บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
Cittagaravaggassa sattamasikkhapadam [314] Tena samayena buddho bhagava savatthiyam viharati jetavane anathapindikassa arame . tena kho pana samayena thullananda bhikkhuni avasathacivaram anissajjitva paribhunjati . anna utuniyo bhikkhuniyo na labhanti . ya ta bhikkhuniyo appiccha .pe. ta ujjhayanti khiyanti vipacenti katham hi nama ayya thullananda avasathacivaram anissajjitva paribhunjissatiti .pe. saccam kira bhikkhave thullananda bhikkhuni avasathacivaram anissajjitva paribhunjatiti . Saccam bhagavati. {314.1} Vigarahi buddho bhagava katham hi nama bhikkhave thullananda bhikkhuni avasathacivaram anissajjitva paribhunjissati netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu ya pana bhikkhuni avasathacivaram anissajjitva paribhunjeyya pacittiyanti. [315] Ya panati ya yadisa .pe. bhikkhuniti .pe. ayam imasmim atthe adhippeta bhikkhuniti . avasathacivaram nama utuniyo bhikkhuniyo paribhunjantuti dinnam hoti . anissajjitva paribhunjeyyati dve tisso rattiyo paribhunjitva catutthadivase dhovitva bhikkhuniya va sikkhamanaya va samaneriya va anissajjitva Paribhunjati apatti pacittiyassa. [316] Anissajjite anissajjitasanna paribhunjati apatti pacittiyassa . anissajjite vematika paribhunjati apatti pacittiyassa. Anissajjite nissajjitasanna paribhunjati apatti pacittiyassa . Nissajjite anissajjitasanna apatti dukkatassa . nissajjite vematika apatti dukkatassa. Nissajjite nissajjitasanna anapatti. [317] Anapatti nissajjitva paribhunjati puna pariyayena paribhunjati anna utuniyo bhikkhuniyo na honti acchinnacivarikaya natthacivarikaya apadasu ummattikaya adikammikayati. ---------The Pali Tipitaka in Roman Character Volume 3 page 173-174. https://84000.org/tipitaka/read/roman_read.php?B=3&A=3481&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=3481&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=314&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=75 Study Atthakatha :- https://84000.org/tipitaka/attha/attha.php?b=3&i=314 The Pali Atthakatha in Thai :- https://84000.org/tipitaka/atthapali/read_th.php?B=2&A=11643 The Pali Atthakatha in Roman :- https://84000.org/tipitaka/atthapali/read_rm.php?B=2&A=11643 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]