PaliRoman Vol.24

[55] Tatra kho ayasma sariputto bhikkhu amantesi avuso bhikkhavoti ^1- . avusoti kho te bhikkhu ayasmato sariputtassa paccassosum . ayasma sariputto etadavoca parihanadhammo puggalo parihanadhammo puggaloti avuso vuccati ^[2]- kittavata nu kho avuso parihanadhammo puggalo vutto bhagavata kittavata capana aparihanadhammo puggalo vutto bhagavatati . Duratopi kho mayam avuso agaccheyyama ^3- ayasmato sariputtassa santike etassa bhasitassa atthamannatum sadhu vatayasmantam yeva sariputtam patibhatu etassa bhasitassa attho ayasmato sariputtassa sutva bhikkhu dharessantiti . tenahavuso sunatha sadhukam manasikarotha bhasissamiti . evamavusoti kho te bhikkhu ayasmato sariputtassa paccassosum . {55.1} Ayasma sariputto etadavoca kittavata nu kho avuso parihanadhammo puggalo vutto bhagavata idhavuso bhikkhu assutanceva dhammam na sunati suta cassa dhamma sammoham ^4- gacchanti ye cassa dhamma pubbe cetaso samphutthapubba te cassa na ^5- samudacaranti avinnatanca ^6- na vijanati ettavata kho avuso parihanadhammo puggalo vutto bhagavata . Kittavata ca panavuso aparihanadhammo puggalo vutto bhagavata idhavuso bhikkhu assutanceva dhammam sunati suta cassa @Footnote: ¹ Po. Ma. bhikkhaveti. ² Ma. aparihanadhammo puggalo aparihanadhammo puggaloti avuso @vuccati . ³ Ma. agacchama. ⁴ Ma. Yu. sammosam. ⁵ Yu. te ca na. @⁶ Ma. avinnatanceva. Dhamma na sammoham gacchanti ye cassa dhamma pubbe cetaso samphutthapubba te cassa samudacaranti avinnatanca vijanati ettavata kho avuso aparihanadhammo puggalo vutto bhagavata . no ce avuso bhikkhu paracittapariyayakusalo hoti atha sacittapariyayakusala bhavissamati evanhi vo avuso sikkhitabbam. {55.2} Kathancavuso bhikkhu sacittapariyayakusalo hoti seyyathapi avuso itthi va puriso va daharo yuva mandanakajatiko adase va parisuddhe pariyodate acche va udakapatte sakam mukhanimittam paccavekkhamano sace tattha passati rajam va anganam va tasseva rajassa va anganassa va pahanaya vayamati no ce tattha passati rajam va anganam va tenevattamano hoti paripunnasankappo labha vata me parisuddham vata meti evameva kho avuso bhikkhuno paccavekkhana bahukara hoti kusalesu dhammesu anabhijjhalu nu kho bahulam viharami samvijjati nu kho me eso dhammo udahu noti ^1- abyapannacitto nu kho bahulam viharami samvijjati nu kho me eso dhammo udahu noti vigatathinamiddho nu kho bahulam viharami samvijjati nu kho me eso dhammo udahu noti anuddhato nu kho bahulam viharami samvijjati nu kho me eso dhammo udahu noti tinnavicikiccho nu kho bahulam viharami samvijjati nu kho me eso dhammo udahu noti akkodhano nu kho bahulam viharami samvijjati nu kho me eso dhammo @Footnote: ¹ Ma. Yu. itisaddo natthi. ito param idisameva. Udahu noti asankilitthacitto nu kho bahulam viharami samvijjati nu kho me eso dhammo udahu noti labhi nu khomhi ajjhattam dhammapamujjassa ^1- samvijjati nu kho me eso dhammo udahu noti labhi nu khomhi ajjhattam cetosamathassa samvijjati nu kho me eso dhammo udahu noti labhi nu khomhi adhipannadhammavipassanaya samvijjati nu kho me eso dhammo udahu noti. {55.3} Sace panavuso ^2- bhikkhu paccavekkhamano sabbepime kusale dhamme attani na samanupassati tenavuso bhikkhuna sabbesamyeva imesam kusalanam dhammanam patilabhaya adhimatto chando ca vayamo ca ussaho ussolhi ca appativani ca sati ca sampajannanca karaniyam seyyathapi avuso adittacelo va adittasiso va tasseva celassa va sisassa va nibbapanaya adhimattam chandanca vayamanca ussahanca ussolhinca appativaninca satinca sampajannanca kareyya evameva kho avuso tena bhikkhuna sabbesamyeva imesam kusalanam dhammanam patilabhaya adhimatto chando ca vayamo ca ussaho ca ussolhi ca appativani ca sati ca sampajannanca karaniyam. {55.4} Sace panavuso bhikkhu paccavekkhamano ekacce kusale dhamme attani samanupassati ekacce kusale dhamme attani na samanupassati tenavuso bhikkhuna ye kusale dhamme attani samanupassati tesu kusalesu dhammesu patitthaya ye kusale dhamme attani na samanupassati tesam kusalanam dhammanam patilabhaya adhimatto chando ca vayamo ca @Footnote: ¹ Ma. dhammapamujjasasa. ² Po. Ma. sace pana avuso. Yu. panasaddo natthi. Ussaho ca ussolhi ca appativani ca sati ca sampajannanca karaniyam seyyathapi avuso adittacelo va adittasiso va tasseva celassa va sisassa va nibbapanaya adhimattam chandanca vayamanca ussahanca ussolhinca appativaninca satinca sampajannanca kareyya evameva kho avuso tena bhikkhuna ye kusale dhamme attani samanupassati tesu kusalesu dhammesu patitthaya ye kusale dhamme attani na samanupassati tesam kusalanam dhammanam patilabhaya adhimatto chando ca vayamo ca ussaho ca ussolhi ca appativani ca sati ca sampajannanca karaniyam . sace panavuso bhikkhu paccavekkhamano sabbepime kusale dhamme attani samanupassati tenavuso bhikkhuna sabbesveva ^1- imesu kusalesu dhammesu patitthaya uttarim asavanam khayaya yogo karaniyoti.

The Pali Tipitaka in Roman Character Volume 24 page 109-112. https://84000.org/tipitaka/read/roman_read.php?B=24&A=2252&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=24&A=2252&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=24&item=55&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=24&siri=53 Study Atthakatha :- https://84000.org/tipitaka/attha/attha.php?b=24&i=55 Contents of The Tipitaka Volume 24 https://84000.org/tipitaka/read/?index_24 https://84000.org/tipitaka/english/?index_24