บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
Civaravaggassa dutiyasikkhapadam [142] Tena samayena buddho bhagava savatthiyam viharati jetavane anathapindikassa arame . tena kho pana samayena thullananda bhikkhuni bahussuta hoti bhanika visarada pattha dhammim katham katum . Athakho raja pasenadi kosalo unhakale mahaggham khomam parupitva yena thullananda bhikkhuni tenupasankami upasankamitva thullanandam bhikkhunim abhivadetva ekamantam nisidi . ekamantam nisinnam kho rajanam pasenadim kosalam thullananda bhikkhuni dhammiya kathaya sandassesi samadapesi samuttejesi sampahamsesi . athakho raja pasenadi kosalo thullanandaya bhikkhuniya dhammiya kathaya sandassito samadapito samuttejito sampahamsito thullanandam bhikkhunim etadavoca vadeyyasi ayye yena Atthoti . sace me tvam maharaja datukamosi imam khomam dehiti. Atha raja pasenadi kosalo thullanandaya bhikkhuniya khomam datva utthayasana thullanandam bhikkhunim abhivadetva padakkhinam katva pakkami . manussa ujjhayanti khiyanti vipacenti mahiccha ima bhikkhuniyo asantuttha katham hi nama rajanam khomam vinnapessantiti. {142.1} Assosum kho bhikkhuniyo tesam manussanam ujjhayantanam khiyantanam vipacentanam . ya ta bhikkhuniyo appiccha .pe. ta ujjhayanti khiyanti vipacenti katham hi nama ayya thullananda rajanam khomam vinnapessatiti .pe. saccam kira bhikkhave thullananda bhikkhuni rajanam khomam vinnapetiti 1- . saccam bhagavati. Vigarahi buddho bhagava katham hi nama bhikkhave thullananda bhikkhuni rajanam khomam vinnapessati netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {142.2} lahupapuranam 2- pana bhikkhuniya cetapentiya addhateyya- kamsaparamam cetapetabbam tato ce uttarim cetapeyya nissaggiyam pacittiyanti. [143] Lahupapuranam nama yankinci unhakale papuranam . Cetapentiyati vinnapentiya . addhateyyakamsaparamam cetapetabbanti dasakahapanagghanakam cetapetabbam . tato ce uttarim cetapeyyati taduttarim vinnapeti payoge dukkatam patilabhena nissaggiyam hoti @Footnote: 1 Ma. Yu. vinnapesiti. 2 Ma. Yu. lahupavuranam. Nissajjitabbam sanghassa va ganassa va ekabhikkhuniya va. Evanca pana bhikkhave nissajjitabbam idam me ayye lahupapuranam atirekaaddhateyya- kamsaparamam cetapitam nissaggiyam imaham sanghassa nissajjamiti .pe. Dadeyyati .pe. Dadeyyunti .pe. Ayyaya dammiti. [144] Atirekaaddhateyyakamse atirekasanna cetapeti nissaggiyam pacittiyam. Atirekaaddhateyyakamse vematika cetapeti nissaggiyam pacittiyam. Atirekaaddhateyyakamse unakasanna cetapeti nissaggiyam pacittiyam . Unakaaddhateyyakamse atirekasanna apatti dukkatassa . Unakaaddhateyyakamse vematika apatti dukkatassa . unakaaddhateyyakamse unakasanna anapatti. [145] Anapatti addhateyyakamsaparamam cetapeti unakaaddhateyya- kamsaparamam cetapeti natakanam pavaritanam annassatthaya attano dhanena mahaggham cetapetukamassa appaggham cetapeti ummattikaya adikammikayati.The Pali Tipitaka in Roman Character Volume 3 page 91-93. https://84000.org/tipitaka/read/roman_read.php?B=3&A=1813&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=1813&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=142&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=27 Study Atthakatha :- https://84000.org/tipitaka/attha/attha.php?b=3&i=142 The Pali Atthakatha in Thai :- https://84000.org/tipitaka/atthapali/read_th.php?B=2&A=11203 The Pali Atthakatha in Roman :- https://84000.org/tipitaka/atthapali/read_rm.php?B=2&A=11203 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]