|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 27 : PALI ROMAN Sutta Pitaka Vol 19 : Sutta. Khu. Jā.(1): Eka-Cattālīsanipātajātakaṃ
5 Gaṅgamālajātakaṃ [1155] Aṅgārajātā paṭhavī kukkulānugatā mahī atha gāyasi vattāni na taṃ tapati ātapo. Uddhaṃ tapati ādicco adho tapati vālukā atha gāyasi vattāni na taṃ tapati ātapo. [1156] Na maṃ tapati ātapo ātappā tapayanti maṃ atthā hi vividhā rāja te tapanti na ātapo. [1157] Addasaṃ kāma te mūlaṃ saṅkappā kāma jāyasi na taṃ saṅkappayissāmi evaṃ kāma na hehisi. [1158] Appāpi kāmā na alaṃ bahūhipi na tappati aho bālānalapanā 3- paṭivajjetha 4- jaggato. @Footnote: 1 Yu. surinītena . 2 Ma. medininti . 3 Sī. Ma. ahahā bālalapanā. @4 Ma. parivajjetha Sī. Yu. paṭivijjhetha.--------------------------------------------------------------------------------------------- page245.
[1159] Appassa kammassa phalaṃ mamedaṃ udayo ajjhagamā mahattapattaṃ suladdhalābho vata māṇavassa yo pabbaji kāmarāgaṃ pahāya. [1160] Tapasā pajahanti pāpakammaṃ tapasā nhāpitakujjhakārabhāvaṃ 1- tapasā abhibhuyya gaṅgamāla nāmenālapasijja brahmadattaṃ. [1161] Sandiṭṭhikameva amma passatha khantisoraccassa yo 2- vipāko so 3- sabbajanassa vandito ahu taṃ vandāma sarājikā samaccā. [1162] Mā kiñci avacuttha gaṅgamālaṃ muninaṃ monapathesu sikkhamānaṃ eso hi atari aṇṇavaṃ yaṃ taritvā vicaranti 4- vītasokāti. Gaṅgamālajātakaṃ pañcamaṃ. --------- @Footnote: 1 Ma. nhāpitakumbhakārabhāvaṃ . 2 Ma. ayaṃ . 3 Ma. yo . 4 Ma. caranti.The Pali Tipitaka in Roman Character Volume 27 page 244-245. https://84000.org/tipitaka/read/roman_read.php?B=27&A=4965&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=27&A=4965&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=27&item=1155&items=8 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=27&siri=421 Study Atthakatha :- https://84000.org/tipitaka/attha/attha.php?b=27&i=1155 The Pali Atthakatha in Thai :- https://84000.org/tipitaka/atthapali/read_th.php?B=39&A=5828 The Pali Atthakatha in Roman :- https://84000.org/tipitaka/atthapali/read_rm.php?B=39&A=5828 Contents of The Tipitaka Volume 27 https://84000.org/tipitaka/read/?index_27 https://84000.org/tipitaka/english/?index_27
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]