|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 28 : PALI ROMAN Sutta Pitaka Vol 20 : Sutta. Khu. Jā.(2): paññāsa-Mahānipātajātakaṃ
4 Kunalajatakam [296] Evamakkhayati evamanusuyyati sabbosadhadharanidhare nekapupphamalyavitate gajagavayamahisarurucamaripasadakhaggagokanna- sihabyagghadipiacchakokataracchauddarakadalimigavilarasasakannikanucarite akinnanelamandalamahavarahanagakulakarenusanghadhivutthe issamigasakhamigasarabhamigaenimigavatamigapasadamigapurisalukimpurisayakkharakkhasanisevite amajjavamanjaridharapahatthapupphaphusitagganekapadapaganavitate kururacankoravaranamayuraparabhutajivajivakacelavaka 1- (balaka) bhinkarakaravikamattavihangasatasanghutthe 2- anjanamanosilaharitalahingulakahemarajatakanakanekadhatusatavinaddhapatimanditappadese evarupe khalu bho ramme vanasande kunalo nama sakuno pativasati ativiya citto ativiya cittapattachadano. {296.1} Tasseva khalu bho kunalassa sakunassa addhuddhani itthisahassani paricarika dijakannayo . atha khalu bho dve dijakannayo kattham mukhena damsitva tam kunalam sakunam majjhe nisidapetva uddenti ma nam kunalam sakunam addhanapariyayapathe kilamatho ubbahetthati 4-. Pancasata dijakannayo hetthato hetthato denti sacayam @Footnote:* idam maramma potthakeyeva dissati . 1 Ma. -jivanjivaka- . 2 Ma. satatasampaghutthe. Kunalo sakuno asana paripatissati mayam tam pakkhehi patiggahessamati. Pancasata dijakannayo uparupari denti ma nam kunalam sakunam atapo paritapesiti . pancasata pancasata dijakannayo ubhato passena denti ma nam kunalam sakunam sitam va unham va tinam va rajo va vato va ussavo va upapphusiti . pancasata dijakannayo purato purato denti ma nam kunalam sakunam gopalaka va pasupalaka va tinaharaka va katthaharaka va vanakammika va katthena va kathalaya 1- va panina va (pasanena va) ledduna va dandena va satthena va sakkharahi va paharam adamsu mayam kunalo sakuno gacchehi va latahi va rukkhehi va sakhahi va thambhehi va pasanehi va balavantehi va pakkhihi sangamesiti 2-. {296.2} Pancasata dijakannayo pacchato pacchato denti sanhahi sakhilahi manjuhi madhurahi vacahi samudacarantiyo mayam kunalo sakuno asane pariyukkanthiti . pancasata dijakannayo disodisam denti anekarukkhavividhavikatiphalamaharantiyo mayam kunalo sakuno khuddaya parikilamitthati . atha khalu bho ta dijakannayo tam kunalam sakunam arameneva aramam uyyaneneva uyyanam naditittheneva naditittham pabbatasikhareneva pabbatasikharam ambavaneneva ambavanam jambuvaneneva jambuvanam labujavaneneva labujavanam nalikerasancariyeneva nalikerasancarim 3- khippameva @Footnote: 1 Ma. kathalena va . 2 Ma. sangamesiti . 3 Ma. nalikerasancariyam. Abhisambhonti ratitthaya . atha khalu bho kunalo sakuno tahi dijakannahi divasam paribyulho evam apasadeti nassatha tumhe vasaliyo vinassatha tumhe vasaliyo coriyo dhuttiyo asatiyo lahucittayo katassa appatikarikayo anilo viya yenakamangamayoti. [297] Tasseva khalu bho himavato pabbatarajassa puratthime disabhage susukhumasunipunagiripabhava haritupayantiyo . uppalapaduma- kumudanalinasatapattasogandhikamandalakasampativirulhasucigandhamanunnamanapakappadese kuravakamucalindaketakavedisavanjulapunnagabakulatilakapiyakahasanasala- salalacampakaasokanagarukkhatiritibhujapattaloddacandanoghavane kalagarupadumapiyangudevadarukacocagahane kakudhakutajaankolakaccikarakanikara- kanaverakorandakovilarakimsukayodhikavanamallikamananganamanavajjabhandisurucibhaginimala- malyadhare jatisumanamadhugandhikadhanutakkaritalisatagarausirakotthagacchavitate adhimuttikasamkusumitalatavitatapatimanditappadese hamsapilavakadambakarandakabhinadite vijjadharasiddhasamanatapasaganadhivutthe naradevayakkharakkhasadanavagandhabbakinnaramahoraganucinnappadese evarupe khalu bho ramme vanasande punnamukho nama pussakokilo pativasati ativiya madhuragiro vilasitanayanamattakkho. {297.1} Tasseva khalu bho punnamukhassa pussakokilassa addhuddhani itthisatani paricarika dijakannayo . atha khalu bho dve dijakannayo kattham mukhena damsitva tam punnamukham pussakokilam majjhe nisidapetva Uddenti ma nam punnamukham pussakokilam addhanapariyayapathe kilamatho ubbahetthati . pannasa dijakannayo hetthato hetthato denti sacayam punnamukho pussakokilo asana paripatissati mayam tam pakkhehi patiggahessamati . pannasa dijakannayo uparupari denti ma nam punnamukham pussakokilam atapo paritapesiti . pannasa pannasa dijakannayo ubhato passena denti ma nam punnamukham pussakokilam sitam va unham va tinam va rajo va vato va ussavo va upapphusiti. {297.2} Pannasa dijakannayo purato purato denti ma nam punnamukham pussakokilam gopalaka va pasupalaka va tinaharaka va katthaharaka va vanakammika va katthena va kathalaya 1- va panina va (pasanena va) ledduna va dandena va satthena va sakkharahi va paharam adamsu mayam punnamukho pussakokilo gacchehi va latahi va rukkhehi va sakhahi va thambhehi va pasanehi va balavantehi va pakkhihi sangamesiti . pannasa dijakannayo pacchato pacchato denti sanhahi sakhilahi manjuhi madhurahi vacahi samudacarantiyo mayam punnamukho pussakokilo asane pariyukkanthiti . pannasa dijakannayo disodisam denti anekarukkhavividhavikatiphalamaharantiyo mayam punnamukho pussakokilo khuddaya parikilamitthati . atha khalu bho ta dijakannayo tam punnamukham @Footnote: 1 Ma. kathalena va. Pussakokilam arameneva aramam uyyaneneva uyyanam naditittheneva naditittham pabbatasikhareneva pabbatasikharam ambavaneneva ambavanam jambuvaneneva jambuvanam labujavaneneva labujavanam nalikerasancariyeneva nalikerasancarim khippameva abhisambhonti ratitthaya . atha khalu bho punnamukho pussakokilo tahi dijakannahi divasam paribyulho evam pasamsati sadhu sadhu bhaginiyo etam kho bhaginiyo tumhakam patirupam kuladhitanam yam tumhe bhattaram paricareyyathati. [298] Atha khalu bho punnamukho pussakokilo yena kunalo sakuno tenupasankami . addasamsu kho kunalassa sakunassa paricarika dijakannayo tam punnamukham pussakokilam duratova agacchantam disvana yena punnamukho pussakokilo tenupasankamimsu upasankamitva tam punnamukham pussakokilam etadavocum ayam samma punnamukha kunalo sakuno ativiya pharuso ativiya pharusavaco appevanama tuvampi agamma piyavacam labheyyamati. Appevanama bhaginiyoti vatva yena kunalo sakuno tenupasankami upasankamitva kunalena sakunena saddhim patisammoditva ekamantam nisidi . ekamantam nisinno kho punnamukho pussakokilo tam kunalam sakunam etadavoca kissa tvam samma kunala itthinam sujatanam kuladhitanam sammapatipannanam micchapatipannosi amanapabhaninampi kira samma kunala itthinam manapabhanina bhavitabbam kimangam pana Manapabhaninanti . evam vutte kunalo sakuno tam punnamukham pussakokilam evam apasadesi nassa tvam samma jamma vasala vinassa tvam samma jamma vasala ko nu taya viyatto jayajinenati. Evam apasadito ca pana punnamukho pussakokilo tatoyeva patinivatti. [299] Atha khalu bho punnamukhassa pussakokilassa aparena samayena acirasseva accayena kharo abadho uppajji. Lohitapakkhandika balha vedana vattanti maranantika . atha khalu bho punnamukhassa pussakokilassa paricarikanam dijakannanam etadahosi abadhiko kho ayam punnamukho pussakokilo appevanama imamha abadha vutthaheyyati. Tam 1- ekakam 2- adutiyam ohaya yena kunalo sakuno tenupasankamimsu . addasa kho kunalo sakuno ta dijakannayo duratova agacchantiyo disvana ta dijakannayo etadavoca kaham pana tumham vasaliyo bhattati . abadhiko kho samma kunala punnamukho pussakokilo appevanama tamha abadha vutthaheyyati. {299.1} Evam vutte kunalo sakuno ta dijakannayo evam apasadesi nassatha tumhe vasaliyo vinassatha tumhe vasaliyo coriyo dhuttiyo asatiyo lahucittayo katassa appatikarikayo anilo viya yenakamangamayoti vatva yena punnamukho pussakokilo tenupasankami upasankamitva @Footnote: 1 Ma. tantisaddo natthi . 2 Ma. ekam. Tam punnamukham pussakokilam etadavoca ham samma punnamukhati. Ham samma kunalati. Atha khalu bho kunalo sakuno tam punnamukham pussakokilam pakkhehi ca mukhatundena ca pariggahetva vutthapetva nanabhesajjani payapesi . atha khalu bho punnamukhassa pussakokilassa so abadho patipassambhiti. [300] Atha khalu bho kunalo sakuno tam punnamukham pussakokilam gilana vutthitam aciravutthitam gelanna etadavoca dittha maya samma punnamukha kanha dvepitika pancapatikaya chatthe purise cittam patibaddhantiya yadidam kabandhe pithasappimhi. Bhavati ca panuttarettha vakyam athajjuno nakulo bhimaseno yudhitthilo sahadevo ca raja ete pati pancamaticca nari akasi khujjavamanakena papanti. Dittha maya samma punnamukha pancatapavi 1- nama samani susanamajjhe vasanti catutthabhattam parinamayamana suradhuttakena papamakasi . Dittha maya samma punnamukha kakavati nama devi samuddamajjhe vasanti bhariya venateyyassa natakuverena papamakasi . dittha maya samma punnamukha kurungadevi nama lomasundari elakakumaram kamayamana chalangakumaradhanantevasina papamakasi. @Footnote: 1 Ma. saccatapapi. Evanhetam maya natam brahmadattassa matuka ohaya kosalarajam pancalacandena papamakasi. |300.1| Eta ca anna ca akamsu papam tasmaham itthinam na vissase nappasamse mahi yatha jagati samanaratta vasundhara itaritaranam 1- patittha sabbassaha aphandana akuppa tathitthiyo tayo na vissase naro |300.2| siho yatha lohitamamsabhojano valamigo pancavudho suruddho pasayha khadi parahimsane rato tathitthiyo tayo na vissase naro. Na khalu bho samma punnamukha vesiyo nariyo gamaniyo naheta bandhakiyo nama vadhikayo nama etayo yadidam vesiyo nariyo gamaniyoti. Cora 2- viya venikata madira viya visaduttha 3- vanijo viya vacasanthutiyo issasingamiva viparivattayo uragamiva dujivhayo sobbhamiva paticchanna patalamiva duppura rakkhasi viya duttosa yamovekantahariyo sikhiriva sabbabhakkha nadiriva sabbavahani 4- anilo viya yenakamamcara neru viya avisesakara visarukkho viya niccaphalitayo 5-. Bhavati ca panuttarettha vakyam @Footnote: 1 Ma. itaritarapatittha . 2 Ma. coro viya . 3 Ma. madirava diddha. @4 Ma. sabbavahi . 5 Ma. -yoti. |300.3| Yatha coro yatha duttho 1- vanijova vikatthani issasingamiva parivatta 2- dujivha urago yatha. |300.4| Sobbhamiva paticchanna patalamiva duppura rakkhasi viya duttosa yamovekantahariyo. |300.5| Yatha sikhi nadi vaho 3- anilo kamaparava 4- neruva avisesa ca visarukkhova niccaphali 5- nasayanti ghare bhogam ratananantakaritthiyoti. [301] Cattarimani samma punnamukha yani parakule na vasetabbani gonam dhenum yanam bhariya cattari dhanani 6- pandito yani 7- ghara na vippavasaye. Gonam dhenunca yananca bhariyam natikule na vasaye bhunjanti ratham ayanaka ativahena hananti pungavam dohena hananti vacchakam bhariya natikule padussatiti. [302] Cha imani samma punnamukha yani vatthuni kicce jate anatthacarani bhavanti agunam dhanu natikule ca bhariya param nava akkhabhagganca yanam @Footnote: 1 Ma. diddho . 2 Si. -mivavatta. Yu. -mivavatta . 3 Ma. vato . 4 Ma. nerunava @samagata . 5 Ma. visarukkhoviya niccaphala . 6 Ma. etani . 7 Ma. dhanani. Dure mitto papasahayako ca kicce jate anatthacarani bhavantiti. [303] Atthahi khalu samma punnamukha thanehi itthi samikam avajanati daliddata aturata jinnakata 1- surasondata muddhata pamattata sabbakiccesu anuvattanata sabbadhanamanuppadanena imehi khalu samma punnamukha atthahi thanehi itthi samikam avajanati . Bhavati ca panuttarettha vakyam daliddam aturancapi jinnakam surasondakam pamattam muddhapattanca dattam kiccesu 2- hapanam sabbakamapanidhanena 3- avajanati samikanti. [304] Navahi khalu samma punnamukha thanehi itthi padosamaharati aramagamanasila ca hoti uyyanagamanasila ca hoti nadititthagamanasila ca hoti natikulagamanasila ca hoti parakulagamanasila ca hoti adasadussamandananuyogamanuyuttasila ca hoti majjapayini ca hoti nillokanasila ca hoti padvaratthayini 4- ca hoti imehi khalu samma punnamukha navahi thanehi itthi padosamaharatiti . Bhavati ca panuttarettha vakyam |304.1| aramagamanasila 5- ca uyyanam nadim natiparakulam [6]- Dussamandanamanuyutta @Footnote: 1 Ma. jinnata . 2 Ma. sabbakiccesu. Si. Yu. rattam . 3 Ma. sabbakamappadanena. @4 Ma. sadvarathayini . 5 Ma. aramasila ca . 6 Ma. adasa. Ya citthi majjapayini |304.2| ya ca nillokanasila ya ca padvaratthayini 1- navahetehi thanehi padosamaharanti itthiyo 2-. [305] Cattalisaya khalu samma punnamukha thanehi itthi purisam accavadati 3- vijambhati vinamati vilasati vilajjati nakhena nakham ghatteti padena padam akkamati katthena pathavim vilekhati 4- darakam ullanghati ullanghapeti kilati kilapeti cumbati cumbapeti bhunjati bhunjapeti dadati yacati katamanukaroti uccam bhasati nicam bhasati aviccam bhasati viviccam bhasati naccena gitena vaditena roditena 5- vilasitena vibhusitena jagghati pekkhati katim caleti guyhabhandakam sancaleti urum vivarati urum pidahati thanam dasseti kaccham dasseti nabhim dasseti akkhim nikhanati bhamukam ukkhipati ottham palikkhati jivham nillaleti dussam muncati dussam 6- patibandhati sirasam muncati sirasam bandhati imehi khalu samma punnamukha cattalisaya thanehi itthi purisam accavadati. [306] Pancavisaya khalu samma punnamukha thanehi itthi paduttha veditabba bhavati samikassa pavasam vanneti pavuttham @Footnote: 1 Ma. sadvarathayini . 2 Ma. itthiyoti . 3 Ma. accacarati . 4 Ma. vilikhati. @Si. Yu. likhati . 5 Ma. rodanena . 6 sisantipi. Na sarati agatam nabhinandati avannam tassa bhanati vannam tassa na bhanati anattham tassa carati attham tassa na carati akiccam tassa karoti kiccam tassa na karoti paridahitva sayati parammukhi nipajjati parivattakajata kho pana hoti kunkumiyajata digham assasati dukkham vedayati uccarapassavam abhinham gacchati vilomamacarati parapurisasaddam sutva kannasotam vidahati 1- nihatabhoga kho pana hoti pativissakehi santhavam karoti nikkhantapada kho pana hoti visikhanucarini aticarini kho pana hoti [2]- samike agarava padutthamanasankappa abhinham dvare titthati kacchani angani thanani dasseti disodisam gantva pekkhati imehi khalu samma punnamukha pancavisaya thanehi itthi paduttha veditabba bhavati. Bhavati ca panuttarettha vakyam |306.1| pavasam tassa vanneti gatam tassa na socati 3- disvana patimagatam 4- nabhinandati bhattaram vannam na kadaci bhasati 4- ete padutthaya bhavanti lakkhana. |306.2| Anattham tassa carati asannata atthanca hapeti akiccakarini @Footnote: 1 Yu. vivarati tamodahati . 2 Ma. niccam . 3 Si. yu gatim nanusocati. @4-5 disvana patimagatam nabhinandati bhattaravannam na kadaci bhasati. Paridahitva sayati parammukhi ete padutthaya bhavanti lakkhana. |306.3| Parivattajata ca bhavati kunkumi dighanca assasati dukkhavedini uccarapassavamabhinha gacchati ete padutthaya bhavanti lakkhana. |306.4| Vilomamacarati akiccakarini saddam nisameti parassa bhasato nihatabhoga ca karoti santhavam ete padutthaya bhavanti lakkhana. |306.5| Kicchena laddham kasirabhatam dhanam vittam vinaseti dukkhena sambhatam pativissakehi ca karoti santhavam ete padutthaya bhavanti lakkhana. |306.6| Nikkhantapada visikhanucarini niccanca samimhi padutthamanasa aticarini hoti apetagarava ete padutthaya bhavanti lakkhana. |306.7| Abhikkhanam titthati dvaramule thanani kacchani ca dassayanti Disodisam pekkhati bhantacitta ete padutthaya bhavanti lakkhana. |306.8| Sabba nadi vankagati sabbe katthamaya vana sabbitthiyo kare papam labbhamane nivatake. |306.9| Sace labhetha khanam va raho va nivatakam vapi labhetha tadisam sabbava itthi kayirum nu 1- papam annam aladdha 2- pithasappina saddhim. |306.10| Naranamaramakarasu narisu anekacittasu aniggahasu ca sabbatthata pitikarapi ce siyum 3- na vissase titthasama hi nariyoti. [307] Yanca disva kinnarakinnarinam 4- sabbitthiyo na ramanti agare tam tadisam maccam cajitva bhariya annam disva parapurisam 5- pithasappim. [308] Bakassa ca bavariyassa 6- ranno accantakamanugatassa bhariya anacari 7- patthavasanugassa kam va itthi naticare tadannam. @Footnote: 1 Si. kareyyu no. Yu. kareyyum no . 2 Ma. alattha . 3 Ma. sabbattha napitikarapi @ce siya . 4 Ma. yam ce disva kandarikinnaranam . 5 Ma. purisam . 6 Ma. bavarikassa @Si. pavarikassa . 7 Ma. avacari. [309] Pingiyani sabbalokissarassa ranno piya brahmadattassa bhariya anacari 1- patthavasanugassa tam vapi sa najjhaga kamakamini. [310] |310.1| Khuddanam 2- lahucittanam akatannuna dubbhinam nadevasatto puriso thinam saddhatumarahati. |310.2| Na ta pajananti katam na kiccam na mataram pitaram bhataram va anariya samatikkantadhamma sasseva cittassa vasam vajanti. |310.3| Ciranuvutthampi piyam manapam anukampakam panasamampi santam 3- avasu kiccesu ca nam jahanti tasmaham itthinam na vissasami. |310.4| Thinam hi cittam yatha vanarassa kannappakannam yatha rukkhachaya calacalam hadayam itthiyanam cakkassa nemi viya parivattati. |310.5| Yada ta passanti samekkhamana adeyyarupam purisassa vittam @Footnote: 1 Ma. avacari . 2 Ma. luddhanam . 3 Ma. bhattaram. Sanhahi vacahi nayantimenam kambojaka jalajeneva assam. |310.6| Yada na passanti samekkhamana adeyyarupam purisassa vittam samantato tam parivajjayanti tinno nadiparagatova kullam. |310.7| Silesupama sikhiriva sabbabhakkha tikkhamaya nadiriva sighasota sevanti heta piyamappiyanca nava yatha orakulam paranca. |310.8| Na ta ekassa na dvinnam apanova pasarito yo ta mayhanti manneyya vatam jalena bandhaye. |310.9| Yatha nadi ca pantho ca panagaram sabha papa evam lokitthiyo nama vela tasam na vijjati. |310.10| Ghatasanasama eta kanhasappasirupama gavo bahi tinasseva omasanti varam varam. |310.11| Ghatasanam kunjaram kanhasappam muddhabhisittam pamada ca sabba ete naro niccayato bhajetha tesam have dubbidu saccabhavo 1-. @Footnote: 1 Ma. sabbabhavo. |310.12| Naccantavanna na bahuna kanta na dakkhina pamuda sevitabba na parassa bhariya na dhanassa hetu etitthiyo panca na sevitabba. [311] |311.1| Atha khalu bho anando gijjharaja kunalassa sakunassa adimajjhagathapariyosanam viditva tayam velayam ima gathayo abhasi |311.2| punnampi cemam pathavim dhanena dajjitthiya puriso sammataya laddha khanam atimanneyya tampi tasam vasam asatinam na gacche. |311.3| Utthahakanceva alinavuttim komarabhattaram piyam manapam avasu kiccesu ca nam jahanti tasmaham itthinam na vissasami. |311.4| Na vissase icchati manti poso na vissase rodati me sakase sevanti heta piyamappiyanca nava yatha orakulam paranca. |311.5| Na vissase sakhapuranasanthatam Na vissase mittapuranacoram na vissase raja sakha 1- mananti na vissase itthi dasanna mataram. |311.6| Na vissase ramakarasu narisu accantasilasu asannatasu accantapemanugatassa bhariya na vissase titthasama hi nariyo. |311.7| Haneyyumpi chindeyyumpi chedapeyyumpi 2- kanthampi 3- chetva rudhiram piveyyum ma dinakamasu asannatasu bhavamkare gangatitthupamasu. |311.8| Musa tasam yatha saccam saccam tasam yatha musa gavo bahi tinasseva omasanti varam varam. |311.9| Gatena ta palobhenti pekkhitena hasitena ca 4- athopi dunnivatthena manjuna bhanitena ca. |311.10| Coriyo kathina 5- heta vala ca lapasakkhara na ta kinci na jananti yam manussesu vancanam. |311.11| Asa lokitthiyo nama vela tasam na vijjati saratta ca pagabbha ca sikhi sabbaghaso yatha. @Footnote: 1 Ma. rajanam sakha. Si.Yu. raja sakha. 2 Ma. haneyyum chindeyyum. Si.Yu. haneyyu @chindeyyumpi chedayeyyum. 3 Ma.kanthepi. 4 Ma.pekkhitenamhitena ca. 5 Ma.kathina. |311.12| Natthitthinam piyo nama appiyopi na vijjati sevanti heta piyamappiyanca nava yatha orakulam paranca. |311.13| Natthitthinam piyo nama appiyopi na vijjati dhanattha pativellanti latava dumanissita. |311.14| Hatthibandham assabandham gopurisanca candalam chavadahakam pupphachaddakam sadhanam anupatanti nariyo. |311.15| Kulaputtampi jahanti akincinam chavakasamam sadisam anupatanti dhanahetu ca nariyoti. [312] |312.1| Atha khalu bho narado devabrahmano anandassa gijjharajassa adimajjhagathapariyosanam viditva tayam velayam ima gathayo abhasi cattarome na purenti te me sunatha bhasato samuddo brahmano raja itthi capi dijampati. |312.2| Sarita sagaram yanti yakaci pathavissita ta samuddam na purenti onatta 1- hi na purati. |312.3| Brahmano ca adhiyana 2- vedamakkhanapancamam bhiyyopi sutamiccheyya onatta hi na purati. |312.4| Raja ca pathavim sabbam sasamuddam sapabbatam ajjhavasam vijinitva anantaratanocitam @Footnote: 1 Ma. unatta. ito param idisameva . 2 adhiyanam itipi. Param samuddam pattheti onatta hi na purati. |312.5| Ekamekaya itthiya atthattha patino siyum 1- sura ca balavanto ca sabbakamarasahara kareyya navame chandam onatta hi na purati. |312.6| Sabbitthiyo sikhiriva sabbabhakkha sabbitthiyo nadiriva sabbavahini sabbitthiyo kantakanamva sakha sabbitthiyo dhanahetu vajanti. |312.7| Vatanca jalena naro paramase osincaye sagaramekapanina sakena hatthena haneyya 2- ghosam yo sabbabhavam pamadasu ossaje. |312.8| Corinam bahubuddhinam yasu saccam sudullabham thinam bhavo durajano macchassevodake gatam. |312.9| Anala mudusambhasa duppura ta nadisama sidanti nam viditvana araka parivajjaye. |312.10| Avattani mahamaya brahmacariyavikopana sidanti nam viditvana araka parivajjaye. |312.11| Yanceta upasevanti chandasa va dhanena va jatavedova santhanam khippam anudahanti nanti. @Footnote: 1 Ma. siya . 2 Ma. kareyya. [313] |313.1| Atha khalu bho kunalo sakuno naradassa devabrahmanassa adimajjhagathapariyosanam viditva tayam velayam ima gathayo abhasi sallape nisitakhaggapanina pandito api pisacadosina uggatejam uragampi aside eko ekaya pamudaya nalape. |313.2| Lokacittamathana hi nariyo naccagitabhanitamhitavudha badhayanti anupatthitassatim dipe rakkhasiganava vanije. |313.3| Natthi tasam vinayo na samvaro majjamamsanirata asannata ta gilanti purisassa pabhatam sagareva makaram timingalo 1-. |313.4| Pancakamagunasatagocara uddhata aniyata asannata osaranti pamuda pamadinam lonatoyavatiyamva apaga. |313.5| Yam naram upalapenti 2- nariyo @Footnote: 1 Si. Yu. timingilo . 2 Si. Yu. uparamanti. Chandasa va ratiya va dhanena va jatavedasadisampi tadisam ragadosavadhiyo 1- dahanti nam. |313.6| Addham natva purisam mahaddhanam osaranti sadhanam 2- sahattana rattacittam ativethayanti nam salam maluvalatava kanane. |313.7| Ta upenti vividhena chandasa citrabimbamukhiyo alankata ohasanti 3- pahasanti nariyo samvarova 4- satamayakovida. |313.8| Jatarupamanimuttabhusita sakkata patikulesu nariyo rakkhita aticaranti samikam danavamva hadayantaranissita 5-. |313.9| Tejavapi hi naro vicakkhano sakkato bahujanassa pujito narinam vasangato na bhasati rahuna upahatova candima. |313.10| Yam kareyya kupito diso disam @Footnote: 1 Si. Yu. -vatiyo . 2 Ma. sadhana . 3 Ma. uhasanti. Si. Yu. uhasanti. @4 Ma. sambarova . 5 Ma. -rassita. Dutthacittova samagatam arim tena bhiyyo byasanam nigacchati narinam vasangato apekkhava. |313.11| Kesalunanakhachinnatajjita padapanikasadandatalita hinamevupagata hi nariyo ta ramanti kunapeva makkhika. |313.12| Ta kulesu visikhantaresu va rajadhanisu nigamesu va pana 1- odditam namucipasavaguram 2- cakkhuma parivajjeyya sukhatthiko. |313.13| Ossajitva kusalam tapogunam yo anariyacaritani macari devatahi nirayam nimissati chedagamimaniyamva vanijo. |313.14| So idha garahito parattha ca dummati upahato 3- sakammuna gacchati aniyato galagalam dutthagadrabharathova uppathe. |313.15| So upeti nirayam patapanam @Footnote: 1 Ma. puna . 2 Ma. -vakaram . 3 Si. Yu. upagato. Sattisimbalivananca ayasam avasitvana tiracchanayoniyam petarajavisayam na muncati. |313.16| Dibya khidda ratiyo ca nandane cakkavatticaritanca manuse nasayanti pamuda pamadinam duggatinca patipadayanti nam. |313.17| Dibya khidda ratiyo na dullabha cakkavatticaritanca manuse sovannabyamhanilaya ca acchara ye caranti pamudahanatthika. |313.18| Kamadhatusamatikkama gati rupadhatusambhavo na dullabho vitaragavisayupapatti ya ye caranti pamudahanatthika. |313.19| Sabbadukkhasamatikkamam sivam accantam acalitam asankhatam nibbutehi sucihi na dullabham ye caranti pamudahanatthikati. [314] Kunaloham tada asim udayi pussakokilo Anando gijjharajasi sariputto ca narado parisa buddhaparisa evam dharetha jatakanti. Kunalajatakam catuttham. --------The Pali Tipitaka in Roman Character Volume 28 page 106-130. https://84000.org/tipitaka/read/roman_read.php?B=28&A=2193&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=28&A=2193&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=28&item=296&items=19 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=28&siri=11 Study Atthakatha :- https://84000.org/tipitaka/attha/attha.php?b=28&i=296 The Pali Atthakatha in Thai :- https://84000.org/tipitaka/atthapali/read_th.php?B=42&A=6718 The Pali Atthakatha in Roman :- https://84000.org/tipitaka/atthapali/read_rm.php?B=42&A=6718 Contents of The Tipitaka Volume 28 https://84000.org/tipitaka/read/?index_28 https://84000.org/tipitaka/english/?index_28
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]