|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 27 : PALI ROMAN Sutta Pitaka Vol 19 : Sutta. Khu. Jā.(1): Eka-Cattālīsanipātajātakaṃ
5 Janasandhajātakaṃ [1649] Dasa khalumāni 2- ṭhānāni yāni pubbe akaritvā sa pacchā anutappati iccāha rājā janasandho 3-. [1650] Aladdhā vittaṃ 4- tapati pubbe asamudānitaṃ na pubbe dhanamesissaṃ iti pacchānutappati. [1651] Sakyarūpaṃ pure santaṃ mayā sippaṃ na sikkhitaṃ kicchā vutti asippassa iti pacchānutappati. [1652] Kūṭavedī pure āsiṃ pisuṇo piṭṭhimaṃsiko caṇḍo ca pharuso cāsiṃ 5- iti pacchānutappati. [1653] Pāṇātipātī pure āsiṃ luddo cāpi anāriyo bhūtānaṃ nāpacāyissaṃ iti pacchānutappati. [1654] Bahūsu vata santīsu anāpadāsu itthisu paradāraṃ āsevissaṃ iti pacchānutappati. [1655] Bahumhi vata santamhi annapāne upaṭṭhite na pubbe adadaṃ dānaṃ iti pacchānutappati. [1656] Mātaraṃ pitaraṃ cāpi jiṇṇake gatayobbane 6- @Footnote: 1 Ma. imaṃ . 2 Ma. khalu imāni . 3 Ma. iccevāha janasandho . 4 cittantipi @pāṭho . 5 Ma. cāpi . 6 Ma.jiṇṇakaṃ gatayobbanaṃ. evamuparipi. Pahusanto na posissaṃ iti pacchānutappati. [1657] Ācariyamanusatthāraṃ sabbakāmarasāharaṃ pitaraṃ atimaññissaṃ iti pacchānutappati. [1658] Samaṇe brāhmaṇe cāpi sīlavante bahussute na pubbe payirupāsissaṃ iti pacchānutappati. [1659] Sādhu hoti tapo ciṇṇo santo ca payirupāsito na ca pubbe tapo ciṇṇo iti pacchānutappati. [1660] Yo ca etāni ṭhānāni yoniso paṭipajjati karaṃ purisakiccāni sa pacchā nānutappatīti. Janasandhajātakaṃ pañcamaṃ. ---------The Pali Tipitaka in Roman Character Volume 27 page 330-331. https://84000.org/tipitaka/read/roman_read.php?B=27&A=6741 Compare with The Pali Tipitaka in Thai Character :- https://84000.org/tipitaka/read/pali_read.php?B=27&A=6741 Compare with The Royal Version of Thai Tipitaka :- https://84000.org/tipitaka/read/byitem.php?book=27&item=1649&items=12 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=27&siri=468 Study Atthakatha :- https://84000.org/tipitaka/attha/attha.php?b=27&i=1649 The Pali Atthakatha in Thai :- https://84000.org/tipitaka/atthapali/read_th.php?B=40&A=2364 The Pali Atthakatha in Roman :- https://84000.org/tipitaka/atthapali/read_rm.php?B=40&A=2364 Contents of The Tipitaka Volume 27 https://84000.org/tipitaka/read/?index_27 https://84000.org/tipitaka/english/?index_27
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]