PaliRoman Vol.26

[471] |471.338| ⁵ Daharaham suddhavasana yam pure dhammamassunim tassa me appamattaya saccabhisamayo ahu. |471.339| Tatoham sabbakamesu bhusam aratimajjhagam sakkayasmim bhayam disva nekkhammasseva ^2- pihaye. @Footnote: ¹ Ma. kalyani . ² Yu. nekkhammamyeva. |471.340| Hitvanaham natiganam dasakammakarani ca gamakhettani phitani ramaniye pamodite |471.341| pahayaham pabbajita sapateyyam anappakam. Evam saddhaya nikkhamma saddhamme suppavedite |471.342| na me ^1- tam assa patirupam akincannam hi patthaye ya ^2- jataruparajatam thapetva ^3- punaragame. |471.343| Rajatam jatarupam va natthetassapi santiya ^4- na etam samanasaruppam na etam ariyadhanam. |471.344| Lobhanam madanam cetam samohanam ^5- rajabandhanam ^6- sasankam bahuayasam natthi cettha dhuvam thiti. |471.345| Ettavata ^7- pamatta ca sankilitthamana nara annamannena byaruddha puthu kubbanti medhagam. |471.346| Vadho bandho parikleso jani sokapariddavo kamesu adhipannanam dissate byasanam bahum. |471.347| Tam mamnati amittava kim mam ^8- kamesu yunjatha janatha mam pabbajitam kamesu bhayadassinim. |471.348| Na hirannasuvannena parikkhiyanti asava amitta vadhaka kama sapatta sallabandhana. @Footnote: ¹ Ma. netam assa . ² Ma. yo. ³ Ma. chaddetva . ⁴ Ma. Yu. na bodhaya @na santaye . ⁵ Yu. mohanam . ⁶ Yu. rajavaddhanam . ⁷ Yu. ettha ratta. @⁸ Ma. kim vo. |471.349| Tam mam nati amittava kim mam kamesu yunjatha janatha mam pabbajitam mundam sanghatiparutam. |471.350| Uttitthapindo uncho ca pamsukulanca civaram etam kho mama saruppam anagarupanissayo. |471.351| Vanta mahesihi ^1- kama ye dibba ye ca manusa khematthane vimutta te patta te acalam sukham. |471.352| Maham kamehi sangacchim yesu tanam na vijjati amitta vadhaka kama aggikhandhupama dukha. |471.353| Aparisuddho ^2- eso sabhayo savighato sakantako gedho suvisamo ceso mahanto mohanamukho. |471.354| Upasaggo bhimarupo ca kama sappasirupama ye bala abhinandanti andhabhuta puthujjana. |471.355| Kamasamsaggasatta ^3- hi jana bahu loke avindimsu ^4- pariyantam nabhijananti jatiya maranassa ca. |471.356| Duggatigamanam maggam manussa kamahetukam bahum ve patipajjanti attano rogamavaham. |471.357| Evam amittajanana tapana sankilesika lokamisa bandhaniya kama maranabandhana. @Footnote: ¹ Yu. mahesina. ² Yu. paripantho . ³ Ma. Yu. kamapankena satta. @⁴ Ma. Yu. aviddasu. |471.358| Ummadana ullapana kama cittappamadino ^1- sattanam sankilesaya khippam marena odditam. |471.359| Anantadinava kama bahudukkha mahavisa appassada ranakara sukkapakkhavisosana. |471.360| Saham etadisam hitva ^2- byasanam kamahetukam na tam paccagamissami nibbanabhirata sada. |471.361| Ranam karitva kamanam sitibhavabhikankhini appamatta viharissami ^3- rata ^4- samyojanakkhaye. |471.362| Asokam virajam khemam ariyatthangikam ujum tam maggam anugacchami yena tinna mahesino. |471.363| Imam passatha dhammattham subham kammaradhitaram anejam upasampajja rukkhamulamhi jhayati. |471.364| Ajjatthami pabbajita saddha saddhammasobhana vinita uppalavannaya tevijja maccuhayini. |471.365| Sayam bhujissa anana bhikkhuni bhavitindriya sabbayogavisamyutta katakicca anasava. |471.366| Tam sakko devasanghena upasangamma iddhiya namassati bhutapati subham kammaradhitaranti. Subha kammaradhita. Visatinipato samatto. ---------------- @Footnote: ¹ Ma. pamaddino. Yu. pamathino. ² Ma. Yu. katva. ³ Ma. vihassami. @Yu. vihissami . ⁴ Ma. sabbasamyojanakkhaye . ⁵ Yu. tesam.

The Pali Tipitaka in Roman Character Volume 26 page 486-489. https://84000.org/tipitaka/read/roman_read.php?B=26&A=9885&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=26&A=9885&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=26&item=471&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=26&siri=471 Study Atthakatha :- https://84000.org/tipitaka/attha/attha.php?b=26&i=471 The Pali Atthakatha in Thai :- https://84000.org/tipitaka/atthapali/read_th.php?B=34&A=6401 The Pali Atthakatha in Roman :- https://84000.org/tipitaka/atthapali/read_rm.php?B=34&A=6401 Contents of The Tipitaka Volume 26 https://84000.org/tipitaka/read/?index_26 https://84000.org/tipitaka/english/?index_26