PaliRoman Vol.24

[75] Ekam samayam bhagava savatthiyam viharati jetavane anathapindikassa arame . athakho ayasma anando pubbanhasamayam nivasetva pattacivaramadaya yena migasalaya upasikaya nivesanam tenupasankami upasankamitva pannatte asane nisidi . athakho migasala upasika yenayasma anando tenupasankami upasankamitva ayasmantam anandam abhivadetva ekamantam nisidi ekamantam Nisinna kho migasala upasika ayasmantam anandam etadavoca kathamkatha ^1- namayam bhante ananda bhagavata dhammo desito anneyyo yatra hi nama brahmacari ca abrahmacari ca ubho samasamagatika bhavissanti abhisamparayam pita me bhante purano brahmacari ahosi aracari virato methuna gamadhamma so kalakato bhagavata byakato sakadagami satto ^2- tusitam kayam upapannoti pitu piyo ^3- me bhante isidatto abrahmacari ahosi sadarasantuttho sopi kalakato bhagavata byakato sakadagami satto tusitam kayam upapannoti kathamkatha namayam bhante ananda bhagavata dhammo desito anneyyo yatra hi nama brahmacari ca abrahmacari ca ubho samasamagatika bhavissanti abhisamparayanti. {75.1} Evameva kho panetam bhagini bhagavata byakatanti athakho ayasma anando migasalaya upasikaya nivesane pindapatam gahetva utthayasana pakkami athakho ayasma anando pacchabhattam pindapatapatikkanto yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho ayasma anando bhagavantam etadavoca idhaham bhante pubbanhasamayam nivasetva pattacivaramadaya yena migasalaya upasikaya nivesanam tenupasankamim upasankamitva pannatte asane nisidim athakho bhante migasala upasika yenaham tenupasankami upasankamitva mam abhivadetva ekamantam nisidi ekamantam nisinna kho ^[4]- migasala upasika mam @Footnote: ¹ Ma. kathamkatham. sabbattha idisameva. ² Ma. sakadagamipatto. sabbattha idisameva. @³ Po. sabbatthavaresu pita piyo. Ma. pitamaho. Yu. petta piyo. @⁴ Ma. Yu. bhante. Etadavoca {75.2} kathamkatha namayam bhante ananda bhagavata dhammo desito anneyyo yatra hi nama brahmacari ca abrahmacari ca ubho samasamagatika bhavissanti abhisamparayam pita me bhante purano brahmacari ahosi aracari virato methuna gamadhamma so kalakato bhagavata byakato sakadagami satto tusitam kayam upapannoti pitu piyo me bhante isidatto abrahmacari ahosi sadarasantuttho sopi kalakato bhagavata byakato sakadagami satto tusitam kayam upapannoti kathamkatha namayam bhante ananda bhagavata dhammo desito anneyyo yatra hi nama brahmacari ca abrahmacari ca ubho samasamagatika bhavissanti abhisamparayanti evam vutte aham bhante migasalam upasikam etadavocam evameva kho panetam bhagini bhagavata byakatanti . ka cananda migasala upasika bala abyatta andhaka andhakapanna ^1- ke ca ^2- purisapuggala paropariyanane ^3- {75.3} dasayime ananda puggala santo samvijjamana lokasmim katame dasa idhananda ekacco puggalo ^4- dussilo hoti tanca cetovimuttim pannavimuttim yathabhutam nappajanati yatthassa tam dussilyam aparisesam nirujjhati tassa savanenapi akatam hoti bahusaccenapi akatam hoti ditthiyapi appatividdham hoti samayikampi vimuttim na labhati so kayassa bheda parammarana hanaya pareti no visesaya hanagamiyeva hoti no visesagami {75.4} idha panananda ekacco puggalo dussilo hoti tanca cetovimuttim pannavimuttim @Footnote: ¹ Po. Yu. ambaka ambakapanna. Ma. ammaka ammakapanna. ² Po. keci. @³ Ma. Yu. purisapuggalaparopariye nane. ⁴ Ma. ayam patho natthi. Yathabhutam pajanati yatthassa tam dussilyam aparisesam nirujjhati tassa savanenapi katam hoti bahusaccenapi katam hoti ditthiyapi suppatividdham ^1- hoti samayikampi vimuttim labhati so kayassa bheda parammarana visesaya pareti no hanaya visesagamiyeva hoti no hanagami {75.5} tatrananda pamanika paminanti imassapi teva dhamma aparassapi teva dhamma kasma nesam eko hino eko panitoti tanhi tesam ananda hoti digharattam ahitaya dukkhaya tatrananda yvayam puggalo dussilo hoti tanca cetovimuttim pannavimuttim yathabhutam pajanati yatthassa tam dussilyam aparisesam nirujjhati tassa savanenapi katam hoti bahusaccenapi katam hoti ditthiyapi suppatividdham hoti samayikampi vimuttim labhati ayam ananda puggalo amuna purimena puggalena abhikkantataro ca panitataro ca tam kissa hetu imanhi ^3- ananda puggalam dhammasoto nibbahati tadanantaram ko janeyya annatara tathagatena tasma tihananda ma puggalesu pamanika ahuvattha ma puggalesu pamanam ganhittha mannati hananda puggalo puggalesu pamanam ganhanto ahancananda puggalesu pamanam ganheyyam yo va panassa madiso. {75.6} Idha panananda ekacco puggalo silava hoti tanca cetovimuttim pannavimuttim yathabhutam nappajanati yatthassa tam silam aparisesam nirujjhati tassa savanenapi akatam hoti bahusaccenapi akatam hoti ditthiyapi appatividdham hoti samayikampi @Footnote: ¹ Po. Ma. patividdham. sabbattha idisameva. Vimuttim na labhati so kayassa bheda parammarana hanaya pareti no visesaya hanagamiyeva hoti no visesagami idhananda ^1- ekacco puggalo silava hoti tanca cetovimuttim pannavimuttim yathabhutam pajanati yatthassa tam silam aparisesam nirujjhati tassa savanenapi katam hoti bahusaccenapi katam hoti ditthiyapi suppatividdham hoti samayikampi vimuttim labhati so kayassa bheda parammarana visesaya pareti no hanaya visesagamiyeva hoti no hanagami tatrananda .pe. ahancananda puggalesu pamanam ganheyyam yo va panassa madiso. {75.7} Idha panananda ekacco puggalo tibbarago hoti tanca cetovimuttim pannavimuttim yathabhutam nappajanati yatthassa so rago apariseso nirujjhati tassa savanenapi akatam hoti bahusaccenapi akatam hoti ditthiyapi appatividdham hoti samayikampi vimuttim na labhati so kayassa bheda parammarana hanaya pareti no visesaya hanagamiyeva hoti no visesagami idha panananda ekacco puggalo tibbarago hoti tanca cetovimuttim pannavimuttim yathabhutam pajanati yatthassa so rago apariseso nirujjhati tassa savanenapi katam hoti bahusaccenapi katam hoti ditthiyapi suppatividdham hoti samayikampi vimuttim labhati so kayassa bheda parammarana visesaya pareti no hanaya visesagamiyeva hoti no hanagami tatrananda .pe. ahancananda puggalesu pamanam ganheyyam yo @Footnote: ¹ Ma. Yu. idha panananda. Va panassa madiso. {75.8} Idha panananda ekacco puggalo kodhano hoti tanca cetovimuttim pannavimuttim yathabhutam nappajanati yatthassa so kodho apariseso nirujjhati tassa savanenapi akatam hoti bahusaccenapi akatam hoti ditthiyapi appatividdham hoti samayikampi vimuttim na labhati so kayassa bheda parammarana hanaya pareti no visesaya hanagamiyeva hoti no visesagami idha panananda ekacco puggalo kodhano hoti tanca cetovimuttim pannavimuttim yathabhutam pajanati yatthassa so kodho apariseso nirujjhati tassa savanenapi katam hoti bahusaccenapi katam hoti ditthiyapi suppatividdham hoti samayikampi vimuttim labhati so kayassa bheda parammarana visesaya pareti no hanaya visesagamiyeva hoti no hanagami tatrananda .pe. ahancananda puggalesu pamanam ganheyyam yo va panassa madiso. {75.9} Idha panananda ekacco puggalo uddhato hoti tanca cetovimuttim pannavimuttim yathabhutam nappajanati yatthassa ^[1]- uddhaccam aparisesam nirujjhati tassa savanenapi akatam hoti bahusaccenapi akatam hoti ditthiyapi appatividdham hoti samayikampi vimuttim na labhati so kayassa bheda parammarana hanaya pareti no visesaya hanagamiyeva hoti no visesagami idha panananda ekacco puggalo uddhato hoti tanca cetovimuttim pannavimuttim yathabhutam pajanati yatthassa tam uddhaccam aparisesam nirujjhati tassa @Footnote: ¹ Po. Ma. tam. Savanenapi katam hoti bahusaccenapi katam hoti ditthiyapi suppatividdham hoti samayikampi vimuttim labhati so kayassa bheda parammarana visesaya pareti no hanaya visesagamiyeva hoti no hanagami tatrananda pamanika paminanti imassapi teva dhamma aparassapi teva dhamma kasma nesam eko hino eko panitoti tanhi tesam ananda hoti digharattam ahitaya dukkhaya tatrananda yvayam puggalo uddhato hoti tanca cetovimuttim pannavimuttim yathabhutam nappajanati ^1- yatthassa tam uddhaccam aparisesam nirujjhati tassa savanenapi katam hoti bahusaccenapi katam hoti ditthiyapi suppatividdham hoti samayikampi vimuttim labhati ayam ananda puggalo amuna purimena puggalena abhikkantataro ca panitataro ca tam kissa hetu imanhi ananda puggalam dhammasoto nibbahati tadanantaram ko janeyya annatra tathagatena tasma tihananda ma puggalesu pamanika ahuvattha ma puggalesu pamanam ganhittha mannati hananda puggalo puggalesu pamanam ganhanto ahancananda puggalesu pamanam ganheyyam yo va panassa madiso. {75.10} Ka cananda migasala upasika bala abyatta andhaka andhakapanna ke ca purisapuggala paropariyanane ime kho ananda dasa puggala santo samvijjamana lokasmim yatharupena ananda silena purano samannagato ahosi tatharupena silena isidatto samannagato abhavissa nayidha purano @Footnote: ¹ Ma. Yu. pajanati. Isidattassa gatipi ^1- annassa yatharupaya ananda pannaya isidatto samannagato ahosi tatharupaya pannaya purano samannagato abhavissa nayidha isidatto puranassa gatipi ^1- annassa iti kho ananda ime puggala ubhato ekantahinati ^2-.

The Pali Tipitaka in Roman Character Volume 24 page 147-154. https://84000.org/tipitaka/read/roman_read.php?B=24&A=3075&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=24&A=3075&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=24&item=75&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=24&siri=73 Study Atthakatha :- https://84000.org/tipitaka/attha/attha.php?b=24&i=75 The Pali Atthakatha in Thai :- https://84000.org/tipitaka/atthapali/read_th.php?B=16&A=8082 The Pali Atthakatha in Roman :- https://84000.org/tipitaka/atthapali/read_rm.php?B=16&A=8082 Contents of The Tipitaka Volume 24 https://84000.org/tipitaka/read/?index_24 https://84000.org/tipitaka/english/?index_24