PaliRoman Vol.3

Cittagaravaggassa pathamasikkhapadam [295] Tena samayena buddho bhagava savatthiyam viharati jetavane anathapindikassa arame . tena kho pana samayena ranno pasenadissa kosalassa ^2- uyyane cittagare patibhanacittam katam hoti . bahu manussa cittagaram dassanaya gacchanti . chabbaggiyapi bhikkhuniyo cittagaram dassanaya agamamsu . manussa ujjhayanti khiyanti vipacenti katham hi nama bhikkhuniyo cittagaram dassanaya gacchissanti seyyathapi gihiniyo kamabhoginiyoti ^3- . assosum kho bhikkhuniyo tesam manussanam ujjhayantanam khiyantanam vipacentanam. {295.1} Ya ta bhikkhuniyo appiccha .pe. ta ujjhayanti khiyanti vipacenti katham hi nama chabbaggiya bhikkhuniyo cittagaram dassanaya gacchissantiti .pe. saccam kira bhikkhave chabbaggiya @Footnote: ¹ Ma. Yu. chappancayojananipiti dissati. ² Ma. Yu. pasenadikosalassa. @³ Ma. Yu. gihikamabhoginiyoti evam sabbattha natabbam. Bhikkhuniyo cittagaram dassanaya gacchantiti . saccam bhagavati . Vigarahi buddho bhagava katham hi nama bhikkhave chabbaggiya bhikkhuniyo cittagaram dassanaya gacchissanti netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {295.2} ya pana bhikkhuni rajagaram va cittagaram va aramam va uyyanam va pokkharanim va dassanaya gaccheyya pacittiyanti. [296] Ya panati ya yadisa .pe. bhikkhuniti .pe. ayam imasmim atthe adhippeta bhikkhuniti . rajagaram nama yattha katthaci ranno kilitum ramitum katam hoti . cittagaram nama yattha katthaci manussanam kilitum ramitum katam hoti . aramo nama yattha katthaci manussanam kilitum ramitum kato hoti . uyyanam nama yattha katthaci manussanam kilitum ramitum katam hoti . pokkharani nama yattha katthaci manussanam kilitum ramitum kata hoti. {296.1} Dassanaya gacchati apatti dukkatassa yattha thita passati apatti pacittiyassa . dassanupacaram vijahitva punappunam passati apatti pacittiyassa . ekamekam dassanaya gacchati apatti dukkatassa yattha thita passati apatti pacittiyassa . dassanupacaram vijahitva punappunam passati apatti pacittiyassa. [297] Anapatti arame thita passati gacchanti va agacchanti Va passati sati karaniye gantva passati apadasu ummattikaya adikammikayati. -------

The Pali Tipitaka in Roman Character Volume 3 page 164-166. https://84000.org/tipitaka/read/roman_read.php?B=3&A=3304&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=3304&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=295&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=69 Study Atthakatha :- https://84000.org/tipitaka/attha/attha.php?b=3&i=295 The Pali Atthakatha in Thai :- https://84000.org/tipitaka/atthapali/read_th.php?B=2&A=11591 The Pali Atthakatha in Roman :- https://84000.org/tipitaka/atthapali/read_rm.php?B=2&A=11591 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3