PaliRoman Vol.26

[48] |48.576| ¹⁰ Obhasayitva pathavim sadevakam atirocasi candimasuriya viya siriya ca vannena ^1- yasena tejasa brahmava deve tidase sahindake |48.577| pucchami tam uppalamaladharine aveline kancanasannibhattace alankate uttamavatthadharine ka tvam subhe devate vandase mamam ^2- ^[3]- |48.578| danam sucinnam atha silasannamo ^4- kenupapanna sugatim yasassini devate pucchitacikkha kissa kammassidam phalam (iti). |48.579| Idani bhante imameva gamam pindaya amhaka gharam upagami tato te ucchussa adasim khandikam pasannacitta atulaya pitiya @Footnote: ¹ sariravannenatipi dissati . ² Po. Yu. mama . ³ kim tvam pure kammamakasi @attana manussabhuta purimaya jatiya . ⁴ Ma. silasannamam. |48.580| Sassu ca paccha anuyunjate mamam kaham nu ucchum vadhu te avakari na chadditam na pana khaditam maya santassa bhikkhussa sayam adasiham |48.581| tuyhancidam issariyam atho mama itissa sassu paribhasate mamam leddum gahetva paharam adasi me tato cuta kalakatamhi devata |48.582| tadeva kammam kusalam katam maya sukhanca kammam anubhomi attana devehi saddhim paricariyamaham modamaham kamagunehi pancahi |48.583| tadeva kammam kusalam katam maya sukhanca kammam anubhomi attana devindagutta tidasehi rakkhita samappita kamagunehi pancahi |48.584| etadisam punnaphalam anappakam mahavipaka mama ucchudakkhina devehi saddhim paricariyamaham modamaham kamagunehi pancahi |48.585| Etadisam punnaphalam anappakam mahajutika mama ucchudakkhina devindagutta tidasehi rakkhita sahassanettoriva nandane vane |48.586| tuvanca bhante anukampakam vidum upecca vandim kusalanca pucchimam tato te ucchussa adasi khandikam pasannacitta atulaya pitiyati. Ucchuvimanam dasamam.

The Pali Tipitaka in Roman Character Volume 26 page 83-85. https://84000.org/tipitaka/read/roman_read.php?B=26&A=1672&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=26&A=1672&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=26&item=48&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=26&siri=48 Study Atthakatha :- https://84000.org/tipitaka/attha/attha.php?b=26&i=48 The Pali Atthakatha in Thai :- https://84000.org/tipitaka/atthapali/read_th.php?B=30&A=4926 The Pali Atthakatha in Roman :- https://84000.org/tipitaka/atthapali/read_rm.php?B=30&A=4926 Contents of The Tipitaka Volume 26 https://84000.org/tipitaka/read/?index_26 https://84000.org/tipitaka/english/?index_26