|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 27 : PALI ROMAN Sutta Pitaka Vol 19 : Sutta. Khu. Jā.(1): Eka-Cattālīsanipātajātakaṃ
Cattalisanipatajatakam 1 tesakunajatakam [2438] Vessantarantam pucchami sakuna bhaddamatthu te rajjam karetukamena kimsu kiccam katam varam. [2439] Cirassam vata mam tato kamso baranasiggaho pamatto appamattam mam pita puttam acodayi 1-. [2440] Pathameneva vitatham kodham hasam nivaraye tato kiccani kareyya tam vatam ahu khattiya. Yam tvam tata tape kammam pubbe katamasamsayam ratto duttho ca yam kayira na tam kayira tato puna. Khattiyassa pamattassa ratthasmim ratthavaddhana sabbe bhoga vinassanti ranno tam vuccate agham. Siri ca 2- tata lakkhi ca pucchita etadabravum utthane viriye pose ramamaham anusuyyake. Ussuyyake duhadaye purise kammadussake kalakanni maharaja ramati cakkabhanjani. So tvam sabbesam 3- suhadayo sabbesam rakkhito bhava alakkhim nuda maharaja lakkhya bhava nivesanam. @Footnote: 1 abodhayitipi patho . 2 casaddo natthi . 3 sabbesu. Salakkhi dhitisampanno puriso hi mahaggato amittanam kasipati mulam agganca chindati. Sakkopi hi bhutapati utthane nappamajjati sa kalyane dhitim katva utthane kurute mano. Gandhabba pitaro deva sajiva 1- honti tadino utthahato appamajjato anutitthanti devata. So appamatto akuddho 2- tata kiccani karaya vayamassu sakiccesu 3- nalaso vindate sukham. Tattheva te vattapada esava anusasani alam mitte sukhapetum amittanam dukhaya ca. [2441] Sakkhi tuvam kundalini mannasi khattabandhuni 4- rajjam karetukamena kimsu kiccam katam varam. [2442] Dveva tata padakani yattha sabbam patitthitam aladdhassa ca yo labho laddhassa canurakkhana. Amacce tata janahi dhire atthassa kovide anakkhakitave tata asonde avinasake. Yo ca tam tata rakkheyya dhanam yanceva te siya sutova ratham sanganhe so te kiccani karaye susangahitantajano sayam vittam avekkhiya nidhinca inadananca na kare parapattiya. @Footnote: 1 Yu. sanjiva . 2 Yu. akkuttho . 3 Ma. ca kiccesu . 4 Yu. khattiyabandhuni. Sayam ayam vayam janna sayam janna katakatam nigganhe niggaharaham pagganhe paggaharaham. Sayam janapadam attham anusasa rathesabha ma te adhammika yutta dhanam ratthanca nasayum. Ma ca vegena kiccani karesi 1- karayesi va vegasa hi katam kammam mando pacchanutappati. Ma te adhisare mucca subalhamadhikopitam 2- kodhasa hi bahu phita kula akulatam gata. Ma tata issaromhiti anatthaya patarayi itthinam purisananca ma te asi dukkhudrayo. Apetalomahamsassa ranno kamanusarino sabbe bhoga vinassanti ranno tam vuccate agham. Tattheva te vattapada esava anusasani dakkhassudani punnakaro asondo avinasako silavassu maharaja dussilo vinipatiko. [2443] Apucchimha kosiyagottam kundalinim tatheva ca jambuka tvamdani vadehi balanam balamuttamam. [2444] Balam pancavidham loke purisasmim mahaggate tattha bahubalam nama carimam vuccate balam bhogabalanca dighavu dutiyam vuccate balam. @Footnote: 1 Ma. karosi . 2 Ma. kodhitam. Amaccabalanca dighavu tatiyam vuccate balam abhijaccabalanceva tam catuttham asamsayam yani cetani sabbani adhigganhati pandito. Tam balanam balam settham aggam pannabalam varam pannabalenupatthaddho attham vindati pandito. Api ce labhati mando phitam dharanimuttamam akamassa pasayham va anno tam patipajjati. Abhijatopi ce hoti rajjam laddhana khattiyo duppanno hi kasipati sabbenapi na jivati. Panna sutavinicchini panna (kitti) silokavaddhani pannasahito naro idha (api) dukkhe sukhani vindati. Pannanca kho asussusam na koci adhigacchati bahussutam anagamma dhammattham avinibbhajam 1-. Yo ca dhammavibhangannu 2- kalutthayi atandito anutthahati kalena kammaphalam tassa ijjhati. Anayatanasilassa anayatanasevino na nibbindiyakarissa sammadattho vipaccati. Ajjhattanca payuttassa tathayatanasevino anibbindiyakarissa sammadattho vipaccati. Yogappayogasankhatam sambhatassanurakkhanam @Footnote: 1 Ma. avinibbhujam . 2 Yu. yo dhammanca vibhagannu. Tani tvam tata sevassu ma akammaya randhayi akammuna hi dummedho nalagaramva sidati. [2445] Dhammancara maharaja matapitusu khattiya idha dhammancaritvana raja saggam gamissasi. Dhammancara maharaja puttadaresu khattiya idha dhammancaritvana raja saggam gamissasi. Dhammancara maharaja mittamaccesu khattiya idha dhammancaritvana raja saggam gamissasi. Dhammanca maharaja vahanesu balesu ca idha dhammancaritvana raja saggam gamissasi. Dhammancara maharaja gamesu nigamesu ca idha dhammancaritvana raja saggam gamissasi. Dhammancara maharaja ratthesu janapadesu ca idha dhammancaritvana raja saggam gamissasi. Dhammancara maharaja samane brahmanesu ca idha dhammancaritvana raja saggam gamissasi. Dhammancara maharaja migapakkhisu khattiya idha dhammancaritvana raja saggam gamissasi. Dhammancara maharaja dhammo cinno sukhavaho idha dhammancaritvana raja saggam gamissasi. Dhammancara maharaja inda 1- deva sabrahmaka sucinnena divam patta ma dhammam raja pamado 2-. Tattheva te vattapada esava anusasani sappannasevi kalyani samattam sama tam viduti. Tesakunajatakam pathamam. ---------The Pali Tipitaka in Roman Character Volume 27 page 530-535. https://84000.org/tipitaka/read/roman_read.php?B=27&A=10929&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=27&A=10929&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=27&item=2438&items=8 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=27&siri=521 Study Atthakatha :- https://84000.org/tipitaka/attha/attha.php?b=27&i=2438 The Pali Atthakatha in Thai :- https://84000.org/tipitaka/atthapali/read_th.php?B=41&A=6796 The Pali Atthakatha in Roman :- https://84000.org/tipitaka/atthapali/read_rm.php?B=41&A=6796 Contents of The Tipitaka Volume 27 https://84000.org/tipitaka/read/?index_27 https://84000.org/tipitaka/english/?index_27
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]