PaliRoman Vol.24

[89] Athakho kokaliko ^3- bhikkhu yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho kokaliko bhikkhu bhagavantam etadavoca papiccha bhante sariputtamoggallana papikanam icchanam vasangatati . ma hevam kokalika ma hevam kokalika pasadehi kokalika sariputtamoggallanesu cittam pesala sariputtamoggallanati. {89.1} Dutiyampi kho kokaliko bhikkhu bhagavantam etadavoca kincapi me bhante bhagava saddhayiko paccayiko athakho papicchava sariputtamoggallana papikanam icchanam vasangatati . ma hevam kokalika ma hevam kokalika pasadehi kokalika sariputtamoggallanesu @Footnote: ¹ Ma. thanametam avakaso . ² Ma. ... byasananam annataram bayasanam nigaccheyya. @Yu. annataram .... ³ Po. kokaliyo bhikkhu. sabbattha evam natabbam.

--------------------------------------------------------------------------------------------- page182.

Cittam pesala sariputtamoggallanati. {89.2} Tatiyampi kho kokaliko bhikkhu bhagavantam etadavoca kincapi kho me bhante bhagava saddhayiko paccayiko athakho papicchava sariputtamoggallana papikanam icchanam vasangatati . ma hevam kokalika ma hevam kokalika pasadehi kokalika sariputtamoggallanesu cittam pesala sariputtamoggallanati. {89.3} Athakho kokaliko bhikkhu utthayasana bhagavantam abhivadetva padakkhinam katva pakkami acirapakkantassa ca kokalikassa bhikkhuno sasapamattihi pilakahi sabbo kayo phuttho ahosi sasapamattiyo hutva muggamattiyo ahesum muggamattiyo hutva kalayamattiyo ^1- ahesum kalayamattiyo hutva kolatthimattiyo ahesum kolatthimattiyo hutva kolamattiyo ahesum kolamattiyo hutva amalakamattiyo ahesum amalakamattiyo hutva ^[2]- veluvasalatukamattiyo ^3- ahesum veluvasalatukamattiyo hutva villamattiyo ahesum villamattiyo hutva pabhijjimsu pubbanca lohitanca paggharimsu svassudam kaddalipattesu seti macchova visakalikato ^4-. {89.4} Athakho tudipaccekabrahma ^5- yena kokaliko bhikkhu tenupasankami upasankamitva vehase thatva kokalikam bhikkhum etadavoca pasadehi kokalika sariputtamoggallanesu cittam pesala sariputtamoggallanati . kosi tvam avusoti . aham tudipaccekabrahmati . nanu tvam avuso bhagavata anagami byakato atha kincarahi idhagato passa yavanca te idam aparaddhanti . athakho @Footnote: ¹ Po. kalayamattiyo. Ma. Yu. kalayamattiyo. ² Ma. tindukmattiyo ahesum @tindukamattiyo hutva. ³ Ma. Yu. beluvasilatkamattiyo. ⁴ Po. visakalekato. @Ma. Yu. visagilito. ⁵ Ma. tulupaccekabrahma. Yu. tudupaccekabrahma.

--------------------------------------------------------------------------------------------- page183.

Tudipaccekabrahma kokalikam bhikkhum gathaya ^1- ajjhabhasi purisassa hi jatassa kudhari jayate mukhe yaya chindati attanam balo dubbhasitam bhanam. Yo nindiyam pasamsati tam va nindati yo pasamsiyo vicinati mukhena so kalim kalina tena sukham na vindati. Appamatto ayam kali yo akkhesu dhanaparajayo (sabbassapi sahapi attana) ayameva mahattaro ^2- kali yo sugatesu manam padosaye ^3-. Satam sahassanam nirabbudanam chattimsati panca ca abbudani yamariyagarahi nirayam upeti vacam mananca ^4- panidhaya papakanti. {89.5} Athakho kokaliko bhikkhu tenevabadhena kalamakasi kalakato ca kokaliko bhikkhu padumanirayam upapajjati sariputtamoggallanesu cittam aghatetva . athakho brahma sahampati abhikkantaya rattiya abhikkantavanno kevalakappam jetavanam obhasetva yena bhagava tenupasankami upasankamitva bhagavantam abhivadetva ekamantam atthasi ekamantam thito kho brahma sahampati bhagavantam etadavoca kokaliko @Footnote: ¹ Ma. gathahi. ² Po. mahantataro. ³ Po. Ma. padusaye. ⁴ Po. vacamananca.

--------------------------------------------------------------------------------------------- page184.

Bhante bhikkhu kalakato kalakato ca bhante kokaliko bhikkhu padumanirayam upapanno sariputtamoggallanesu cittam aghatetvati idamavoca brahma sahampati idam vatva bhagavantam abhivadetva padakkhinam katva tatthevantaradhayi. {89.6} Athakho bhagava tassa rattiya accayena bhikkhu amantesi imam bhikkhave rattim brahma sahampati abhikkantaya rattiya abhikkantavanno kevalakappam jetavanam obhasetva yenaham tenupasankami upasankamitva mam abhivadetva ekamantam atthasi ekamantam thito kho bhikkhave brahma sahampati mam etadavoca kokaliko bhante bhikkhu kalakato kalakato ca bhante kokaliko bhikkhu padumanirayam upapanno sariputtamoggallanesu cittam aghatetvati idamavoca bhikkhave brahma sahampati idam vatva mam abhivadetva padakkhinam katva tatthevantaradhayiti. Evam vutte annataro bhikkhu bhagavantam etadavoca kivadigham nu kho bhante padumaniraye ayuppamananti . digham kho bhikkhu padumaniraye ayuppamanam tam na sukaram sankhatum ettakani vassaniti va ettakani vassasataniti va ettakani vassasahassaniti va ettakani vassasatasahassaniti vati. {89.7} Sakka pana bhante upama ^1- katunti. Sakka bhikkhuti bhagava avoca seyyathapi bhikkhave visatikhariko kosalako tilavaho tato puriso vassasatasahassassa accayena ekamekam tilam uddhareyya khippataram kho so bhikkhu visatikhariko kosalako tilavaho @Footnote: ¹ Ma. .. upamam.

--------------------------------------------------------------------------------------------- page185.

Imina upakkamena parikkhayam pariyadanam gaccheyya na tveva eko abbudo nirayo seyyathapi bhikkhu visati abbuda niraya evameko nirabbudo nirayo seyyathapi bhikkhu visati nirabbuda niraya evameko ababbo ^1- nirayo seyyathapi bhikkhu visati ababba niraya evameko ahaho nirayo seyyathapi bhikkhu visati ahaha niraya evameko atato nirayo seyyathapi bhikkhu visati atata niraya evameko kumudo nirayo seyyathapi bhikkhu visati kumuda niraya evameko sogandhiko nirayo seyyathapi bhikkhu visati sogandhika niraya evameko uppalo ^2- nirayo seyyathapi bhikkhu uppala niraya evameko pundariko nirayo seyyathapi bhikkhu visati pundarika niraya evameko padumo nirayo padumam kho pana bhikkhu nirayam kokaliko bhikkhu upapanno sariputtamoggallanesu cittam aghatetvati idamavoca bhagava idam vatvana sugato athaparam etadavoca sattha purisassa hi jatassa kudhari jayate mukhe yaya chindati attanam balo dubbhasitam bhanam. Yo nindiyam pasamsati tam va nindati yo pasamsiyo vicinati mukhena so kalim kalina tena sukham na vindati. Appamatto ayam kali yo akkhesu dhanaparajayo (sabbassapi sahapi attana) ayameva mahattaro kali @Footnote: ¹ Ma. Yu. abubo. ² Ma. Yu. uppalako.

--------------------------------------------------------------------------------------------- page186.

Yo sugatesu manam padosaye. Satam sahassanam nirabbudanam chattimsati panca ca abbudani yamariyagarahi nirayam upeti vacam mananca panidhaya papakanti.

The Pali Tipitaka in Roman Character Volume 24 page 181-186. https://84000.org/tipitaka/read/roman_read.php?B=24&A=3811&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=24&A=3811&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=24&item=89&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=24&siri=87 Study Atthakatha :- https://84000.org/tipitaka/attha/attha.php?b=24&i=89 The Pali Atthakatha in Thai :- https://84000.org/tipitaka/atthapali/read_th.php?B=16&A=8157 The Pali Atthakatha in Roman :- https://84000.org/tipitaka/atthapali/read_rm.php?B=16&A=8157 Contents of The Tipitaka Volume 24 https://84000.org/tipitaka/read/?index_24 https://84000.org/tipitaka/english/?index_24