PaliRoman Vol.27

⁶ Mahakapijatakam [2370] Baranasyam ^1- ahu raja kasinam ratthavaddhano mittamaccaparibyulho agamasi migajinam ^2-. Tattha brahmanamaddakkhi setam citram kilasinam viddhastam kovilaramva kisam dhamanisanthatam. @Footnote: ¹ Si. Yu. baranassam . ² Si. migajiram. Yu. migaciram. Paramakarunnatam pattam disva kicchagatam naram avaca byamhito raja yakkhanam katamo nusi. Hatthapada ca te seta tato setataram siro gattam kammasavannante kilasabahulo casi. Vattanavalisankasa pitthi te ninnatunnata kalapabba ca te anga nannam passami edisam. Ugghatthapado tasito kiso dhamanisanthato chato atittaruposi kutosi kattha gacchasi. Duddasi appakarosi dubbanno bhimadassano janetti yapi te mata na tam iccheyya passitum. Kim kammamakara ^1- pubbe kim ^2- avajjham aghatayi kibbisam yam karitvana idam dukkham upagami. [2371] Taggha te ahamakkhissam yathapi kusalo tatha saccavadim hi lokasmim pasamsantidha pandita. Eko caram gogaveso mulho accasarim vane aranne irine vivane nanakunjarasevite. Valamiganucarite vippanatthosmi kanane acarim tattha sattaham khuppipasasamappito. Tattha tindukamaddakkhim visamattham bubhukkhito papatamabhilambantam sampannaphaladharinam. @Footnote: ¹ Ma. kammamakaram . ² Ma. kam. Vatassitani bhakkhesim tani ruccimsu me bhusam atitto rukkhamaruyha ^1- tattha hessami assito ^2-. Ekam me bhakkhitam asi dutiyam abhipatthitam tato sa bhanjatha sakha chinna pharasuna viya. Soham sahava sakhahi uddhampado avamsiro appatitthe analambe giriduggasmi papatam. Yasma ca vari gambhiram tasma na samapajjisam ^3- tattha sesim niranando anuna ^4- dasarattiyo. Athettha kapi magacchi gonangulo daricaro sakhahi sakham vicaranto khadamano dumapphalam so mam disva kisam pandum karunnamakaram mayi. Ambho ko nama so ettha evam dukkhena attito manusso amanusso va attanamme pavedaya. Tassanjalim panametva idam vacanamabravim manussoham byasampatto sa me natthi ito gati tam vo vadami bhaddam vo tvanca me saranam bhava. Garum silam gahetvana vicari pabbate kapi silaya yottam katvana nisabho etadabravi. Ehi me pitthimaruyha givam ganhahi bahuhi ahantam uddharissami giriduggata vegasa. @Footnote: ¹ Ma. rukkhamaruhim . ² Ma. Yu. asito . ³ Si. samapajjasim. Yu. samabhajjisam. @⁴ Yu. anatho. Tassa tam vacanam sutva vanarindassa sirimato pitthimaruyha dhirassa givam bahahi aggahim. So mam tato samutthasi tejasi balava kapi vihannamano kicchena giriduggata vegasa. Uddharitvana mam santo nisabho etadabravi ingha mam samma rakkhassu passupissam muhuttakam. Siha byaggha ca dipi ca acchakokataracchayo te mam pamattam himseyyum te tvam disva nivaraya. Evam me parittatuna passupi so muhuttakam tadaham papikam ditthim patilacchim ayoniso. Bhakkho ayam manussanam yatha canne vane miga yannunimam vadhitvana chato khadeyya vanaram. Asito ca gamissami mamsamadaya sambalam kantaram nittharissami patheyyam me bhavissati. Tato silam gahetvana matthakam sannitalayim mama bhattakilantassa ^1- paharo dubbalo ahu. So ca vegenudappatto kapi ruhiramakkhito assupunnehi nettehi rodanto mam udikkhati. Mayyo mam kari bhaddante tvanca namedisam kari tvanca kho nama dighavu ^2- anne ^3- varetumarahasi. @Footnote: ¹ Ma. gattagilantassa. Yu. hattha ... . ² Yu. dighayu . ³ Yu. annam. Aho vata re purisa tava dukkarakaraka edisa visama dugga papata uddhato maya. Anito paralokava dubbheyyam mam amannatha tantena papadhammena papam papena cintitam. Ma heva tvam adhammattha vedanam katakam phusi ma heva papakammantam phalam velumva tam vadhi. Tayi me natthi vissaso papadhamma asannata ehi me pitthito gaccha dissamanova santike. Muttosi hattha valanam pattosi manusim padam esa maggo adhammattha tena gaccha yathasukham. Idam vatva giricaro ruhiram ^1- pakkhalya matthakam assuni sampamajjitva tato pabbatamaruhi. Soham tenabhisattosmi parilahena attito dayhamanena gattena varim patum upagamim. Aggina viya santatto rahado ruhiramakkhito pubbalohitasankaso sabbo me samapajjatha. Yavanto udabinduni kayasmim nipatimsu me tavanto gandu ^2- jayetha addhaveluvasadisa. Pabhinna paggharimsu me kunapa pubbalohita yena yeneva gacchami gamesu nigamesu ca. @Footnote: ¹ Ma. rahade . ² Si. Yu. gandu. Dandahattha nivarenti itthiyo purisa ca mam okkita putigandhena massu orena agama. Etadisam idam dukkham sattavassanidani me anubhomi sakam kammam pubbe dukkatamattano. Tam vo vadami bhaddante yavantettha samagata massu mittana dubbhittho mittadubbho hi papako. Kutthi kilasi bhavati yo mittanidha dubbhati kayassa bheda mittadubbhi nirayam so upapajjatiti. Mahakapijatakam chattham. -------

The Pali Tipitaka in Roman Character Volume 27 page 503-508. https://84000.org/tipitaka/read/roman_read.php?B=27&A=10388&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=27&A=10388&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=27&item=2370&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=27&siri=516 Study Atthakatha :- https://84000.org/tipitaka/attha/attha.php?b=27&i=2370 The Pali Atthakatha in Thai :- https://84000.org/tipitaka/atthapali/read_th.php?B=41&A=5582 The Pali Atthakatha in Roman :- https://84000.org/tipitaka/atthapali/read_rm.php?B=41&A=5582 Contents of The Tipitaka Volume 27 https://84000.org/tipitaka/read/?index_27 https://84000.org/tipitaka/english/?index_27