ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ENGLISH letter
TIPITAKA Volume 27 : PALI ROMAN Sutta Pitaka Vol 19 : Sutta. Khu. Jā.(1): Eka-Cattālīsanipātajātakaṃ

                           6 Yudhañjayajātakaṃ 4-
     [1553] Mittāmaccaparibyuḷhaṃ          ahaṃ vande rathesabha
                  pabbajissāmahaṃ rāja 5-       taṃ devo anumaññatu.
     [1554] Sace te ūnaṃ kāmehi             ahaṃ paripūrayāmi te
                  yo taṃ hiṃsati vāremi               mā pabbajja yudhañjaya 6-.
@Footnote: 1 Ma. dhiratthu subahū kāme .  2 Ma. nettiṃ sova .  3 Sī. Yu. ukkaṭṭhitaṃ.
@4 Ma. yudhañcayajātakaṃ .  5 Sī. Yu. pabbajissaṃ mahārāja .  6 Ma. pabbaja
@yudhañcaya. Yu. pabbaji yuvañjaya. evamuparipi.
     [1555] Na matthi ūnaṃ kāmehi            hiṃsanto me na vijjati 1-
                  dīpañca kattumicchāmi          yaṃ jarā nābhikīrati.
     [1556] Putto vā pitaraṃ yāce           pitā vā puttamorasaṃ
                  negamo yācate 2- tāta       mā pabbajja yudhañjaya.
     [1557] Mā maṃ tāta 3- nivāresi       pabbajantaṃ rathesabha
                  māhaṃ kāmehi sammatto       jarāya vasamanvagū.
     [1558] Ahaṃ taṃ tāta yācāmi            ahaṃ putta nivāraye
                  ciraṃ taṃ daṭṭhumicchāmi             mā pabbajja yudhañjaya.
     [1559] Ussāvova tiṇaggamhi          suriyassuggamanaṃ 4- pati
                  evamāyu manussānaṃ             mā maṃ amma nivāraye.
     [1560] Taramāno 5- imaṃ yānaṃ          āropetu 6- rathesabha
                  mā me mātā tarantassa       antarāyakarā ahu.
     [1561] Abhidhāvatha bhaddante            suññaṃ hessati rammakaṃ
                  yudhañjayo anuññāto        sabbadattena rājinā.
     [1562] Yohu seṭṭho manussānaṃ 7-    yuvā kañcanasannibho
                  soyaṃ kumāro pabbajito        kāsāyavasano balī.
     [1563] Ubho kumārā pabbajitā       yudhañjayo yudhiṭṭhilo
                  pahāya mātāpitaro             saṅgaṃ chetvāna maccunoti.
                            Yudhañjayajātakaṃ chaṭṭhaṃ.
@Footnote: 1 hiṃsi kāme na vijjatītipi pāṭho. Ma. hiṃsitā .  2 Ma. negamo taṃ yāce ....
@3 Ma. deva .  4 Ma. sūriyuggamanaṃ .  5 Sī. Yu. taramānā .  6 Sī. Yu. āropentu.
@7 Ma. sahassassa.



             The Pali Tipitaka in Roman Character Volume 27 page 315-316. http://84000.org/tipitaka/read/roman_read.php?B=27&A=6443              Compare with The Pali Tipitaka in Thai Character :- http://84000.org/tipitaka/read/pali_read.php?B=27&A=6443              Compare with The Royal Version of Thai Tipitaka :- http://84000.org/tipitaka/read/byitem.php?book=27&item=1553&items=11              Compare with The MCU Version of Thai Tipitaka :- http://84000.org/tipitaka/pitaka_item/m_siri.php?B=27&siri=460              Study Atthakatha :- http://84000.org/tipitaka/attha/attha.php?b=27&i=1553              The Pali Atthakatha in Thai :- http://84000.org/tipitaka/atthapali/read_th.php?B=40&A=858              The Pali Atthakatha in Roman :- http://84000.org/tipitaka/atthapali/read_rm.php?B=40&A=858              Contents of The Tipitaka Volume 27 http://84000.org/tipitaka/read/?index_27

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ENGLISH letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com