PaliRoman Vol.24

[165] Ekam samayam bhagava pavayam viharati cundassa kammaraputtassa ambavane . athakho cundo kammaraputto yena bhagava tenupasankami upasankamitva bhagavantam abhivadetva ekamantam nisidi . @Footnote: ¹ Ma. byapannacittassa. ² Ma. Yu. ayam dhammoti atthi. Ekamantam nisinnam kho cundam kammaraputtam bhagava etadavoca kassa no tvam cunda soceyyani rocesiti. Brahmana bhante pacchabhumaka ^1- kamandaluka sevalamalaka ^2- aggiparicarika udakorohaka soceyyani pannapenti ^3- tesaham ^[4]- rocemiti. {165.1} Yathakatham pana cunda brahmana pacchabhumaka kamandaluka sevalamalaka aggiparicarika udakorohaka soceyyani pannapentiti. Idha bhante brahmana pacchabhumaka kamandaluka sevalamalaka aggiparicarika udakorohaka te savake ^5- evam samadapenti ehi tvam ambho purisa sakalasseva ^6- utthahanto sayanamha pathavim amaseyyasi no ce pathavim amaseyyasi allagomayani amaseyyasi no ce allagomayani amaseyyasi haritani tinani amaseyyasi no ce haritani tinani amaseyyasi aggim paricareyyasi no ce aggim paricareyyasi panjaliko adiccam namasseyyasi no ce panjaliko adiccam namasseyyasi sayatatiyakam udakam oroheyyasiti evam kho bhante brahmana pacchabhumaka kamandaluka sevalamalaka aggiparicarika udakorohaka soceyyani pannapenti tesaham soceyyani rocemiti. {165.2} Annatha kho cunda brahmana pacchabhumaka kamandaluka sevalamalaka aggiparicarika udakorohaka soceyyani pannapenti annatha ca pana ariyassa vinaye soceyyam hotiti. Yathakatham pana bhante ariyassa vinaye soceyyam hoti sadhu me bhante bhagava tatha dhammam desetu yatha ariyassa vinaye soceyyam hotiti . tenahi cunda sunahi sadhukam @Footnote: ¹ Po. pacchabhumika. ² Ma. sevalamalika. ³ pannapentipi patho. @⁴ Po. Ma. Yu. soceyyaniti atthi. ⁵ Ma. Yu. savakam. ⁶ kalasseva itipi patho. Manasikarohi bhasissamiti . evam bhanteti kho cundo kammaraputto bhagavato paccassosi . bhagava etadavoca tividham kho cunda kayena asoceyyam hoti catubbidham vacaya asoceyyam hoti tividham manasa asoceyyam hoti. Kathanca cunda tividham kayena asoceyyam hoti idha cunda ekacco panatipati hoti luddho ^1- lohitapani hatapahate nivittho adayapanno panabhutesu adinnadayi hoti yantam parassa paravittupakaranam gamagatam va arannagatam va adinnam theyyasankhatam adata hoti kamesu micchacari hoti ya ta maturakkhita piturakkhita bhaturakkhita bhaginirakkhita natirakkhita ^[2]- dhammarakkhita sasamika saparidanda antamaso malagunaparikkhitapi ^3- tatharupasu carittam apajjita hoti evam cunda tividham kayena asoceyyam hoti. Kathanca cunda catubbidham vacaya asoceyyam hoti idha cunda ekacco musavadi hoti sabhaggato ^4- va parisaggato va natimajjhaggato va pugamajjhaggato va rajakulamajjhaggato va abhinito sakkhim puttho ehi bho purisa yam janasi tam vadehiti so ajanam va aha ^5- janamiti janam va aha na janamiti apassam va aha passamiti passam va aha na passamiti iti attahetu va parahetu va amisakincikkhahetu va sampajanamusa bhasita hoti pisunavaco hoti ito sutva amutra akkhata imesam bhedaya amutra va sutva @Footnote: ¹ Ma. Yu. luddo. ² Ma. gottarakkhita. ³ Po. malagula ... Ma. Yu. malagula .... @⁴ Yu. sabhagato va. ⁵ Po. Yu. sabbattha ahati natthi. Imesam akkhata amusam bhedaya iti samagganam va bhetta bhinnanam ^1- va anuppadata vaggaramo vaggarato vagganandi vaggakaranim vacam bhasita hoti pharusavaco hoti ya sa vaca andaka kakkasa parakatuka parabhisajjani kodhasamanta asamadhisamvattanika tatharupim vacam bhasita hoti samphappalapi hoti akalavadi abhutavadi anatthavadi adhammavadi avinayavadi anidhanavatim vacam bhasita hoti akalena anapadesam apariyantavatim anatthasanhitam evam kho cunda catubbidham vacaya asoceyyam hoti. Kathanca cunda tividham manasa asoceyyam hoti idha cunda ekacco abhijjhalu hoti yantam parassa paravittupakaranam tam abhijjhita hoti aho vata yam parassa tam mama assati byapannacitto hoti padutthamanasankappo ime satta hannantu va bhijjantu va ucchijjantu va vinassantu va ma va ahesunti ^2- micchaditthiko hoti viparittadassano natthi dinnam natthi yittham natthi hutam natthi sukatadukkatanam kammanam phalam vipako natthi ayam loko natthi paro loko natthi mata natthi pita natthi satta opapatika natthi loke samanabrahmana sammaggata sammapatipanna ye imanca lokam paranca lokam sayam abhinna sacchikatva pavedentiti evam kho cunda tividham manasa asoceyyam hoti. {165.3} Ime kho cunda dasa akusalakammapatha imehi kho cunda dasahi akusalehi kammapathehi samannagato sakalasseva @Footnote: ¹ Po. bhedita. ² Po. Yu. ahesum iti vati. Utthahanto sayanamha pathavim cepi amasati asuciyeva hoti no cepi pathavim amasati asuciyeva hoti allani cepi gomayani amasati asuciyeva hoti no cepi allani gomayani amasati asuciyeva hoti haritani cepi tinani amasati asuciyeva hoti no cepi haritani tinani amasati asuciyeva hoti aggim cepi paricarati asuciyeva hoti no cepi aggim paricarati asuciyeva hoti panjaliko cepi adiccam namassati asuciyeva hoti no ce panjaliko adiccam namassati asuciyeva hoti sayatatiyakam cepi udakam orohati asuciyeva hoti no cepi sayatatiyakam udakam orohati asuciyeva hoti tam kissa hetu ime cunda dasa akusalakammapatha asuciceva ^1- asucikarana ca imesam pana cunda dasannam akusalanam kammapathanam samannagamanahetu nirayo pannayati tiracchanayoni pannayati pittivisayo pannayati ya va panannapi kaci duggati ^2- hoti. {165.4} Tividham kho cunda kayena soceyyam hoti catubbidham vacaya soceyyam hoti tividham manasa soceyyam hoti . kathanca cunda tividham kayena soceyyam hoti idha cunda ekacco panatipatam pahaya panatipata pativirato hoti nihitadando nihitasattho lajji byapanno sabbapanabhutahitanukampi viharati adinnadanam pahaya adinnadana pativirato hoti yantam parassa paravittupakaranam gamagatam va arannagatam va tam adinnam theyyasankhatam anadata hoti kamesu micchacaram pahaya kamesu micchacara @Footnote: ¹ Ma. Yu. asuciyeva honti. ² Ma. Yu. duggatiyo. hotiti patho natthi. Pativirato hoti ya ta maturakkhita piturakkhita bhaturakkhita bhaginirakkhita natirakkhita dhammarakkhita sasamika saparidanda antamaso malagunaparikkhitapi tatharupasu na carittam apajjita hoti evam kho cunda tividham kayena soceyyam hoti. {165.5} Kathanca cunda catubbidham vacaya soceyyam hoti idha cunda ekacco musavadam pahaya musavada pativirato hoti sabhaggato va parisaggato va natimajjhaggato va pugamajjhaggato va rajakulamajjhaggato va abhinito sakkhim puttho ehi bho purisa yam janasi tam vadehiti so ajanam va aha na janamiti janam va aha janamiti apassam va aha na passamiti passam va aha passamiti iti attahetu va parahetu va amisakincikkhahetu va na sampajanamusa bhasita hoti pisunam vacam pahaya pisunaya vacaya pativirato hoti na ito sutva amutra akkhata imesam bhedaya amutra va sutva na imesam akkhata amusam bhedaya iti bhinnanam va sandhata sahitanam va anuppadata samaggaramo samaggarato samagganandi samaggakarani vacam bhasita hoti pharusam vacam pahaya pharusaya vacaya pativirato hoti ya sa vaca nela kannasukha pemaniya hadayangama pori bahujanakanta bahujanamanapa tatharupim vacam bhasita hoti samphappalapam pahaya samphappalapa pativirato hoti kalavadi bhutavadi atthavadi dhammavadi vinayaadi nidhanavatim vacam bhasita hoti kalena sapadesam pariyantavatim atthasanhitam evam kho Cunda catubbidham vacaya soceyyam hoti. {165.6} Kathanca cunda tividham manasa soceyyam hoti idha cunda ekacco anabhijjhalu hoti yantam parassa paravittupakaranam tam anabhijjhita hoti aho vata yam parassa tam mama assati abyapannacitto hoti appadutthamanasankappo ime satta avera ^1- abyapajjha anigha sukhi attanam pariharantuti sammaditthiko hoti aviparittadassano atthi dinnam atthi yittham atthi hutam atthi sukatadukkatanam kammanam phalam vipako atthi ayam loko atthi paro loko atthi mata atthi pita atthi satta opapatika atthi loke samanabrahmana sammaggata sammapatipanna ye imanca lokam paranca lokam sayam abhinna sacchikatva pavedentiti evam kho cunda tividham manasa soceyyam hoti. {165.7} Ime kho cunda dasa kusalakammapatha imehi kho cunda dasahi kusalehi kammapathehi samannagato kalasseva utthahanto sayanamha pathavim cepi amasati suciyeva hoti no cepi pathavim amasati suciyeva hoti allani cepi gomayani amasati suciyeva hoti no cepi allani gomayani amasati suciyeva hoti haritani cepi tinani amasati suciyeva hoti no cepi haritani tinani amasati suciyeva hoti aggim cepi paricarati suciyeva hoti no cepi aggim paricarati suciyeva hoti panjaliko cepi adiccam namassati suciyeva hoti no cepi panjaliko adiccam @Footnote: ¹ Ma. avera hontu. Namassati suciyeva hoti sayatatiyakam cepi udakam orohati suciyeva hoti no cepi sayatatiyakam udakam orohati suciyeva hoti tam kissa hetu ime cunda dasa kusalakammapatha suciceva honti sucikarana ca imesanca pana cunda dasannam kusalanam kammapathanam samannagamahetu deva pannayanti manussa pannayanti ya va panannapi kaci sugati ^1- hoti. Evam vutte cundo kammaraputto bhagavantam etadavoca abhikkantam bhante .pe. upasakam mam bhante bhagava dharetu ajjatagge panupetam saranam gatanti.

The Pali Tipitaka in Roman Character Volume 24 page 283-290. https://84000.org/tipitaka/read/roman_read.php?B=24&A=6015&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=24&A=6015&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=24&item=165&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=24&siri=163 Study Atthakatha :- https://84000.org/tipitaka/attha/attha.php?b=24&i=165 The Pali Atthakatha in Thai :- https://84000.org/tipitaka/atthapali/read_th.php?B=16&A=8477 The Pali Atthakatha in Roman :- https://84000.org/tipitaka/atthapali/read_rm.php?B=16&A=8477 Contents of The Tipitaka Volume 24 https://84000.org/tipitaka/read/?index_24 https://84000.org/tipitaka/english/?index_24