PaliRoman Vol.24

Suttantapitake anguttaranikayassa ekadasakanipato --------- namo tassa bhagavato arahato sammasambuddhassa nissayavaggo pathamo [208] 1 Evamme ^1- sutam. Ekam samayam bhagava savatthiyam viharati jetavane anathapindikassa arame . athakho ayasma anando yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho ayasma anando bhagavantam etadavoca kimatthiyani bhante kusalani silani kimanisamsaniti . avippatisaratthani kho ananda kusalani silani avippatisaranisamsani. {208.1} Avippatisaro pana bhante kimatthiyo kimanisamsoti . Avippatisaro kho ananda pamujjattho pamujjanisamso . pamujjam pana bhante kimatthiyam kimanisamsanti . pamujjam kho ananda pitattham pitanisamsam . piti pana bhante kimatthiya kimanisamsati . piti kho ananda passaddhattha passaddhanisamsa . passaddhi pana bhante kimatthiya kimanisamsati . passaddhi kho ananda sukhattha sukhanisamsa . sukham pana bhante kimatthiyam kimanisamsanti . sukham kho ananda samadhattham samadhanisamsam . samadhi pana bhante kimatthiyo kimanisamsoti . samadhi kho ananda yathabhutananadassanattho @Footnote: ¹ Yu. evamme sutam ... arameti natthi. Yathabhutananadassananisamso . yathabhutananadassanam pana bhante kimatthiyam kimanisamsanti . yathabhutananadassanam kho ananda nibbidattham nibbidanisamsam . nibbida pana bhante kimatthiya kimanisamsati . nibbida kho ananda viragattha viraganisamsa . Virago pana bhante kimatthiyo kimanisamsoti . virago kho ananda vimuttinanadassanattho vimuttinanadassananisamsoti iti kho ananda kusalani silani avippatisaratthani avippatisaranisamsani avippatisaro pamujjattho pamujjanisamso pamujjam pitattham pitanisamsam piti passaddhattha passaddhanisamsa passaddhi sukhattha sukhanisamsa sukham samadhattham samadhanisamsam samadhi yathabhutananadassanattho yathabhutananadassananisamso yathabhutananadassanam nibbidattham nibbidanisamsam nibbida viragattha viraganisamsa virago vimuttinanadassanattho vimuttinanadassananisamso iti kho ananda kusalani silani anupubbena arahattaya paripurentiti.

The Pali Tipitaka in Roman Character Volume 24 page 335-336. https://84000.org/tipitaka/read/roman_read.php?B=24&A=7067&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=24&A=7067&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=24&item=208&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=24&siri=197 Study Atthakatha :- https://84000.org/tipitaka/attha/attha.php?b=24&i=208 The Pali Atthakatha in Thai :- https://84000.org/tipitaka/atthapali/read_th.php?B=16&A=8555 The Pali Atthakatha in Roman :- https://84000.org/tipitaka/atthapali/read_rm.php?B=16&A=8555 Contents of The Tipitaka Volume 24 https://84000.org/tipitaka/read/?index_24 https://84000.org/tipitaka/english/?index_24