PaliRoman Vol.24

[219] ¹² Ekam samayam bhagava sakkesu viharati kapilavatthusmim nigrodharame . tena kho pana samayena mahanamo sakko gilana vutthito hoti aciravutthito gelanna . tena kho pana samayena sambahula bhikkhu bhagavato civarakammam karonti nitthitacivaro bhagava temasaccayena carikam pakkamissatiti . assosi kho mahanamo sakko sambahula kira bhikkhu bhagavato civarakammam karonti nitthitacivaro bhagava temasaccayena carikam pakkamissatiti athakho mahanamo sakko yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho mahanamo sakko bhagavantam etadavoca sutametam bhante sambahula kira bhikkhu bhagavato civarakammam karonti nitthitacivaro bhagava temasaccayena carikam pakkamissatiti tesam no bhante nanaviharehi viharatam kena viharena vihatabbanti. {219.1} Sadhu sadhu mahanama etam kho mahanama tumhakam patirupam kulaputtanam yam tumhe tathagatam upasankamitva puccheyyatha tesam no bhante nanaviharehi viharatam kena viharena vihatabbanti saddho kho mahanama aradhako hoti no asaddho araddhaviriyo aradhako hoti no kusito upatthitasati aradhako hoti no mutthassati samahito aradhako Hoti no asamahito pannava aradhako hoti no duppanno imesu kho tvam mahanama pancasu dhammesu patitthaya cha dhamme uttarim bhaveyyasi idha tvam mahanama tathagatam anussareyyasi itipi so bhagava .pe. sattha devamanussanam buddho bhagavati yasmim mahanama samaye ariyasavako tathagatam anussarati nevassa tasmim samaye ragapariyutthitam cittam hoti na dosapariyutthitam cittam hoti na mohapariyutthitam cittam hoti ujugatamevassa tasmim samaye cittam hoti tathagatam arabbha ujugatacitto kho pana mahanama ariyasavako labhati atthavedam labhati dhammavedam labhati dhammupasanhitam pamujjam pamuditassa piti jayati pitimanassa kayo passambhati passaddhakayo sukham vediyati sukhino cittam samadhiyati imam kho tvam mahanama buddhanussatim gacchantopi bhaveyyasi thitopi bhaveyyasi nisinnopi bhaveyyasi sayanopi bhaveyyasi kammantam adhitthahantopi bhaveyyasi puttasambadhasayanam ajjhavasantopi bhaveyyasi. {219.2} Puna caparam tvam mahanama dhammam anussareyyasi ... Sangham anussareyyasi ... attano silani anussareyyasi ... Attano cagam anussareyyasi ... devata anussareyyasi santi deva catummaharajika santi deva ... Taduttari yatharupaya saddhaya samannagata ta devata ito cuta tattha uppanna mayhampi tatharupa saddha samvijjati yatharupena silena ... Sutena ... Cagena ... Pannaya samannagata ta devata ito cuta tattha Uppanna mayhampi tatharupa panna samvijjatiti yasmim mahanama samaye ariyasavako attano ca tasanca devatanam saddhanca silanca sutanca caganca pannanca anussarati nevassa tasmim samaye ragapariyutthitam cittam hoti na dosapariyutthitam cittam hoti na mohapariyutthitam cittam hoti ujugatamevassa tasmim samaye cittam hoti devata arabbha ujugatacitto kho pana mahanama ariyasavako labhati atthavedam labhati dhammavedam labhati dhammupasanhitam pamujjam pamuditassa piti jayati pitimanassa kayo passambhati passaddhakayo sukham vediyati sukhino cittam samadhiyati imam kho tvam mahanama devatanussatim gacchantopi bhaveyyasi thitopi bhaveyyasi nisinnopi bhaveyyasi sayanopi bhaveyyasi kammantam adhitthahantopi bhaveyyasi puttasambadhasayanam ajjhavasantopi bhaveyyasiti.

The Pali Tipitaka in Roman Character Volume 24 page 360-362. https://84000.org/tipitaka/read/roman_read.php?B=24&A=7594&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=24&A=7594&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=24&item=219&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=24&siri=208 Study Atthakatha :- https://84000.org/tipitaka/attha/attha.php?b=24&i=219 The Pali Atthakatha in Thai :- https://84000.org/tipitaka/atthapali/read_th.php?B=16&A=8603 The Pali Atthakatha in Roman :- https://84000.org/tipitaka/atthapali/read_rm.php?B=16&A=8603 Contents of The Tipitaka Volume 24 https://84000.org/tipitaka/read/?index_24 https://84000.org/tipitaka/english/?index_24