri=7 Study Atthakatha :- https://84000.org/tipitaka/attha/attha.php?b=24&i=7 The Pali Atthakatha in Thai :- https://84000.org/tipitaka/atthapali/read_th.php?B=16&A=7182 The Pali Atthakatha in Roman :- https://84000.org/tipitaka/atthapali/read_rm.php?B=16&A=7182 Contents of The Tipitaka Volume 24 https://84000.org/tipitaka/read/?index_24 https://84000.org/tipitaka/english/?index_24