PaliRoman Vol.27

¹¹ Sadhinarajajatakam [1994] Abbhuto vata lokasmim uppajji lomahamsano dibbo ratho paturahu vedehassa yasassino. [1995] Devaputto mahiddhiko matali devasarathi nimantayittha rajanam vedeham mithilaggaham ehimam rathamaruyha raja settha disampati deva dassanakama te tavatimsa saindaka saramana hi te deva sudhammayam samacchare. Tato ca raja sadhino vedeho mithilaggaho ^1- sahassayuttam abhiruyha ^2- aga devana santike (sahassayuttam hayavahim dibbayanamadhitthito yayamano maharaja addasa devasabham idam 3-) tam deva patinandimsu disva rajanamagatam svagatante maharaja atho te aduragatam nisidadani rajisi devarajassa santike. Sakkopi patinandittha vedeham mithilaggaham nimantayittha ^4- kamehi asanena ca vasavo sadhu khosi anuppatto avasam vasavattinam @Footnote: ¹ Si. Yu. pamukho rathamaruhi . ² Ma. sahassayuttamaruyha . ³ ayam gatha @sabbapotthakesu na dissati atthakathayam pana dissati . ⁴ Si. Yu. nimantayi ca. Vasa devesu rajisi sabbakamasamiddhisu tavatimsesu devesu bhunja kame amanuse. [1996] Aham pure saggagato ramami naccehi gitehi ca vaditehi sodani ajja na ramami sagge ayunnu khinam ^1- maranannu ^2- santike udahu mulhosmi janindasettha. [1997] Na tayu khinam marananca ^3- dure na capi mulho naravira settha tuyhanca punnani parittakani yesam vipakam idha vedayittho ^4- vasa devanubhavena raja settha disampati tavatimsesu devesu bhunja kame amanuse. [1998] Yatha yacitakam yanam yatha yacitakam dhanam evam sampadamevetam yam parato danapaccaya na cahametamicchami yam parato danapaccaya sayam katani punnani tam me aveniyam dhanam soham gantva manussesu kahami kusalam bahum danena samacariyaya samyamena damena ca yam katva sukhito hoti na ca pacchanutappati. @Footnote: ¹ Ma. khino. ² maranassatipi patho. ³ Si. Yu. na cayu khinam maranam te. @⁴ Yu. vedayato. [1999] Imani tani khettani imam nikkham sakundalam ima ta haritanupa ima najjo savantiyo ima ta pokkharaniyo ^1- ramma cakavakupakujjita ^2- mandalakehi sanchanna padumuppalakehi ca yassimani mamayimsu kim nu te disatam gata. Tani ca khettani so bhumibhago teyeva aramavanupacara ^3- tameva mayham janatam apassato sunnanca me narada khayate disa. [2000] Dittha maya vimanani obhasanta catuddisa sammukha devarajassa tidasananca sammukha. Vuttham me bhavanam dibyam bhutta kama amanusa tavatimsesu devesu sabbakamasamiddhisu. Soham etadisam hitva punnayamhi idhagato dhammameva carissami naham rajjena atthiko. Adandavacaram maggam sammasambuddhadesitam tam maggam patipajjissam yena gacchanti subbatati. Sadhinarajajatakam ekadasamam. ------------- @Footnote: ¹ Ma. pokkharani . ² Ma. cakkavakapakujita. Si. Yu. cakkavakupakujita. @³ Si. Yu. te arama te vanamepacara.

The Pali Tipitaka in Roman Character Volume 27 page 397-399. https://84000.org/tipitaka/read/roman_read.php?B=27&A=8152&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=27&A=8152&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=27&item=1994&items=7 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=27&siri=494 Study Atthakatha :- https://84000.org/tipitaka/attha/attha.php?b=27&i=1994 The Pali Atthakatha in Thai :- https://84000.org/tipitaka/atthapali/read_th.php?B=40&A=7226 The Pali Atthakatha in Roman :- https://84000.org/tipitaka/atthapali/read_rm.php?B=40&A=7226 Contents of The Tipitaka Volume 27 https://84000.org/tipitaka/read/?index_27 https://84000.org/tipitaka/english/?index_27