ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 27 : PALI ROMAN Sutta Pitaka Vol 19 : Sutta. Khu. Jā.(1): Eka-Cattālīsanipātajātakaṃ

                            14 Ayogharajatakam
     [2261] Yamekarattim pathamam                gabbhe vasati manavo
                  abbhutthitova so yati        sa gaccham  na nivattati.
     [2262] Na yujjhamana na balena vassita
                       nara na jiranti na capi miyyare
                       sabbanhi 1- tam jatijarayupaddutam
                       tamme mati hoti carami dhammam.
     [2263] Caturanginim sena 2- subhimsarupam
                       jayanti ratthadhipati pasayha
                       na maccuno jayitumussahanti
                       tamme mati hoti carami dhammam.
     [2264] Hatthihi assehi rathehi pattihi
                       parivarita muncare ekacceyya
                       na maccuno muncitumussahanti
                       tamme mati hoti carami dhammam.
     [2265] Hatthihi assehi rathehi pattihi
                       sura pabhanjanti padhamsayanti
                       na maccuno bhanjitumussahanti
                       tamme mati hoti carami dhammam.
     [2266] Matta gaja bhinnagala pabhinna
@Footnote: 1 Ma. sabbam hidam .  2 Ma. senam.
                       Nagarani maddanti janam hananti
                       na maccuno madditumussahanti
                       tamme mati hoti carami dhammam.
     [2267] Issasino katahatthapi vira 1-
                       durepati akkhanavedhinopi
                       na maccuno vijjhitumussahanti
                       tamme mati hoti carami dhammam.
     [2268] Sarani khiyanti saselakanana
                       sabbampi tam 2- khiyati dighamantaram
                       sabbam hi tam 3- bhanjare kalapariyayam
                       tamme mati hoti carami dhammam.
     [2269] Sabbesamevam hi narinaranam 4-
                       calacalam panabhunodha jivitam
                       patova dhuttassa dumova kulajo
                       tamme mati hoti carami dhammam.
     [2270] Dumapphalaneva patanti manava
                       dahara ca vuddha ca sarirabheda
                       nariyo nara majjhimaporisa ca
                       tamme mati hoti carami dhammam.
     [2271] Nayam vayo tarakarajasannibho
@Footnote: 1 Si. Yu. dhira .  2-3 Ma. sabbam hidam .  4 Ma. narananarinam. Yu. naranarinam.
                       Yadabbhatitam gatamevadani tam
                       jinnassa hi natthi rati kuto sukham
                       tamme mati hoti carami dhammam.
     [2272] Yakkha pisaca athavapi peta
                       kuppita 1- te assasanti manusse
                       na maccuno assasitumussahanti
                       tamme mati hoti carami dhammam.
     [2273] Yakkhe pisace athavapi pete
                       kuppitepi te nijjhapanam karonti
                       na maccuno nijjhapanamussahanti 2-
                       tamme mati hoti carami dhammam.
     [2274] Aparadhake dusake hethake ca
                       rajano dandenti viditvana dosam
                       na maccuno dandayitumussahanti 3-
                       tamme mati hoti carami dhammam.
     [2275] Aparadhaka dusaka hethaka ca
                       labhanti te rajano nijjhapetum
                       na maccuno nijjhapanam karonti
                       tamme mati hoti carami dhammam.
     [2276] Na khattiyopi na ca brahmanopi
@Footnote: 1 Ma. kupita te .  Si. Yu. kupitapi te .  2 Ma. nijjhapanam karonti.
@3 Ma. dandayitussahanti.
                       Na addhaka balava tejavapi
                       na maccurajassa apekkhamatthi
                       tamme mati hoti carami dhammam.
     [2277] Siha ca byaggha ca athopi dipiyo
                       pasayha khadanti viphandamanam
                       na maccuno khaditumussahanti
                       tamme mati hoti carami dhammam.
     [2278] Mayakara rangamajjhe karonta
                       mohenti cakkhuni janassa tavade
                       na maccuno mohayitumussahanti
                       tamme mati hoti carami dhammam.
     [2279] Asivisa kuppita uggateja
                       damsanti marentipi te manusse
                       na maccuno damsitumussahanti
                       tamme mati hoti carami dhammam.
     [2280] Asivisa kuppita yam damsanti
                       tikicchaka tesa visam hananti
                       na maccuno datthavisam hananti
                       tamme mati hoti carami dhammam.
     [2281] Dhammantari vettaruno 1- ca bhojo
@Footnote: 1 Ma. vettarani .  Si. Yu. vetarani.
                       Visani hantvana bhujangamanam
                       suyyanti te kalakata tatheva
                       tamme mati hoti carami dhammam.
     [2282] Vijjadhara ghoramadhiyamana
                       adassanam osadhebhi vajanti
                       na maccurajassa vajanti adassanam
                       tamme mati hoti carami dhammam.
     [2283] Dhammo have rakkhati dhammacarim
                       dhammo sucinno sukhamavahati
                       esanisamso dhamme sucinne
                       na duggatim gacchati dhammacari.
     [2284] Nahi dhammo adhammo ca        ubho samavipakino
                  adhammo nirayam neti            dhammo papeti suggatinti.
                           Ayogharajatakam cuddasamam.
                                      Tassuddanam
                       matanga sambhuta sivi sirimanto
                       rohana hamsa sattigumbo bhallatiya
                       somanassa campeyya brahma panca-
                       pandita cirassamvata ayogharati.
                            Visatinipatam nitthitam.



             The Pali Tipitaka in Roman Character Volume 27 page 469-473. http://84000.org/tipitaka/read/roman_read.php?B=27&A=9651&modeTY=2              Compare with The Pali Tipitaka in Thai Character :- http://84000.org/tipitaka/read/pali_read.php?B=27&A=9651&modeTY=2              Compare with The Royal Version of Thai Tipitaka :- http://84000.org/tipitaka/read/byitem.php?book=27&item=2261&items=24              Compare with The MCU Version of Thai Tipitaka :- http://84000.org/tipitaka/pitaka_item/m_siri.php?B=27&siri=510              Study Atthakatha :- http://84000.org/tipitaka/attha/attha.php?b=27&i=2261              The Pali Atthakatha in Thai :- http://84000.org/tipitaka/atthapali/read_th.php?B=41&A=3355              The Pali Atthakatha in Roman :- http://84000.org/tipitaka/atthapali/read_rm.php?B=41&A=3355              Contents of The Tipitaka Volume 27 http://84000.org/tipitaka/read/?index_27

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com