PaliRoman Vol.24

[228] 21 Tatra kho ayasma sariputto bhikkhu amantesi siya nu kho avuso bhikkhuno tatharupo samadhipatilabho yatha neva pathaviyam pathavisanni assa na apasmim aposanni assa na tejasmim tejosanni assa na vayasmim vayosanni assa na akasanancayatane akasanancayatanasanni assa na vinnanancayatane vinnanancayatanasanni assa na akincannayatane akincannayatanasanni assa na nevasannanasannayatane nevasannanasannayatanasanni assa na idhaloke idhalokasanni assa na paraloke paralokasanni assa yamidam dittham sutam mutam vinnatam pattam pariyesitam anuvicaritam manasa tatrapi na sanni assa sanni ca pana assati . duratopi kho mayam avuso agaccheyyama ayasmato sariputtassa santike etassa bhasitassa atthamannatum sadhu vatayasmantamyeva sariputtam patibhatu etassa bhasitassa attho ayasmato sariputtassa sutva bhikkhu dharessantiti . Tenahavuso tam ^1- sunatha sadhukam manasikarotha bhasissamiti . Evamavusoti kho te bhikkhu ayasmato sariputtassa paccassosum . Ayasma sariputto etadavoca siya avuso bhikkhuno tatharupo samadhipatilabho yatha neva pathaviyam pathavisanni assa .pe. yamidam dittham sutam mutam vinnatam pattam pariyesitam anuvicaritam manasa tatrapi na sanni assa sanni ca pana assati . yathakatham panavuso sariputta siya bhikkhuno tatharupo samadhipatilabho @Footnote: ¹ Po. Ma. Yu. ayam patho natthi. Yatha neva pathaviyam pathavisanni assa .pe. yamidam dittham sutam mutam vinnatam pattam pariyesitam anuvicaritam manasa tatrapi na sanni assa sanni ca pana assati. {228.1} Idha avuso bhikkhu evamsanni hoti etam santam etam panitam yadidam sabbasankharasamatho sabbupadhipatinissaggo tanhakkhayo virago nirodho nibbananti evampi ^1- kho avuso siya bhikkhuno tatharupo samadhipatilabho yatha neva pathaviyam pathavisanni assa na apasmim aposanni assa na tejasmim tejosanni assa na vayasmim vayosanni assa na akasanancayatane akasanancayatanasanni assa na vinnanancayatane vinnanancayatanasanni assa na akincannayatane akincannayatanasanni assa na nevasannanasannayatane nevasannanasannayatanasanni assa na idhaloke idhalokasanni assa na paraloke paralokasanni assa yamidam dittham sutam mutam vinnatam pattam pariyesitam anuvicaritam manasa tatrapi na sanni assa sanni ca pana assati. Dutiyavaggo dutiyo. Tassuddanam dve mahanama ca nandiyena subhutina ca metta dasamo gopalako cattaro ca samadhinoti ^2- @Footnote: ¹ Ma. evam kho. ² Ma. dve vutta mahanamena nandiyena subhutina @ metta atthako gopalo cattaro ca samadhinati @ Yu. dve mahanama nandiyena subhutina ca metta @ dasamo ceva gopalo cattaro ca samadhinoti.

The Pali Tipitaka in Roman Character Volume 24 page 389-390. https://84000.org/tipitaka/read/roman_read.php?B=24&A=8196&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=24&A=8196&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=24&item=228&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=24&siri=217 Study Atthakatha :- https://84000.org/tipitaka/attha/attha.php?b=24&i=228 Contents of The Tipitaka Volume 24 https://84000.org/tipitaka/read/?index_24 https://84000.org/tipitaka/english/?index_24