PaliRoman Vol.3

Andhakaravaggassa sattamasikkhapadam [205] Tena samayena buddho bhagava savatthiyam viharati jetavane Anathapindikassa arame . tena kho pana samayena sambahula bhikkhuniyo kosalesu janapadesu savatthim gacchanta sayam annataram gamam upagantva annataram brahmanakulam upasankamitva okasam yacimsu . atha kho ^[1]- brahmani ta bhikkhuniyo etadavoca agametha ayye yava brahmano agacchatiti . bhikkhuniyo yava brahmano agacchatiti seyyam santharitva ekacca nisidimsu ekacca nipajjimsu . athakho so brahmano rattim agantva tam brahmanim etadavoca ka imati . bhikkhuniyo ayyati . Nikkaddhatha ima munda bandhakiniyoti gharato nikkaddhapesi. {205.1} Athakho ta bhikkhuniyo savatthim gantva bhikkhuninam etamattham arocesum . ya ta bhikkhuniyo appiccha .pe. ta ujjhayanti khiyanti vipacenti katham hi nama bhikkhuniyo vikale kulani upasankamitva samike anapuccha seyyam santharitva va ^2- santharapetva ^3- va abhinisidissantipi abhinipajjissantipiti .pe. saccam kira bhikkhave bhikkhuniyo vikale kulani upasankamitva samike anapuccha seyyam santharitva va santharapetva va abhinisidantipi abhinipajjantipiti . Saccam bhagavati . vigarahi buddho bhagava katham hi nama bhikkhave bhikkhuniyo vikale kulani upasankamitva samike anapuccha seyyam santharitva va santharapetva va abhinisidissantipi abhinipajjissantipi netam bhikkhave appasannanam va pasadaya .pe. evanca pana bhikkhave @Footnote: ¹ Ma. Yu. sati pathapadam dissati. 2-3 Ma. Yu. pathadvayam natthi. annatthapi evam @natabbam. Bhikkhuniyo imam sikkhapadam uddisantu {205.2} ya pana bhikkhuni vikale kulani upasankamitva samike anapuccha seyyam santharitva va santharapetva va abhinisideyya va abhinipajjeyya va pacittiyanti. [206] Ya panati ya yadisa .pe. bhikkhuniti .pe. ayam imasmim atthe adhippeta bhikkhuniti . vikalo nama atthangate suriye yava arunuggamana . kulam nama cattari kulani khattiyakulam brahmanakulam vessakulam suddakulam . upasankamitvati tattha gantva . Samike anapucchati yo tasmim kule manusso samiko datum tam anapuccha . seyyam nama antamaso pannasantharopi . santharitvati sayam santharitva . santharapetvati annam santharapetva . Abhinisideyyati tasmim abhinisidati apatti pacittiyassa . Abhinipajjeyyati tasmim abhinipajjati apatti pacittiyassa. [207] Anapucchite anapucchitasanna seyyam santharitva va santharapetva va abhinisidati va abhinipajjati va apatti pacittiyassa. Anapucchite vematika seyyam santharitva va santharapetva va abhinisidati va abhinipajjati va apatti pacittiyassa . Anapucchite apucchitasanna seyyam santharitva va santharapetva va abhinisidati va abhinipajjati va apatti pacittiyassa . apucchite anapucchitasanna apatti dukkatassa . apucchite vematika apatti dukkatassa. Apucchite apucchitasanna anapatti. [208] Anapatti apuccha seyyam santharitva va santharapetva va abhinisidati va abhinipajjati va gilanaya apadasu ummattikaya adikammikayati. ---------

The Pali Tipitaka in Roman Character Volume 3 page 122-125. https://84000.org/tipitaka/read/roman_read.php?B=3&A=2445&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=2445&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=205&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=45 Study Atthakatha :- https://84000.org/tipitaka/attha/attha.php?b=3&i=205 The Pali Atthakatha in Thai :- https://84000.org/tipitaka/atthapali/read_th.php?B=2&A=11430 The Pali Atthakatha in Roman :- https://84000.org/tipitaka/atthapali/read_rm.php?B=2&A=11430 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3