PaliRoman Vol.28

³ Mahabodhijatakam [52] Kinnu dandam kimajinam kim chattam kim upahanam kim ankusanca pattanca sanghatincapi brahmana taramanarupo ganhasi kinnu patthayase disam. [53] |53.1| Dvadasetani vassani vasitani tavantike nabhijanami sonena pingalenabhikujitam. |53.2| Svayam dittova nadati sukkadatham vidamsayam tava sutva sabhariyassa vitasaddhassa mam pati. [54] Ahu esa kato doso yatha bhasasi brahmana esa bhiyyo pasidami vasa brahmana ma gama. [55] |55.1| Sabbaseto pure asi tatopi sabalo ahu sabbalohitakodani kalo pakkamitum mama. |55.2| Abbhantaram pure asi tato majjhe tato bahi pura niddhamana hoti sayameva vajamaham. |55.3| Vitasaddham na seveyya udapanamvanodakam sacepi nam anukhane varikaddamagandhikam. |55.4| Pasannameva seveyya appasannam vivajjaye pasannam payirupaseyya rahadamvudakatthiko. |55.5| Bhaje bhajantam purisam abhajantam na bhajjaye asappurisadhammo so yo bhajantam na bhajjati. |55.6| Yo bhajantam na bhajati sevamanam na sevati save manussapapittho migo sakhassito yatha. |55.7| Accabhikkhanasamsagga asamo saranena ca etena mitta jiranti akale yacanaya ca. |55.8| Tasma nabhikkhanam gacche na ca gacche ciraciram kalena yacam yaceyya evam mitta na jirare ^1-. |55.9| Aticiram nivasena piyo bhavati appiyo amanta kho tam gacchama pura te homa appiya. [56] Evam ce yacamananam anjalim navabujjhasi paricarikanam sattanam ^2- vacanam na karosi no evantam abhiyacama puna kayirasi pariyayam. [57] Evance no viharatam antarayo na hessati tuyha vapi ^3- maharaja mayha va ^4- ratthavaddhana appeva nama passema ahorattanamaccaye. [58] |58.1| Udirana ce sangatya bhavayamanuvattati. Akama akaraniyam va karaniyam vapi krubbati ^5- akamakaraniyasmim kavidha papena limpati ^6-. |58.2| So ce attho ca dhammo ca kalyano na ca papako bhoto ce vacanam saccam suhato vanaro maya. |58.3| Attano ce hi vadassa aparadham vijaniya ^7- @Footnote: ¹ Ma. jiyare . ² Ma. paricarakanam satam . ³ Si. tumhancapi. Yu. tuyhancapi. @⁴ Si. amham va. Yu. mayhanca . ⁵ Ma. kubbati . ⁶ Ma. lippati. ito param @idisameva. ⁷ Ma. vijaniya. Na mam tvam garaheyyasi bhoto vado hi tadiso. [59] |59.1| Issaro sabbalokassa sace kappeti jivitam iddhim byasanabhavanca kammam kalyanapapakam niddesakari puriso issaro tena limpati. |59.2| So ce attho ca dhammo ca kalyano na ca papako bhoto ce vacanam saccam suhato vanaro maya. Attano ce hi vadassa aparadham vijaniya ^1- na mam tvam garaheyyasi bhoto vado hi tadiso. [60] |60.1| Sace pubbekatahetu sukhadukkham nigacchati poranakam katam papam tameso muncate inam poranakainamokkho kvidha papena limpati. |60.2| So ce attho ca dhammo ca kalyano na ca papako bhoto ce vacanam saccam suhato vanaro maya. |60.3| Attano ce hi vadassa aparadham vijaniya na mam tvam garaheyyasi bhoto vado hi tadiso. [61] |61.1| Catunnamyevupadaya rupam sambhoti paninam yato ca rupam sambhoti tatthevanupagacchati. |61.2| Idheva jivati jivo pecca pecca vinassati ucchijjati ayam loko ye bala ye ca pandita ucchijjamane lokasmim kvidha papena limpati. @Footnote: ¹ Ma. vijaniya. ito param idisameva. |61.3| So ce attho ca dhammo ca kalyano na ca papako bhoto ce vacanam saccam suhato vanaro maya. |61.4| Attano ce hi vadassa aparadham vijaniya na mam tvam garaheyyasi bhoto vado hi tadiso. [62] Ahu khattavidha ^1- loke bala panditamanino mataram pitaram hanne atho jetthampi bhataram haneyya puttadare ca attho ce tadiso siya. [63] |63.1| Yassa rukkhassa chayaya nisideyya sayeyya va na tassa sakham bhanjeyya mittadubbho ^2- hi papako. |63.2| Atha atthe samuppanne samulamapi abbhuhe attho me sambalenapi suhato vanaro maya. |63.3| So ce attho ca dhammo ca kalyano na ca papako bhoto ce vacanam saccam suhato vanaro maya. |63.4| Attano ce hi vadassa aparadham vijaniya na mam tvam garaheyyasi bhoto vado hi tadiso. [64] |64.1| Ahetuvado puriso yo ca issarakuttiko pubbekati ca ucchedi yo ca khattavidho ^3- naro. |64.2| Ete asappurisa loke bala panditamanino kareyya tadiso papam atho annampi karaye @Footnote: ¹ Ma. khattavida . ² Yu. mittadubhi . ³ Ma. khattavido. Asappurisasamsaggo dukkhanto ^1- katukudrayo. [65] |65.1| Urabbharupena bakasu ^2- pubbe asankito ajayutham upeti hantva uranim ajiyam ^3- ajanca hantva sayitva ^4- yenakamam paleti. |65.2| Tathavidheke samanabrahmanase chadanam katva vancayanti manusse anasaka thandilaseyyaka ca rajojallam ukkutikappadhanam pariyayabhattanca apanakatta papacara arahanto vadana. |65.3| Ete asappurisa loke bala panditamanino kareyya tadiso papam atho annampi karaye asappurisasamsaggo dukkhanto katukudrayo. |65.4| Yamahu natthi viriyanti hetunca apavadanti ^5- ye parakaram attakaranca ye tuccham samavannayum. |65.5| Ete asappurisa loke bala panditamanino kareyya tadiso papam atho annampi karaye asappurisasamsaggo dukkhanto katukudrayo. |65.6| Sace hi viriyam nassa kammam kalyanapapakam @Footnote: ¹ Si. dukkato. ito param idisameva . ² Ma. vakassu. Yu. vakasu . ³ Ma. @ajikam . ⁴ Ma. utrasayitva . ⁵ Ma. ahetunca pavadanti. Na bhare vaddhakim raja napi yantani karaye. |65.7| Yasma ca viriyam atthi kammam kalyanapapakam tasma yantani kareti raja bharati vaddhakim. |65.8| Yadi vassasatam devo na vasse na himam pate ucchijjeyya ayam loko vinasseyya ayam paja. |65.9| Yasma ca vassati devo himancanuphusiyati ^1- tasma sassani paccanti ratthanca palayate ciram. |65.10| Gavance taramananam jimham gacchati pungavo sabba ta jimham gacchanti nette jimham gate sati. |65.11| Evameva manussesu yo hoti setthasammato so ce adhammam carati pageva itara paja sabbam rattham dukkham seti raja ce hoti adhammiko. |65.12| Gavance taramananam ujum gacchati pungavo sabba ta ^2- ujum gacchanti ^3- nette ujum gate sati. |65.13| Evameva manussesu yo hoti setthasammato so cepi dhammam carati pageva itara paja sabbam rattham sukham seti raja ce hoti dhammiko. |65.14| Maharukkhassa phalino amam chindati yo phalam rasancassa na janati bijancassa vinassati. @Footnote: ¹ Ma. himancanuphusayati . ² Ma. gavi . ³ Ma. yanti. |65.15| Maharukkhupamam rattham adhammena yo pasasati rasancassa na janati ratthancassa vinassati. |65.16| Maharukkhassa phalino pakkam chindati yo phalam rasancassa vijanati bijancassa na nassati. |65.17| Maharukkhupamam rattham dhammena yo pasasati rasancassa vijanati ratthancassa na nassati. |65.18| Yo ca raja janapadam adhammena pasasati sabbosadhibhi so raja viruddho hoti khattiyo. |65.19| Tatheva negame himsam ye yutta kayavikkaye ojadanabalikare sa kosena virujjhati. |65.20| Paharavarakhettannu sangame katanissame ussite himsayam raja sa balena virujjhati. |65.21| Tatheva isayo himsam samyame brahmacariye ^1- adhammacari khattiyo so saggena virujjhati. |65.22| Yo ca raja adhammattho bhariyam hanti adusakam ^2- luddam pasavate thanam ^3- puttehi ca virujjhati |65.23| dhammam care janapade negamesu ^4- balesu ca isayo ca na himseyya puttadare samancare. |65.24| Sa tadiso bhumipati ratthapalo akodhano @Footnote: ¹ Si. brahmacarino. Ma. sannate brahmacariyo . ² Ma. adusikam . ³ Si. papam. @⁴ Si. nigamesu. Samante ^1- sampakampeti indova asuradhipoti. Mahabodhijatakam tatiyam. ----------- Tassuddanam. Sanilinikamavhayano pathamo dutiyo pana saummadantivaro tatiyo pana bodhisirivhayano kathita pana tini jinena subha. Pannasanipatam nitthitam. -------- @Footnote: ¹ Ma. sapatte.

The Pali Tipitaka in Roman Character Volume 28 page 23-30. https://84000.org/tipitaka/read/roman_read.php?B=28&A=453&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=28&A=453&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=28&item=52&items=14 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=28&siri=3 Study Atthakatha :- https://84000.org/tipitaka/attha/attha.php?b=28&i=52 The Pali Atthakatha in Thai :- https://84000.org/tipitaka/atthapali/read_th.php?B=42&A=1064 The Pali Atthakatha in Roman :- https://84000.org/tipitaka/atthapali/read_rm.php?B=42&A=1064 Contents of The Tipitaka Volume 28 https://84000.org/tipitaka/read/?index_28 https://84000.org/tipitaka/english/?index_28