PaliRoman Vol.3

Civaravaggassa pathamasikkhapadam [138] Tena samayena buddho bhagava savatthiyam viharati jetavane anathapindikassa arame . tena kho pana samayena thullananda bhikkhuni bahussuta hoti bhanika visarada pattha dhammim katham katum . Athakho raja pasenadi kosalo sitakale mahaggham kambalam parupitva yena thullananda bhikkhuni tenupasankami upasankamitva thullanandam bhikkhunim abhivadetva ekamantam nisidi . ekamantam nisinnam kho rajanam pasenadim kosalam thullananda bhikkhuni dhammiya kathaya sandassesi samadapesi samuttejesi sampahamsesi. {138.1} Athakho raja pasenadi kosalo thullanandaya bhikkhuniya dhammiya kathaya sandassito samadapito samuttejito sampahamsito thullanandam bhikkhunim etadavoca vadeyyasi ayye yena atthoti. Sace me tvam maharaja datukamosi imam kambalam dehiti. Athakho raja pasenadi kosalo thullanandaya bhikkhuniya kambalam datva utthayasana thullanandam bhikkhunim abhivadetva padakkhinam katva pakkami . manussa ujjhayanti khiyanti vipacenti mahiccha ima bhikkhuniyo asantuttha katham hi nama rajanam kambalam vinnapessantiti . assosum kho bhikkhuniyo tesam manussanam ujjhayantanam khiyantanam vipacentanam . ya ta bhikkhuniyo appiccha .pe. ta ujjhayanti khiyanti vipacenti katham hi nama ayya Thullananda ^1- rajanam kambalam vinnapessatiti .pe. saccam kira bhikkhave thullananda bhikkhuni rajanam kambalam vinnapetiti ^2- . saccam bhagavati . vigarahi buddho bhagava katham hi nama bhikkhave thullananda bhikkhuni rajanam kambalam vinnapessati netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {138.2} garupapuranam ^3- pana bhikkhuniya cetapentiya catukkamsaparamam cetapetabbam tato ce uttarim ^4- cetapeyya nissaggiyam pacittiyanti. [139] Garupapuranam nama yankinci sitakale papuranam ^5- . Cetapentiyati vinnapentiya . catukkamsaparamam cetapetabbanti solasakahapanagghanakam cetapetabbam . tato ce uttarim cetapeyyati taduttarim vinnapeti payoge dukkatam patilabhena nissaggiyam hoti nissajjitabbam sanghassa va ganassa va ekabhikkhuniya va . evanca pana bhikkhave nissajjitabbam idam me ayye garupapuranam atirekacatukkamsaparamam cetapitam nissaggiyam imaham sanghassa nissajjamiti .pe. dadeyyati .pe. Dadeyyunti .pe. Ayyaya dammiti. [140] Atirekacatukkamse atirekasanna cetapeti nissaggiyam pacittiyam . atirekacatukkamse vematika cetapeti nissaggiyam @Footnote: ¹ Ma. etthantare bhikkhuniti pathapadam dissati ² Ma. Yu. vinnapesiti. @³ Ma. Yu. garupavuranam. ⁴ uttari. sabbattha evam natabbam. ⁵ pavuranam. Pacittiyam . atirekacatukkamse unakasanna cetapeti nissaggiyam pacittiyam . unakacatukkamse atirekasanna apatti dukkatassa . Unakacatukkamse vematika apatti dukkatassa . unakacatukkamse unakasanna anapatti. [141] Anapatti catukkamsaparamam cetapeti unakacatukkamsaparamam cetapeti natakanam pavaritanam annassatthaya attano dhanena mahaggham cetapetukamassa appaggham cetapeti ummattikaya adikammikayati. ---------

The Pali Tipitaka in Roman Character Volume 3 page 89-91. https://84000.org/tipitaka/read/roman_read.php?B=3&A=1765&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=1765&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=138&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=26 Study Atthakatha :- https://84000.org/tipitaka/attha/attha.php?b=3&i=138 The Pali Atthakatha in Thai :- https://84000.org/tipitaka/atthapali/read_th.php?B=2&A=11199 The Pali Atthakatha in Roman :- https://84000.org/tipitaka/atthapali/read_rm.php?B=2&A=11199 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3