PaliRoman Vol.26

[50] |50.592| ¹² Abhikkantena vannena ya tvam titthasi devate hatthe pade ca viggayha naccasi suppavadite |50.593| tassa te naccamanaya ^1- angamangehi sabbaso dibba sadda niccharanti savaniya manorama |50.594| tassa te naccamanaya angamangehi sabbaso dibba gandha pavayanti sucigandha manorama |50.595| vivattamana kayena ya venisu pilandhana tesam suyyati nigghoso turiye pancangike yatha |50.596| vatamsaka vatadhuta vatena sampakampita tesam suyyati nigghoso turiye pancangike yatha |50.597| sapi te sirasi mala sucigandha manorama vati gandho disa sabba rukkho manjusako yatha |50.598| ghayase tam sucigandham rupam passasi amanusam devate pucchitacikkha kissa kammassidam phalam (iti). |50.599| Dasi aham pure asim gayayam brahmanassaham appapunna alakkhika rajjumalati mam vidu |50.600| akkosanam vadhananca tajjanaya ca ukkata ^2- @Footnote: ¹ Yu. nandamanaya . ² uggatatipi dissati. Kutam gahetva nikkhamma agacchim udakahariya |50.601| vipathe kutam nikkhipitva vanasandam upagamim idhevaham marissami kvatthopi jivitena me |50.602| dalhapasam karitvana alambitvana padape tato disa vilokesim ko nu khova namassito |50.603| tatthaddasasim ^1- sambuddham sabbalokahitam munim nisinnam rukkhamulasmim jhayantam akutobhayam |50.604| tassa me ahu samvego abbhuto lomahamsano ko nu khova namassito manusso udahu devata |50.605| pasadikam pasadaniyam vana nibbanamagatam disva mano me pasidi nayam yadisikidiso |50.606| guttindriyo jhanarato abahigatamanaso hito sabbassa lokassa buddho ayam bhavissati |50.607| bhayabheravo durasado sihova guhanissito dullabhayam dassanaya puppham udumbaram yatha |50.608| so mam muduhi vacahi alapitva tathagato rajjumaleti mam avoca saranam gaccha tathagatam |50.609| taham giram sunitvana nelam atthavatim sucim sanham mudunca vaggunca sabbasokapanudanam |50.610| kallacittanca mam natva pasannam suddhamanasam @Footnote: ¹ Yu. tatthaddasami. Hito sabbassa lokassa anusasi tathagato |50.611| idam dukkhanti mam avoca ayam dukkhassa sambhavo ayam dukkhanirodho ca anjaso amatogadho |50.612| anukampakassa kusalassa ovadamhi aham thita ajjhaga amatam santim nibbanam padamaccutam |50.613| saham avatthita ^1- pema dassane avikampini mulajataya saddhaya dhita buddhassa orasa |50.614| saham ramami kilami modami akutobhaya dibbamalam dharayami pivami madhumaddhuvam ^2- |50.615| satthituriyasahassani patibodham karonti me alambo gaggaro bhimo sadhuvadi ca samsayo |50.616| pokkharo ca suphasso ca vina mokkha ca nariyo nanda ceva sunanda ca sonadinna sucimhita ^3- |50.617| alambusa missakesi ca pundarikatidaruni enipassa supassa ca subhadda mudukavadi |50.618| eta canna ca seyyase accharanam pabodhiya ta mam kalenupagantva abhibhasanti devata |50.619| handa naccama gayama handa tam ramayamase nayidam akatapunnanam katapunnanamevidam @Footnote: ¹ Yu. avatthita . ² Ma. madhumaddavam . ³ Yu. suvimhita. |50.620| Asokam nandanam rammam tidasanam mahavanam sukham akatapunnanam idha natthi parattha ca |50.621| sukhanca katapunnanam idha ceva parattha ca tesam sahabyakamanam katabbam kusalam bahum katapunna hi modanti sagge bhogasamangino |50.622| bahunnam vata atthaya uppajjanti tathagata dakkhineyya manussanam punnakkhettanamakara yattha karam karitvana sagge modanti dayakati. Rajjumalavimanam dvadasamam. Uddanam manjittha pabhassara naga aloma kanjikadayika viharacaturitthamba pita ucchuvandanarajjumala ca vaggo tena pavuccatiti. Itthivimane vaggo catuttho.

The Pali Tipitaka in Roman Character Volume 26 page 86-89. https://84000.org/tipitaka/read/roman_read.php?B=26&A=1731&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=26&A=1731&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=26&item=50&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=26&siri=50 Study Atthakatha :- https://84000.org/tipitaka/attha/attha.php?b=26&i=50 The Pali Atthakatha in Thai :- https://84000.org/tipitaka/atthapali/read_th.php?B=30&A=5023 The Pali Atthakatha in Roman :- https://84000.org/tipitaka/atthapali/read_rm.php?B=30&A=5023 Contents of The Tipitaka Volume 26 https://84000.org/tipitaka/read/?index_26 https://84000.org/tipitaka/english/?index_26