PaliRoman Vol.24

[76] Tayome bhikkhave dhamma loke na samvijjeyyum na tathagato loke uppajjeyya araham sammasambuddho na tathagatappavedito dhammavinayo loke dipeyya ^3- katame tayo jati ca jara ca marananca ime kho bhikkhave tayo dhamma loke na samvijjeyyum na tathagato loke uppajjeyya araham sammasambuddho na tathagatappavedito dhammavinayo loke dipeyya yasma ca kho bhikkhave ime tayo dhamma loke samvijjanti tasma tathagato loke uppajjati araham sammasambuddho tasma tathagatappavedito dhammavinayo loke dippati. {76.1} Tayo bhikkhave dhamme appahaya abhabbo jatim pahatum jaram pahatum maranam pahatum katame tayo ragam appahaya dosam appahaya moham appahaya ime kho bhikkhave tayo dhamme appahaya abhabbo jatim pahatum jaram pahatum maranam pahatum tayo ^4- bhikkhave dhamme appahaya abhabbo ragam pahatum dosam pahatum moham pahatum katame tayo sakkayaditthim appahaya vicikiccham appahaya silabbattaparamasam ^5- appahaya ime kho bhikkhave tayo dhamme appahaya abhabbo ragam pahatum dosam pahatum moham pahatum {76.2} tayo bhikkhave dhamme appahaya abhabbo @Footnote: ¹ Ma. Yu. gatimpi. ² Ma. Yu. ekangahinati. ³ Ma. Yu. dippeyya. sabbattha @idisameva. ⁴ Ma. tayome. ⁵ silabbataparamasam. sabbattha idisameva. Sakkayaditthim pahatum vicikiccham pahatum silabbattaparamasam pahatum katame tayo ayoniso manasikaram appahaya kummaggasevanam appahaya cetaso linattam appahaya ime kho bhikkhave tayo dhamme appahaya abhabbo sakkayaditthim pahatum vicikiccham pahatum silabbattaparamasam pahatum {76.3} tayo bhikkhave dhamme appahaya abhabbo ayoniso manasikaram pahatum kummaggasevanam pahatum cetaso linattam pahatum katame tayo mutthasaccam appahaya asampajannam appahaya cetaso vikkhepam appahaya ime kho bhikkhave tayo dhamme appahaya abhabbo ayoniso manasikaram pahatum kummaggasevanam pahatum cetaso linattam pahatum {76.4} tayo bhikkhave dhamme appahaya abhabbo mutthasaccam pahatum asampajannam pahatum cetaso vikkhepam pahatum katame tayo ariyanam adassanakamyatam appahaya ariyadhammam asotukamyatam appahaya uparambhacittatam appahaya ime kho bhikkhave tayo dhamme appahaya abhabbo mutthasaccam pahatum asampajannam pahatum cetaso vikkhepam pahatum {76.5} tayo bhikkhave dhamme appahaya abhabbo ariyanam adassanakamyatam pahatum ariyadhammam asotukamyatam pahatum uparambhacittatam pahatum katame tayo uddhaccam appahaya asamvaram appahaya dussilyam appahaya ime kho bhikkhave tayo dhamme appahaya abhabbo ariyanam adassanakamyatam pahatum ariyadhammam asotukamyatam pahatum uparambhacittatam pahatum tayo bhikkhave dhamme appahaya abhabbo uddhaccam pahatum asamvaram pahatum dussilyam pahatum katame Tayo assaddhiyam appahaya avadannutam appahaya kosajjam appahaya ime kho bhikkhave tayo dhamme appahaya abhabbo uddhaccam pahatum asamvaram pahatum dussilyam pahatum {76.6} tayo bhikkhave dhamme appahaya abhabbo assaddhiyam pahatum avadannutam pahatum kosajjam pahatum katame tayo anadariyam appahaya dovacassatam appahaya papamittatam appahaya ime kho bhikkhave tayo dhamme appahaya abhabbo assaddhiyam pahatum avadannutam pahatum kosajjam pahatum {76.7} tayo bhikkhave dhamme appahaya abhabbo anadariyam pahatum dovacassatam pahatum papamittatam pahatum katame tayo ahirikam appahaya anottappam appahaya pamadam appahaya ime kho bhikkhave tayo dhamme appahaya abhabbo anadariyam pahatum dovacassatam pahatum papamittatam pahatum {76.8} ahirikoyam bhikkhave anottappi pamatto hoti so pamatto samano abhabbo anadariyam pahatum dovacassatam pahatum papamittatam pahatum so papamitto samano abhabbo assaddhiyam pahatum avadannutam pahatum kosajjam pahatum so kusito samano abhabbo uddhaccam pahatum asamvaram pahatum dussilyam pahatum so dussilo samano abhabbo ariyanam adassanakamyatam pahatum ariyadhammam asotukamyatam pahatum uparambhacittatam pahatum so uparambhacitto samano abhabbo mutthasaccam pahatum asampajannam pahatum cetaso vikkhittacittatam ^1- pahatum so vikkhittacitto samano abhabbo ayoniso manasikaram pahatum kummaggasevanam pahatum cetaso linattam pahatum so linacitto @Footnote: ¹ Ma. Yu. vikkhepam. Samano abhabbo sakkayaditthim pahatum vicikiccham pahatum silabbattaparamasam pahatum so vecikiccho ^1- samano abhabbo ragam pahatum dosam pahatum moham pahatum ^[2]- ragam appahaya dosam appahaya moham appahaya abhabbo jatim pahatum jaram pahatum maranam pahatum. {76.9} Tayo bhikkhave dhamme pahaya bhabbo jatim pahatum jaram pahatum maranam pahatum katame tayo ragam pahaya dosam pahaya moham pahaya ime kho bhikkhave tayo dhamme pahaya bhabbo jatim pahatum jaram pahatum maranam pahatum {76.10} tayo bhikkhave dhamme pahaya bhabbo ragam pahatum dosam pahatum moham pahatum katame tayo sakkayaditthim pahaya vicikiccham pahaya silabbattaparamasam pahaya ime kho bhikkhave tayo dhamme pahaya bhabbo ragam pahatum dosam pahatum moham pahatum tayo bhikkhave dhamme pahaya bhabbo sakkayaditthim pahatum vicikiccham pahatum silabbattaparamasam pahatum katame tayo ayoniso manasikaram pahaya kummaggasevanam pahaya cetaso linattam pahaya ime kho bhikkhave tayo dhamme pahaya bhabbo sakkayaditthim pahatum vicikiccham pahatum silabbattaparamasam pahatum {76.11} tayo bhikkhave dhamme pahaya bhabbo ayoniso manasikaram pahatum kummaggasevanam pahatum cetaso linattam pahatum katame tayo mutthasaccam pahaya asampajannam pahaya cetaso vikkhepam pahaya ime kho bhikkhave tayo dhamme pahaya bhabbo ayoniso manasikaram pahatum kummaggasevanam @Footnote: ¹ Ma. Yu. vicikiccho . ² Ma. so. Pahatum cetaso linattam pahatum {76.12} tayo bhikkhave dhamme pahaya bhabbo mutthasaccam pahatum asampajannam pahatum cetaso vikkhepam pahatum katame tayo ariyanam adassanakamyatam pahaya ariyadhammam asotukamyatam pahaya uparambhacittatam pahaya ime kho bhikkhave tayo dhamme pahaya bhabbo mutthasaccam pahatum asampajannam pahatum cetaso vikkhepam pahatum {76.13} tayo bhikkhave dhamme pahaya bhabbo ariyanam adassanakamyatam pahatum ariyadhammam asotukamyatam pahatum uparambhacittatam pahatum katame tayo uddhaccam pahaya asamvaram pahaya dussilyam pahaya ime kho bhikkhave tayo dhamme pahaya bhabbo ariyanam adassanakamyatam pahatum ariyadhammam asotukamyatam pahatum uparambhacittatam pahatum {76.14} tayo bhikkhave dhamme pahaya bhabbo uddhaccam pahatum asamvaram pahatum dussilyam pahatum katame tayo assaddhiyam pahaya avadannutam pahaya kosajjam pahaya ime kho bhikkhave tayo dhamme pahaya bhabbo uddhaccam pahatum asamvaram pahatum dussilyam pahatum {76.15} tayo bhikkhave dhamme pahaya bhabbo assaddhiyam pahatum avadannutam pahatum kosajjam pahatum katame tayo anadariyam pahaya dovacassatam pahaya papamittatam pahaya ime kho bhikkhave tayo dhamme pahaya bhabbo assaddhiyam pahatum avadannutam pahatum kosajjam pahatum {76.16} tayo bhikkhave dhamme pahaya bhabbo anadariyam pahatum dovacassatam pahatum papamittatam pahatum katame tayo ahirikam pahaya anottappam pahaya pamadam pahaya ime kho bhikkhave tayo Dhamme pahaya bhabbo anadariyam pahatum dovacassatam pahatum papamittatam pahatum {76.17} hirimayam bhikkhave ottappi ^1- appamatto hoti so appamatto samano bhabbo anadariyam pahatum dovacassatam pahatum papamittatam pahatum so kalyanamitto samano bhabbo assaddhiyam pahatum avadannutam pahatum kosajjam pahatum so araddhaviriyo samano bhabbo uddhaccam pahatum asamvaram pahatum dussilyam pahatum so silava samano bhabbo ariyanam adassanakamyatam pahatum ariyadhammam asotukamyatam pahatum uparambhacittatam pahatum so anuparambhacitto samano bhabbo mutthasaccam pahatum asampajannam pahatum cetaso vikkhepam pahatum so avikkhittacitto samano bhabbo ayoniso manasikaram pahatum kummaggasevanam pahatum cetaso linattam pahatum so alinacitto samano bhabbo sakkayaditthim pahatum vicikiccham pahatum silabbattaparamasam pahatum so avicikiccho samano bhabbo ragam pahatum dosam pahatum moham pahatum ragam pahaya dosam pahaya moham pahaya bhabbo jatim pahatum jaram pahatum maranam pahatunti.

The Pali Tipitaka in Roman Character Volume 24 page 154-159. https://84000.org/tipitaka/read/roman_read.php?B=24&A=3219&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=24&A=3219&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=24&item=76&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=24&siri=74 Study Atthakatha :- https://84000.org/tipitaka/attha/attha.php?b=24&i=76 Contents of The Tipitaka Volume 24 https://84000.org/tipitaka/read/?index_24 https://84000.org/tipitaka/english/?index_24