PaliRoman Vol.24

[60] Ekam samayam bhagava savatthiyam viharati jetavane anathapindikassa arame . tena kho pana samayena ayasma girimanando abadhiko hoti dukkhito balhagilano . athakho ayasma anando yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho ayasma anando bhagavantam etadavoca ayasma bhante girimanando abadhiko hoti dukkhito Balhagilano sadhu bhante bhagava yenayasma girimanando tenupasankamatu anukampam upadayati . sace kho tvam ananda girimanandassa bhikkhuno upasankamitva ^1- dasa sanna bhaseyyasi thanam kho panetam vijjati yam girimanandassa bhikkhuno dasa sanna sutva so abadho thanaso patipassambheyya katama dasa aniccasanna anattasanna asubhasanna adinavasanna pahanasanna viragasanna nirodhasanna sabbaloke anabhiratasanna sabbasankharesu aniccasanna ^2- anapanasati. {60.1} Katama cananda aniccasanna idhananda bhikkhu arannagato va rukkhamulagato va sunnagaragato va iti patisancikkhati rupam aniccam vedana anicca sanna anicca sankhara anicca vinnanam aniccanti iti imesu pancasu upadanakkhandhesu aniccanupassi viharati ayam vuccatananda aniccasanna. {60.2} Katama cananda anattasanna idhananda bhikkhu arannagato va rukkhamulagato va sunnagaragato va iti patisancikkhati cakkhum ^3- anatta rupam ^4- anatta sotam anatta sadda anatta ghanam anatta gandha anatta jivha anatta rasa anatta kayo ^5- anatta photthabba anatta mano anatta dhamma anattati iti imesu chasu ajjhattikabahiresu ayatanesu anattanupassi viharati ayam vuccatananda anattasanna. @Footnote: ¹ Ma. ayam patho natthi . ² Ma. anicchasanna. ito param idisameva. ³ Ma. cakkhu. @⁴ Ma. rupa. ⁵ Ma. kaya. {60.3} Katama cananda asubhasanna idhananda bhikkhu imameva kayam uddhampadatala adhokesamatthaka tacapariyantam purannanappakarassa ^1- asucino paccavekkhati atthi imasmim kaye kesa loma nakha danta taco mamsam nharu atthi ^2- atthiminjam vakkam hadayam yakanam kilomakam pihakam papphasam antam antagunam udariyam karisam pittam semham pubbo lohitam sedo medo assu vasa khelo singhanika lasika muttanti iti imasmim kaye asubhanupassi viharati ayam vuccatananda asubhasanna. {60.4} Katama cananda adinavasanna idhananda bhikkhu arannagato va rukkhamulagato va sunnagaragato va iti patisancikkhati bahudukkho kho ayam kayo bahuadinavoti ^3- iti imasmim kaye vividha abadha uppajjanti seyyathidam cakkhurogo sotarogo ghanarogo jivharogo kayarogo sisarogo kannarogo mukharogo dantarogo ^[4]- kaso saso pinaso daho ^5- jaro kucchirogo muccha pakkhandika sula ^6- visucika kuttham gando kilaso soso apamaro daddu kandu kacchu rakhasa ^7- vitacchika lohitam pittam ^8- madhumeho amsa pilaka bhagandala pittasamutthana abadha semhasamutthana abadha vatasamutthana abadha sannipatika abadha utuparinamaja abadha visamapariharaja abadha opakkamika abadha kammavipakaja abadha sitam unham jighaccha pipasa uccaro passavoti iti imasmim kaye adinavanupassi viharati ayam vuccatananda adinavasanna. @Footnote: ¹ Ma. puram nanappakarassa. Yu. puram nanap ---. ² Ma. nharu atthi. @³ Ma. itisaddo natthi. ⁴ Ma. ottharogoti dissati. ⁵ Ma. daho. ⁶ Ma. Yu. sula. @⁷ Ma. nakhasa. ⁸ Yu. lohitapittam. {60.5} Katama cananda pahanasanna idhananda bhikkhu uppannam kamavitakkam nadhivaseti pajahati vinodeti byantikaroti anabhavam gameti uppannam byapadavitakkam nadhivaseti pajahati vinodeti byantikaroti anabhavam gameti uppannam vihimsavitakkam nadhivaseti pajahati vinodeti byantikaroti anabhavam gameti uppannuppanne papake akusale dhamme nadhivaseti pajahati vinodeti byantikaroti anabhavam gameti ayam vuccatananda pahanasanna. {60.6} Katama cananda viragasanna idhananda bhikkhu arannagato va rukkhamulagato va sunnagaragato va iti patisancikkhati etam santam etam panitam yadidam sabbasankharasamatho sabbupadhipatinissaggo tanhakkhayo ^1- virago nibbananti ayam vuccatananda viragasanna. {60.7} Katama cananda nirodhasanna idhananda bhikkhu arannagato va rukkhamulagato va sunnagaragato va iti patisancikkhati etam santam etam panitam yadidam sabbasankharasamatho sabbupadhipatinissaggo tanhakkhayo ^1- nirodho nibbananti ayam vuccatananda nirodhasanna. {60.8} Katama cananda sabbaloke anabhiratasanna idhananda bhikkhu ye loke upayupadana ^2- cetaso adhitthanabhinivesanusaya te pajahanto viramati na upadiyanto ^3- ayam vuccatananda sabbaloke anabhiratasanna. Katama cananda sabbasankharesu aniccasanna idhananda bhikkhu sabbasankharehi ^4- attiyati harayati jigucchati ayam vuccatananda @Footnote: ¹ Ma. tanhakkhayo . ² Ma. upadana. ³ Ma. anupadiyanto. ⁴ Ma. sabbasankharesu. Sabbasankharesu aniccasanna. {60.9} Katama cananda anapanasati idhananda bhikkhu arannagato va rukkhamulagato va sunnagaragato va nisidati pallankam abhujitva ujum kayam panidhaya parimukham satim upatthapetva so satova assasati sato ^1- passasati digham va assasanto digham assasamiti pajanati digham va passasanto digham passasamiti pajanati rassam va assasanto rassam assasamiti pajanati rassam va passasanto rassam passasamiti pajanati sabbakayapatisamvedi assasissamiti sikkhati sabbakayapatisamvedi passasissamiti sikkhati passambhayam kayasankharam assasissamiti sikkhati passambhayam kayasankharam passasissamiti sikkhati pitipatisamvedi assasissamiti sikkhati pitipatisamvedi passasissamiti sikkhati sukhapatisamvedi assasissamiti sikkhati sukhapatisamvedi passasissamiti sikkhati cittasankharapatisamvedi assasissamiti sikkhati cittasankharapatisamvedi passasissamiti sikkhati passambhayam cittasankharam assasissamiti sikkhati passambhayam cittasankharam passasissamiti sikkhati cittapatisamvedi assasissamiti sikkhati cittapatisamvedi passasissamiti sikkhati abhippamodayam cittam ... Samadaham cittam ... Vimocayam cittam ... Aniccanupassi ... viraganupassi ... Nirodhanupassi ... Patinissagganupassi assasissamiti sikkhati patinissagganupassi passasissamiti sikkhati ayam vuccatananda anapanasati . sace kho tvam ananda girimanandassa bhikkhuno upasankamitva @Footnote: ¹ Ma. satova. Ima dasa sanna bhaseyyasi thanam kho panetam vijjati yam girimanandassa bhikkhuno ima dasa sanna sutva so abadho thanaso patipassambheyyati. Athakho ayasma anando bhagavato santike ima dasa sanna uggahetva yenayasma girimanando tenupasankami upasankamitva ayasmato girimanandassa ima dasa sanna abhasi . Athakho ayasmato girimanandassa ima dasa sanna sutva so abadho thanaso patipassambhi vutthahi ^1- cayasma girimanando tamha abadha tatha pahino ca panayasmato girimanandassa so abadho ahositi. Sacittavaggo pathamo. Tassuddanam sacittasariputta ca thiti ca samathena ca parihana dve sanna ^2- mula pabbajitabadho ^3-. -------------

The Pali Tipitaka in Roman Character Volume 24 page 115-120. https://84000.org/tipitaka/read/roman_read.php?B=24&A=2390&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=24&A=2390&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=24&item=60&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=24&siri=58 Study Atthakatha :- https://84000.org/tipitaka/attha/attha.php?b=24&i=60 The Pali Atthakatha in Thai :- https://84000.org/tipitaka/atthapali/read_th.php?B=16&A=7921 The Pali Atthakatha in Roman :- https://84000.org/tipitaka/atthapali/read_rm.php?B=16&A=7921 Contents of The Tipitaka Volume 24 https://84000.org/tipitaka/read/?index_24 https://84000.org/tipitaka/english/?index_24