|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 27 : PALI ROMAN Sutta Pitaka Vol 19 : Sutta. Khu. Jā.(1): Eka-Cattālīsanipātajātakaṃ
6 Kāliṅgabodhijātakaṃ [1790] Rājā kāliṅgo cakkavatti dhammena paṭhavimanusāsi 1- agamāsi 2- bodhisamīpaṃ nāgena mahānubhāvena. [1791] Kāliṅgo bhāradvājo ca rājānaṃ kāliṅgaṃ samaṇakolaññaṃ cakkavattayato pariggahetvā 3- pañjalī idamavoca. [1792] Paccoroha mahārāja bhūmibhāgo yathā samaṇugīto 4- idha anadhivarā buddhā abhisambuddhā virocanti. [1793] Padakkhiṇato āvaṭṭā tiṇalatā asmiṃ bhūmibhāgasmiṃ paṭhaviyā ayaṃ 5- maṇḍo iti no sutaṃ [6]- mahārāja. [1794] Sāgarapariyantāya (medaniyā) sabbabhūtadharaṇiyā paṭhaviyā ayaṃ maṇḍo orohitvā namo karohi. [1795] Ye te bhavanti nāgā ca abhijātā ca kuñjarā 7- ettāvatā padesaṃ te nāgā nevamupayanti 8-. [1796] Abhijāto [9]- nāgo kāmaṃ pesehi kuñjaraṃ dantiṃ ettāvatā padeso ca 10- na sakkā nāgena upagantuṃ 11-. [1797] Taṃ sutvā rājā kāliṅgo veyyañjanikavaco nisāmetvā sampesesi nāgaṃ uyyāma 12- mayaṃ yathā 13- idaṃ vacanaṃ. [1798] Sampesito ca raññā nāgo koñcova abhinaditvāna @Footnote: 1 Ma. pathavimanusāsaṃ . 2 Ma. agamā . 3 Yu. pariṇetvā . 4 Ma. samaṇuggato. @5 Ma. nābhiyaṃ . 6 Ma. mante . 7 abhijātā mātito ca pitito cātipi pāṭho. @8 nevamussahantītipi . 9 Sī. Yu. te . 10 Ma. casaddo natthi . 11 Ma. sakkā @nāgena mupagantuṃ . 12 Sī. Ma. ussāma . 13 Ma. yathimassidaṃ. Paṭisakkitvā nisīdi garubhāraṃ asahamāno. [1799] Kāliṅgo bhāradvājo nāgaṃ khīṇāyukaṃ viditvāna rājānaṃ kāliṅgaṃ taramāno ajjhabhāsittha aññaṃ saṅkama nāgaṃ nāgo khīṇāyuko mahārāja. [1800] Taṃ sutvā kāliṅgo taramāno saṅkami nāgaṃ saṅkanteva raññe nāgo tattheva pati bhūmyā veyyañjanikavaco yathā tathā ahu nāgo. [1801] Kāliṅgabhāradvājaṃ kāliṅgo 1- brāhmaṇaṃ idamavoca tvamevāsi sambuddho sabbaññū sabbadassāvī. [1802] Taṃ anadhivāsento kāliṅgo 2- brāhmaṇo idamavoca veyyañjanikā hi mayaṃ buddhā sabbaññuno mahārāja. [1803] Sabbaññū sabbavidū ca buddhā [3]- lakkhaṇena jānanti āgamabalasā 4- hi mayaṃ buddhā sabbaṃ pajānanti. [1804] Pahaṃsitvāna 5- sambodhiṃ nānāturiyehi vijjamānehi mālāvilepanaṃ abhiharitvā 6- pākāraparikkhepaṃ kāresi atha rājā pāyāsi. [1805] Saṭṭhivāhasahassāni pupphāni sannipātayi @Footnote: 1 Ma. kāliṅgo rājā kāliṅgaṃ . 2 kāliṅgaṃ . 3 Ma. na . 4 Yu. āgamapurisā. @5 Ma. mahayitvā. Sī. Yu. mahāyitvāna . 6 Sī. Yu. mālāgandhavilepanaṃ āharitrā. Pūjesi rājā kāliṅgo bodhimaṇḍamanuttaranti. Kāliṅgabodhijātakaṃ chaṭṭhaṃ. -----------The Pali Tipitaka in Roman Character Volume 27 page 352-354. https://84000.org/tipitaka/read/roman_read.php?B=27&A=7206 Compare with The Pali Tipitaka in Thai Character :- https://84000.org/tipitaka/read/pali_read.php?B=27&A=7206 Compare with The Royal Version of Thai Tipitaka :- https://84000.org/tipitaka/read/byitem.php?book=27&item=1790&items=16 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=27&siri=479 Study Atthakatha :- https://84000.org/tipitaka/attha/attha.php?b=27&i=1790 The Pali Atthakatha in Thai :- https://84000.org/tipitaka/atthapali/read_th.php?B=40&A=3754 The Pali Atthakatha in Roman :- https://84000.org/tipitaka/atthapali/read_rm.php?B=40&A=3754 Contents of The Tipitaka Volume 27 https://84000.org/tipitaka/read/?index_27 https://84000.org/tipitaka/english/?index_27
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]