บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
Sattamasanghadisesam [61] Tena samayena buddho bhagava savatthiyam viharati jetavane anathapindikassa arame . tena kho pana samayena candakali bhikkhuni bhikkhunihi saddhim bhanditva kupita anattamana evam vadeti buddham paccacikkhami dhammam paccacikkhami sangham paccacikkhami sikkham paccacikkhami kinnuma va samaniyo ya samaniyo sakyadhitaro santannapi samaniyo lajjiniyo kukkuccika sikkhakama tasaham santike brahmacariyam carissamiti. {61.1} Ya ta bhikkhuniyo appiccha .pe. ta ujjhayanti khiyanti vipacenti katham hi nama ayya candakali kupita anattamana evam vakkhati buddham paccacikkhami .pe. sikkham paccacikkhami kinnuma va samaniyo ya samaniyo sakyadhitaro santannapi samaniyo lajjiniyo kukkuccika sikkhakama tasaham santike brahmacariyam carissamiti . .pe. saccam kira bhikkhave candakali bhikkhuni kupita anattamana evam vadeti buddham paccacikkhami .pe. sikkham paccacikkhami kinnuma va samaniyo ya samaniyo sakyadhitaro santannapi samaniyo lajjiniyo kukkuccika sikkhakama tasaham santike brahmacariyam Carissamiti . saccam bhagavati . vigarahi buddho bhagava katham hi nama bhikkhave candakali bhikkhuni kupita anattamana evam vakkhati buddham paccacikkhami .pe. sikkham paccacikkhami kinnuma va samaniyo ya samaniyo sakyadhitaro santannapi samaniyo lajjiniyo kukkuccika sikkhakama tasaham santike brahmacariyam carissamiti netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {61.2} ya pana bhikkhuni kupita anattamana evam vadeyya buddham paccacikkhami .pe. sikkham paccacikkhami kinnuma va samaniyo ya samaniyo sakyadhitaro santannapi samaniyo lajjiniyo kukkuccika sikkhakama tasaham santike brahmacariyam carissamiti . sa bhikkhuni bhikkhunihi evamassa vacaniya mayye kupita anattamana evam avaca buddham paccacikkhami .pe. sikkham paccacikkhami kinnuma va samaniyo ya samaniyo sakyadhitaro santannapi samaniyo lajjiniyo kukkuccika sikkhakama tasaham santike brahmacariyam carissamiti . abhiramayye svakkhato dhammo cara brahmacariyam samma dukkhassa antakiriyayati . evanca sa bhikkhuni bhikkhunihi vuccamana tatheva pagganheyya sa bhikkhuni bhikkhunihi yavatatiyam samanubhasitabba tassa patinissaggaya . yavatatiyance samanubhasiyamana tam patinissajjeyya iccetam kusalam no ce Patinissajjeyya ayampi bhikkhuni yavatatiyakam dhammam apanna nissaraniyam sanghadisesanti. [62] Ya panati ya yadisa .pe. Bhikkhuniti .pe. Ayam imasmim atthe adhippeta bhikkhuniti . kupita anattamanati anabhiraddha ahatacitta khilajata . evam vadeyyati buddham paccacikkhami .pe. sikkham paccacikkhami kinnuma va samaniyo ya samaniyo sakyadhitaro santannapi samaniyo lajjiniyo kukkuccika sikkhakama tasaham santike brahmacariyam carissamiti. [63] Sa bhikkhuniti ya sa evamvadini bhikkhuni . bhikkhunihiti annahi bhikkhunihi . ya passanti ya sunanti tahi vattabba mayye kupita anattamana evam avaca buddham paccacikkhami .pe. sikkham paccacikkhami kinnuma va samaniyo ya samaniyo sakyadhitaro santannapi samaniyo lajjiniyo kukkuccika sikkhakama tasaham santike brahmacariyam carissamiti . Abhiramayye svakkhato dhammo cara brahmacariyam samma dukkhassa antakiriyayati . dutiyampi vattabba tatiyampi vattabba . Sace patinissajjati iccetam kusalam no ce patinissajjati apatti dukkatassa . sutva na vadanti apatti dukkatassa . sa bhikkhuni sanghamajjhampi akaddhitva vattabba mayye kupita anattamana evam avaca buddham paccacikkhami .pe. sikkham Paccacikkhami kinnuma va samaniyo ya samaniyo sakyadhitaro santannapi samaniyo lajjiniyo kukkuccika sikkhakama tasaham santike brahmacariyam carissamiti . abhiramayye svakkhato dhammo cara brahmacariyam samma dukkhassa antakiriyayati . Dutiyampi vattabba tatiyampi vattabba . sace patinissajjati iccetam kusalam no ce patinissajjati apatti dukkatassa. [64] Sa bhikkhuni samanubhasitabba . evanca pana bhikkhave samanubhasitabba . byattaya bhikkhuniya patibalaya sangho napetabbo {64.1} sunatu me ayye sangho ayam itthannama bhikkhuni kupita anattamana evam vadeti buddham paccacikkhami dhammam paccacikkhami sangham paccacikkhami sikkham paccacikkhami kinnuma va samaniyo ya samaniyo sakyadhitaro santannapi samaniyo lajjiniyo kukkuccika sikkhakama tasaham santike brahmacariyam carissamiti . sa tam vatthum nappatinissajjati . yadi sanghassa pattakallam sangho itthannamam bhikkhunim samanubhaseyya tassa vatthussa patinissaggaya. Esa natti. {64.2} Sunatu me ayye sangho ayam itthannama bhikkhuni kupita anattamana evam vadeti buddham paccacikkhami dhammam paccacikkhami sangham paccacikkhami sikkham paccacikkhami kinnuma va samaniyo ya samaniyo sakyadhitaro santannapi samaniyo lajjiniyo kukkuccika sikkhakama Tasaham santike brahmacariyam carissamiti . Sa tam vatthum nappatinissajjati. Sangho itthannamam bhikkhunim samanubhasati tassa vatthussa patinissaggaya . Yassa ayyaya khamati itthannamaya bhikkhuniya samanubhasana tassa vatthussa patinissaggaya sa tunhassa yassa nakkhamati sa bhaseyya. {64.3} Dutiyampi etamattham vadami .pe. tatiyampi etamattham vadami .pe. samanubhattha sanghena itthannama bhikkhuni tassa vatthussa patinissaggaya. Khamati sanghassa tasma tunhi. Evametam dharayamiti. [65] Nattiya dukkatam dvihi kammavacahi thullaccaya kammavaca- pariyosane apatti sanghadisesassa . sanghadisesam ajjhapajjantiya nattiya dukkatam dvihi kammavacahi thullaccaya patippassambhanti. [66] Ayampiti purimayo upadaya vuccati. Yavatatiyakanti yavatatiyam samanubhasanaya apajjati na saha vatthujjhacara . nissaraniyanti sanghamha nissariyati. Sanghadisesoti .pe. Tenapi vuccati sanghadisesoti. [67] Dhammakamme dhammakammasanna nappatinissajjati apatti sanghadisesassa . dhammakamme vematika nappatinissajjati apatti sanghadisesassa dhammakamme adhammakammasanna nappatinissajjati apatti sanghadisesassa . adhammakamme dhammakammasanna apatti Dukkatassa . adhammakamme vematika apatti dukkatassa . Adhammakamme adhammakammasanna apatti dukkatassa. [68] Anapatti asamanubhasantiya patinissajjantiya ummattikaya adikammikayati. -------The Pali Tipitaka in Roman Character Volume 3 page 44-49. https://84000.org/tipitaka/read/roman_read.php?B=3&A=849&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=849&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=61&items=8 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=11 Study Atthakatha :- https://84000.org/tipitaka/attha/attha.php?b=3&i=61 The Pali Atthakatha in Thai :- https://84000.org/tipitaka/atthapali/read_th.php?B=2&A=11086 The Pali Atthakatha in Roman :- https://84000.org/tipitaka/atthapali/read_rm.php?B=2&A=11086 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]