PaliRoman Vol.24

[52] Tatra kho ayasma sariputto bhikkhu amantesi avuso bhikkhavoti ^3- . avusoti kho te bhikkhu ayasmato sariputtassa paccassosum . ayasma sariputto etadavoca no ce avuso bhikkhu paracittapariyayakusalo hoti atha sacittapariyayakusala bhavissamati evanhi vo avuso sikkhitabbam. Kathancavuso bhikkhu sacittapariyayakusalo hoti seyyathapi avuso itthi va puriso va daharo yuva mandanakajatiko adase va parisuddhe pariyodate acche va udakapatte ^4- sakam mukhanimittam paccavekkhamano sace tattha passati rajam va anganam va tasseva rajassa va anganassa va pahanaya vayamati no ce tattha passati @Footnote: ¹ Po. tenati natthi. Ma. Yu. tena bhikkhave bhikkhuna. ² Ma. uttari. @³ Po. Ma. bhikkhaveti. ⁴ Ma. Yu. udapatte. Rajam va anganam va tenevattamano hoti paripunnasankappo labha vata me parisuddham vata meti evameva kho avuso bhikkhuno paccavekkhana bahukara hoti kusalesu dhammesu abhijjhalu nu kho bahulam viharami anabhijjhalu nu kho bahulam viharami byapannacitto nu kho bahulam viharami abyapannacitto nu kho bahulam viharami thinamiddhapariyutthito nu kho bahulam viharami vigatathinamiddho nu kho bahulam viharami uddhato nu kho bahulam viharami anuddhato nu kho bahulam viharami vicikiccho nu kho bahulam viharami tinnavicikiccho nu kho bahulam viharami kodhano nu kho bahulam viharami akkodhano nu kho bahulam viharami sankikitthacitto nu kho bahulam viharami asankilitthacitto nu kho bahulam viharami saraddhakayo nu kho bahulam viharami asaraddhakayo nu kho bahulam viharami kusito nu kho bahulam viharami araddhaviriyo nu kho bahulam viharami asamahito nu kho bahulam viharami samahito nu kho bahulam viharamiti. {52.1} Sace avuso bhikkhu paccavekkhamano evam janati abhijjhalu bahulam viharami .pe. Asamahito bahulam viharamiti tenavuso bhikkhuna tesamyeva papakanam akusalanam dhammanam pahanaya adhimatto chando ca vayamo ca ussaho ca ussolhi ca appativani ca sati ca sampajannanca karaniyam seyyathapi avuso adittacelo va adittasiso va tasseva celassa va sisassa va Nibbapanaya adhimattam chandanca vayamanca ussahanca ussolhinca appativaninca satinca sampajannanca kareyya evameva kho avuso tena bhikkhuna tesamyeva papakanam akusalanam dhammanam pahanaya adhimatto chando ca vayamo ca ussaho ca ussolhi ca appativani ca sati ca sampajannanca karaniyam. {52.2} Sace panavuso bhikkhu paccavekkhamano evam janati anabhijjhalu bahulam viharami .pe. samahito bahulam viharamiti tenavuso bhikkhuna tesuyeva kusalesu dhammesu patitthaya uttarim asavanam khayaya yogo karaniyoti.

The Pali Tipitaka in Roman Character Volume 24 page 99-101. https://84000.org/tipitaka/read/roman_read.php?B=24&A=2053&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=24&A=2053&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=24&item=52&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=24&siri=50 Study Atthakatha :- https://84000.org/tipitaka/attha/attha.php?b=24&i=52 Contents of The Tipitaka Volume 24 https://84000.org/tipitaka/read/?index_24 https://84000.org/tipitaka/english/?index_24