PaliRoman Vol.26

[84] |84.949| ¹⁰ Sunotha yakkhassa ca vanijana ca samagamo yattha tada ahosi yatha katham itaritarena capi subhasitam tanca sunatha sabbe |84.950| yo so ahu raja payasi nama bhummanam sahabyagato yasassi so modamano va sake vimane amanuso manuse ajjhabhasiti. |84.951| Sanke ^1- aranne amanussathane kantare appodake appabhakkhe suduggame vanapathassa ^2- majjhe vankambhaya natthamana manussa |84.952| nayidha phala mulamaya ca santi upadanam natthi kutodha bhikkha annatra pamsuhi ca valukahi ca @Footnote: ¹ Ma. Yu. vanke . ² Ma. Yu. vannupathassa ....

--------------------------------------------------------------------------------------------- page144.

Tattahi unhahi ca darunahi |84.953| ujjangalam tattamidam ^1- kapalam anayasam paralokena tulyam luddanamavasamidam puranam bhumippadeso abhilattarupo |84.954| atha tumhe kena nu vannena kimasamana ^2- imam padesam hi anupavittha sahasa samecca lobha bhaya atha va sampamulhati. |84.955| Magadhesu angesu ca satthavaha aropiyamha ^3- paniyam pahutam te yamase sindhusovirabhumim dhanatthika udayam patthayana |84.956| diva pipasamnadhivasayanta yogganukampanca ^4- samekkhamana etena vegena ayama sabbe rattim maggam patipanna vikale |84.957| te duppayata aparaddhamagga andhakula vippanattha aranne @Footnote: ¹ Ma. tattamiva . ² Yu. kaya asimsanaya . ³ Ma. aropayitva . ⁴ Ma. @yogganukammanca.

--------------------------------------------------------------------------------------------- page145.

Suduggame vanapathassa ^1- majjhe disam na janama pamulhacitta |84.958| idanca disvana aditthapubbam vimanasetthanca tuvanca yakkha tatuttarim jivitamasimsana disva patita sumana udaggati. |84.959| Param samuddassa imanca vanam ^2- vettam param ^3- sakupathanca maggam nadiyo pana pabbatananca dugga puthu disa gacchatha bhogahetu |84.960| pakkhandiyana vijitam paresam verajjake manuse pekkhamana yam vo sutam atha vapi dittham accherakam tam vo sunoma tatati. |84.961| Itopi accherataram kumara na no sutam va atha vapi dittham atitamanussakameva sabbam disvana tappama anomavannam |84.962| vehasayam pokkharanno savanti @Footnote: ¹ Yu. vannupathassa . ² Yu. vannum . ³ Yu. vettacaram.

--------------------------------------------------------------------------------------------- page146.

Pahutamalya bahupundarika duma ca te niccaphalupapanna ativa gandha surabhi pavayanti |84.963| veluriyatthambha satamussitase silappavalassa ca ayatamsa masaragalla sahalohitaka thambha ime jotirasamayase |84.964| sahassatthambham atulanubhavam tesuppari sadhumidam vimanam ratanantaram ^1- kancanavedimissam tapaniyapattehi ca sadhu channam |84.965| jambonaduttamidam sumattho pasadasopanaphalupapanno dalho ca vaggu ca susangato ca ativa nijjhanakhamo manunno |84.966| ratanantarasmim ^2- bahu annapanam parivarito accharasanganena murajaalambaraturiyasanghuttho abhivanditosi thutivandanaya @Footnote: ¹ Yu. ratanattaram . ² Yu. ratanattarasmim.

--------------------------------------------------------------------------------------------- page147.

|84.967| So modasi nariganappabodhano vimanapasadavare manorame acintiyo sabbagunupapanno raja yatha vessavano nalinya ^1- |84.968| devo nu asi uda vasi yakkho udahu devindo manussabhuto pucchanti tam vanijasatthavaha acikkha ko nama tuvamsi yakkhoti. |84.969| Serissako nama ahamhi yakkho kantariyo vanapathamhi ^2- gutto imam padesam abhipalayami vacanakaro vessavanassa rannoti. |84.970| Adhiccaladdham parinamajante sayam katam udahu devehi dinnam pucchanti tam vanijasatthavaha katham taya laddhamidam manunnam |84.971| nadhiccaladdham na parinamajante ^3- na sayam katam na hi devehi dinnam sakehi kammehi apapakehi @Footnote: ¹ Ma. nalinda . ² Yu. vannupathamhi . ³ Po. Ma. Yu. parinamajamme.

--------------------------------------------------------------------------------------------- page148.

Punnehi me laddhamidam manunnam |84.972| kim te vatam kim pana brahmacariyam kissa sucinnassa ayam vipako pucchanti tam vanijasatthavaha katham taya laddhamidam vimanam |84.973| mama payasiti ahu samanna rajjam yada karayim kosalanam natthi kuditthi kadariyo papadhammo ucchedavadi ca tada ahosim |84.974| samano ca kho asi kumarakassapo bahussuto cittakathi ularo so me tada dhammakatham akasi ditthivisukani vinodayi me |84.975| taham tassa dhammakatham sunitva upasakattam pativedayissam panatipata virato ahosim loke adinnam parivajjayissam amajjapo no ca musa abhanim sakena darena ca homi tuttho

--------------------------------------------------------------------------------------------- page149.

|84.976| Tam me vatam tam pana brahmacariyam tassa sucinnassa ayam vipako teheva kammehi apapakehi punnehi me laddhamidam vimanam |84.977| saccam kirahamsu nara sapanna anannatha vacanam panditanam yahim yahim gacchati punnakammo tahim tahim modati kamakami ^1- |84.978| yahim yahim sokapariddavo ca vadho ca bandho ca parikkileso tahim tahim gacchati papakammo na muccati duggatiya kadaci |84.979| sammulharupo va jano ahosi asmim muhutte kalalikato ca janassimassa tuyhanca kumara apaccayo kena nu kho ahosi |84.980| ime ^[2]- sirisapavana ^[3]- tata dibba ^[4]- gandha surabhi pavanti te sampavayanti idam vimanam @Footnote: ¹ Po. Yu. kamakami . ² Yu. pisaddo dissati . 3-4 Yu. casaddo dissati.

--------------------------------------------------------------------------------------------- page150.

Diva ca ratto ca tamam nihantva ^1- |84.981| imesanca kho vassasataccayena sipatika phalanti ekameka manussakam vassasatam atitam yadagge kayamhi idhupapanno |84.982| dibbanaham vassasatani panca asmim vimanamhi thatvana tata ayukkhaya punnakkhaya cavissam teneva sokena pamucchitosmi |84.983| katham nu soceyya tathavidho so laddha vimanam atulam cirayam ye capi kho ittaram upapanno ye nuna soceyya parittapunnati. |84.984| Anucchavim ovadiyanca me tam yam mam tumhe peyyavacam vadetha tumheva kho tata mayanugutta yenicchakam tena paletha sotthinti. |84.985| Gantva mayam sindhusovirabhumim dhanatthika uddayapatthayana yatha payoga paripunnacaga @Footnote: ¹ Ma. Yu. nihanta.

--------------------------------------------------------------------------------------------- page151.

Kahama serissa maham ularanti. |84.986| Ma heva serissa maham akattha sabbanca vo bhavissati yam vadetha papani kammani vivajjayatha dhammanuyoganca adhitthahathati. |84.987| Upasako atthi imamhi sanghe bahussuto silavatupapanno saddho ca cagi ca supesalo ca vicakkhano santusito mutima |84.988| sanjanamano na musa bhaneyya parupaghataya na cetayeyya vebhutikam pisunam no kareyya sanhanca vacam sakhilam bhaneyya |84.989| sagaravo sappatisso vinito apapako adhisile visuddho so mataram pitarancapi jantu dhammena poseti ariyavutti |84.990| manne so matapitunam hi karana bhogani pariyesati na attahetu matapitunanca yo accayena

--------------------------------------------------------------------------------------------- page152.

Nekkhammapono carissati brahmacariyam |84.991| uju avanko asatho amayo na lesakappena ca vohareyya so tadiso sukatakammakari dhamme thito kinti labhetha dukkham |84.992| tamkarana ^1- patukatomhi attana tasma ca mam passatha vanija se annatra te na hi bhasmi bhavetha addhakula ^2- vippanattha aranne tam khippamanena lahum parena sukho have sappurisena sangamoti. |84.993| Kinnama so kinca karoti kammam kim namadheyyam kim pana tassa gottam mayampi mam datthukamamha yakkha yassanukampaya idhagatosi labha hi tassa yassa tuvam pihesiti. |84.994| Yo kappako sambhavanamadheyyo upasako kocchabhandupajivi janatha nam tumhakam pesiyo so @Footnote: ¹ Yu. karuna . ² Yu. andhakula.

--------------------------------------------------------------------------------------------- page153.

Ma ca kho nam hilittha supesalo soti. |84.995| Janamase yam tvam vadesi yakkha na kho tam janamase edisoti mayampi nam pujayissama yakkha sutvana tuyham vacanam ularanti. |84.996| Ye kecimasmim sabbe manussa dahara mahanta atha vapi majjhima sabbeva te alabhantu vimanam passantu punnanam phalam kadariyati. |84.997| Te tattha sabbeva aham pureti tam kappakam tattha purakkhitva sabbeva te alabhimsu ^1- vimanam masakkasaram viya vasavassa |84.998| te tattha sabbeva aham pureti upasakattam patidesayimsu ^2- panatipata virata ahesum loke adinnam parivajjayimsu amajjapa no ca musa bhanimsu sakena darena ahesum tuttha @Footnote: ¹ Yu. alambimsu . ² Po. Yu. patidesayitva.

--------------------------------------------------------------------------------------------- page154.

|84.999| Te tattha sabbeva aham pureti upasakattam patidesayitva pakkami sattha anumodamano yakkhiddhiya anumato punappunam |84.1000| gantvana te sindhusovirabhumim dhanatthika uddayam patthayana yatha payoga paripunnalabha paccagamum pataliputtamakkhatam |84.1001| gantvana te sam gharam sotthivanto puttehi darehi samangibhuta anandacitta sumana patita akamsu serissa maham ularam serissakam parivenam mapayimsu |84.1002| etadisa sappurisana sevana mahiddhiya dhammagunana sevana ekassa atthaya upasakassa sabbeva satta sukhita ahesunti. Serissakavimanam dasamam.

The Pali Tipitaka in Roman Character Volume 26 page 143-154. https://84000.org/tipitaka/read/roman_read.php?B=26&A=2896&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=26&A=2896&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=26&item=84&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=26&siri=84 Study Atthakatha :- https://84000.org/tipitaka/attha/attha.php?b=26&i=84 The Pali Atthakatha in Thai :- https://84000.org/tipitaka/atthapali/read_th.php?B=30&A=8196 The Pali Atthakatha in Roman :- https://84000.org/tipitaka/atthapali/read_rm.php?B=30&A=8196 Contents of The Tipitaka Volume 26 https://84000.org/tipitaka/read/?index_26 https://84000.org/tipitaka/english/?index_26