PaliRoman Vol.27

⁸ Aṭṭhisenajātakaṃ ^1- [1021] Yeme ahaṃ na jānāmi aṭṭhisena vanibbake te maṃ saṅgamma yācanti kasmā maṃ tvaṃ na yācasi. [1022] Yācako appiyo hoti yācaṃ adadamappiyo tasmāhantaṃ na yācāmi mā me viddessanā ahu. [1023] Yo ca ^2- yācanajīvāno kāle yācaṃ na yācati parañca puññaṃ ^3- dhaṃseti attanāpi na jīvati. [1024] Yo ca yācanajīvāno kāle yācaṃpi ^4- yācati parañca puññaṃ labbheti attanāpi ca jīvati. [1025] Na ve dussanti ^5- sappaññā disvā yācakamāgate brahmacārī piyo mesi vara bhaññitamicchasi ^6-. [1026] Na ve yācanti sappaññā dhīro ca viditumarahati uddissa ariyā tiṭṭhanti esā ariyāna yācanā. [1027] Dadāmi te brāhmaṇa rohiṇīnaṃ gavaṃ sahassaṃ saha puṅgavena ariyo hi ariyassa kathaṃ na dajjā sutvāna gāthā tava dhammayuttāti. Aṭṭhisenajātakaṃ ^1- aṭṭhamaṃ. @Footnote: ¹ Ma. aṭṭhisenakajātakaṃ . ² Ma. yo ve . ³ Ma. puññā . ⁴ Ma. yācaṃ hi. @⁵ Ma. dessanti. Sī. Yu. dissanti . ⁶ Sī. vara taṃ bhaññamīcchasi. Ma. vada tvaṃ @bhaññamicchasi.

The Pali Tipitaka in Roman Character Volume 27 page 220. https://84000.org/tipitaka/read/roman_read.php?B=27&A=4472 Compare with The Pali Tipitaka in Thai Character :- https://84000.org/tipitaka/read/pali_read.php?B=27&A=4472 Compare with The Royal Version of Thai Tipitaka :- https://84000.org/tipitaka/read/byitem.php?book=27&item=1021&items=7 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=27&siri=403 Study Atthakatha :- https://84000.org/tipitaka/attha/attha.php?b=27&i=1021 The Pali Atthakatha in Thai :- https://84000.org/tipitaka/atthapali/read_th.php?B=39&A=3246 The Pali Atthakatha in Roman :- https://84000.org/tipitaka/atthapali/read_rm.php?B=39&A=3246 Contents of The Tipitaka Volume 27 https://84000.org/tipitaka/read/?index_27 https://84000.org/tipitaka/english/?index_27