PaliRoman Vol.26

[83] |83.928| ⁹ Alankato matthakundali maladhari ^3- haricandanussado baha paggayha kandasi vanamajjhe kim dukkhito tuvanti. |83.929| Sovannamayo pabhassaro uppanno rathapanjaro mama tassa cakkayugam na vindami tena dukkhena jahissami ^4- jivitanti. |83.930| Sovannamayam manimayam lohitangamayam ^5- atha rupiyamayam acikkha me tuvam bhaddamanava cakkayugam patilabhayami teti. @Footnote: ¹ Po. Yu. kammam . ² Po. Yu. ayam patho natthi . ³ dhammapadatthakathaya malabhariti @patho dissati . ⁴ Ma. jahami . ⁵ Ma. lohitakamayam. |83.931| So manavo tassa pavadi candimasuriya ^1- ubhayettha dissare sovannamayo ratho mama tena cakkayugena sobhatiti. |83.932| Balo kho tvamasi manava yo ^[2]- tvam patthayasi apatthiyam mannami tuvam marissasi na hi tuvam lacchasi candimasuriyeti ^3-. |83.933| Gamanagamanampi dissati vannadhatu ubhayattha vithiya peto pana ^4- kalakato na dissati ko nidha kandatam balyataroti. |83.934| Saccam kho vadesi manava ahameva kandatam balyataro candam viya darako rudam petam kalakatabhipatthayanti |83.935| adittam vata mam santam ghatasittamva pavakam varina viya osincam sabbam nibbapaye daram @Footnote: ¹ dhammapadatthakathaya candasuriya ubhayattha bhataroti dissati . ² Yu. khosaddo atthi. @³ Ma. candasuriye . ⁴ Ma. panasaddo na dissati. |83.936| Abbulham ^1- vata me sallam sokam hadayanissitam yo me sokaparetassa puttasokam apanudi |83.937| svaham abbulhasallosmi sitabhutosmi ^2- nibbuto na socami na rodami tava sutvana manavati |83.938| devata nusi gandhabbo adu sakko purindado ko va tvam kassa va putto katham janemu tam mayanti. |83.939| Yanca kandasi yanca rodasi puttam alahane sayam dahitva svaham kusalam karitvana kammam tidasanam sahabyatam pattoti. |83.940| Appam va bahum va na addasami danam dadantassa sake agare uposathakammam va tadisam kena kammena gatosi devalokanti. |83.941| Abadhikoham dukkhito gilano aturarupomhi saka nivesane buddham vigatarajam vitinnakankham addakkhim sugatam anomapannam |83.942| svaham muditamano pasannacitto @Footnote: ¹ dhammapadatthakathaya abbuhiti dissati. Ma. abbahi . ² Yu. siti .... Anjalim akarim tathagatassa taham kusalam karitvana kammam tidasanam sahabyatam pattoti ^1-. |83.943| Acchariyam vata abbhutam vata anjalikammassa ayamidiso vipako ahampi muditamano pasannacitto ajjeva buddham saranam vajamiti. |83.944| Ajjeva buddham saranam vajahi dhammanca sanghanca pasannacitto tatheva sikkhaya padani panca akhandaphullani samadiyassu |83.945| panatipata viramassu khippam loke adinnam parivajjayassu amajjapo no ca musa bhanahi sakena darena na hohi tutthoti. |83.946| Atthakamosi me yakkha hitakamosi devate karomi tuyham vacanam tvamasi acariyo mama |83.947| upemi saranam buddham dhammancapi anuttaram sanghanca naradevassa gacchami saranam aham |83.948| panatipata viramami khippam @Footnote: ¹ Ma. gatoti. Loke adinnam parivajjayami amajjapo no ca musa bhanami sakena darena ca homi tutthoti. Matthakundalivimanam navamam.

The Pali Tipitaka in Roman Character Volume 26 page 139-143. https://84000.org/tipitaka/read/roman_read.php?B=26&A=2817&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=26&A=2817&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=26&item=83&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=26&siri=83 Study Atthakatha :- https://84000.org/tipitaka/attha/attha.php?b=26&i=83 The Pali Atthakatha in Thai :- https://84000.org/tipitaka/atthapali/read_th.php?B=30&A=7983 The Pali Atthakatha in Roman :- https://84000.org/tipitaka/atthapali/read_rm.php?B=30&A=7983 Contents of The Tipitaka Volume 26 https://84000.org/tipitaka/read/?index_26 https://84000.org/tipitaka/english/?index_26