|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 30 : PALI ROMAN Sutta Pitaka Vol 22 : Sutta. Khu. Cūḷaniddeso
Suttantapitake khuddakanikayassa culaniddeso ------------ namo tassa bhagavato arahato sammasambuddhassa. Parayanavaggo vatthugatha [1] Kosalanam pura ramma agama dakkhinapatham akincannam patthayano brahmano mantaparagu. [2] So assakassa visaye mulakassa 1- samasane vasi 2- godhavarikule unchena ca phalena ca. [3] Tasseva upanissaya gamo ca vipulo ahu tato jatena ayena mahayannam akappayi. [4] Mahayannam yajitvana puna pavisi assamam tasmim patipavitthamhi anno aganchi brahmano. [5] Ugghattapado tasito pankadanto rajassiro @Footnote: 1 Ma. malakassa. Yu. alakassa. 2 Ma. vasi. So ca nam upasankamma satani panca yacati. [6] Tamenam bavari disva asanena nimantayi sukhanca kusalam pucchi idam vacanamabravi. [7] Yam kho mamam deyyadhammam sabbam visajjitam maya anujanahi me brahme natthi panca satani me. [8] Sace me yacamanassa bhavam nanuppadassati sattame divase tuyham muddha phalatu sattadha. [9] Abhisankharitva kuhako bheravam so akittayi tassa tam vacanam sutva bavari dukkhito ahu. [10] Ussussati anaharo sokasallasamappito athopi evamcittassa jahane 1- na ramati mano. [11] Utrastam dukkhitam disva devata atthakamini bavarim upasankamma idam vacanamabravi. [12] Na so muddham pajanati kuhako so dhanatthiko muddhani muddhadhipate 2- va nanam tassa na vijjati. [13] Pahoti 3- carahi janati tamme akkhahi pucchita muddham muddhadhipatanca tam sunoma vaco tava. [14] Ahampetam na janami nanammettha 4- na vijjati muddham muddhadhipato 5- ca jinanam heta dassanam 6-. @Footnote: 1 Ma. jhane. 2 Ma. muddhapate. 3 Ma. Yu. bhoti. 4 Ma. nanam mettha. @5 Ma. muddhadhipate ca. 6 Ma. hettha dassanam. [15] Atha ko carahi janati asmim pathavimandale 1- muddham muddhadhipatanca tamme akkhahi devate. [16] Pura kapilavatthumha nikkhanto lokanayako apacco okkakarajassa sakyaputto pabhankaro. [17] So hi brahmana sambuddho sabbadhammana paragu sabbabhinnabalappatto sabbadhammesu cakkhuma sabbadhammakkhayam 2- patto vimutto upadhikkhaye. [18] Buddho so bhagava loke dhammam deseti cakkhuma tam tvam gantvana pucchassu so te tam byakarissati. [19] Sambuddhoti vaco sutva udaggo bavari ahu sokassa tanuko asi pitinca vipulam labhi. [20] So bavari attamano udaggo tam devatam pucchati vedajato katamamhi game nigamamhi va pana katamamhi va janapade lokanatho yattha gantva namassemu 3- sambuddham dipaduttamam 4-. [21] Savatthiyam kosalamandire jino pahutapanno varabhurimedhaso so sakyaputto vidhuro anasavo @Footnote: 1 Ma. pathavimandale. Si. puthavimandale. 2 Ma. sabbakammakkhayam. @3 Ma. passemu. 4 Ma. sabbattha dvipaduttamam. Muddhadhipatassa vidu narasabho. [22] Tato amantayi sisse brahmane mantaparage 1- etha manava akkhissam sunotha vacanam mama. [23] Yasseso dullabho loke patubhavo abhinhaso svajja lokamhi uppanno sambuddho iti vissuto khippam gantvana savatthim passavho dipaduttamam. [24] Katham carahi janemu disva buddhoti brahmana ajanatam no pabruhi yatha janemu tam mayam. [25] Agatani hi mantesu mahapurisalakkhana dvattimsa ca byakhyata 2- samatta anupubbaso. [26] Yassete honti gattesu mahapurisalakkhana duveva 3- tassa gatiyo tatiya hi na vijjati. [27] Sace agaram avasati vijeyya pathavim imam adandena asatthena dhammenamanusasati 4-. [28] Sace ca so pabbajati agara anagariyam vivatacchado 5- sambuddho araha bhavati anuttaro. [29] Jatim gottanca lakkhanam mante sisse punapare muddham muddhadhipatanca manasayeva pucchatha. [30] Anavaranadassavi yadi buddho bhavissati manasa pucchite panhe vacaya vissajessati 6-. @Footnote: 1 Ma. mantaparagu. 2 Ma. dvattimsani ca byakkhata. 3 Ma. dveyeva. @4 Ma. dhammena anusasati. 5 Si. vivattacchaddo. Ma. vivattacchado. @6 Ma. visajjissati. [31] Bavarissa vaco sutva sissa solasa brahmana ajito tissametteyyo punnako atha mettagu. [32] Dhotako upasivo ca nando ca atha hemako todeyyakappa dubhayo jatukanni ca pandito. [33] Bhadravudho udayo ca posalo capi brahmano mogharaja ca medhavi pingiyo ca mahaisi. [34] Paccekaganino sabbe sabbalokassa vissuta jhayi jhanarata dhira pubbavasanavasita. [35] Bavarim abhivadetva katva ca nam padakkhinam jatajinadhara sabbe pakkamum uttaramukha. [36] Mulakassa 1- patitthanam purimam mahissatim 2- tada ujjenincapi gonaddham vedisam vanasavhayam. [37] Kosambincapi saketam savatthinca puruttamam setabyam kapilavatthum kusinaranca mandiram. [38] Pavanca bhoganagaram vesalim magadham puram pasanakam cetiyanca ramaniyam manoramam. [39] Tasito vudakam sitam mahalabhamva vanijo chayam ghammabhitattova turita pabbatamaruhum. [40] Bhagava ca 3- tamhi samaye bhikkhusanghapurakkhato bhikkhunam dhammam deseti sihova nadati vane. @Footnote: 1 Ma. malakassa. 2 Ma. puramahissatim. 3 Ma. casaddo natthi. [41] Ajito addasa sambuddham 1- vitaramsimva 2- bhanumam candam yatha pannarase paripurim 3- upagatam. [42] Athassa gatte disvana paripuranca byanjanam ekamantam thito hattho manopanhe apucchatha. [43] Adissa jammanam bruhi gottam bruhi salakkhanam mantesu paramim bruhi kati vaceti brahmano. [44] Visam vassasatam ayu so ca gottena bavari tinassa 4- lakkhana gatte tinnam vedana paragu. [45] Lakkhane itihase ca sanighandusaketubhe pancasatani vaceti sadhamme paramim gato. [46] Lakkhananam pavicayam bavarissa naruttama tanhacchida pakasehi ma no kankhayitam ahu. [47] Mukham jivhaya chadeti unnassa bhamukantare kosohitam vatthaguyham evam janahi manava. [48] Puccham hi kanci 5- asunanto sutva panhe viyakate vicinteti jano sabbo vedajato katanjali 6-. [49] Ko nu devova 7- brahma va indo vapi sujampati manasa pucchite panhe kametam patibhasati. [50] Muddham muddhadhipatanca bavari paripucchati tam byakarohi bhagava kankham vinaya no ise. @Footnote: 1 Ma. buddham. 2 Ma. pitaramsimva. 3 Ma. paripuram. 4 Ma. tinissa. @5 Ma. kinci. 6 Ma. katanjali. 7 Ma. devo va. [51] Avijja muddhati janahi vijja muddhadhipatini saddhasatisamadhihi chandaviriyena 1- samyuta. [52] Tato vedena mahata santhambhitvana 2- manavo ekamsam ajinam katva padesu sirasa pati. [53] Bavari brahmano koto saha sissehi marisa udaggacitto sumano pade vandati cakkhuma. [54] Sukhito bavari hotu saha sissehi brahmano tvancapi sukhito hohi ciram jivahi manava. [55] Bavarissa ca tuyham va sabbesam sabbasamsayam katavakasa pucchavho yankinci manasicchatha. [56] Sambuddhena katokaso nisiditvana panjali 3- ajito pathamam panham tattha pucchi tathagatam. Vatthugatha nitthita. [4]- ------------- @Footnote: 1 Ma. sabbattha chandaviriyena. 2 Ma. santhambhetvana. 3 Ma. panjali. evamupari. @4 Ma. etthantare ajitamanavapucchaya patathaya yava parayananugitigathapariyosana sabbesam @manavakananceva buddhassaca panhapucchavisajjanam atthi. syamapotthake panetam natthi.The Pali Tipitaka in Roman Character Volume 30 page 1-7. https://84000.org/tipitaka/read/roman_read.php?B=30&A=1&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=30&A=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=30&item=1&items=56 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=30&siri=1 Study Atthakatha :- https://84000.org/tipitaka/attha/attha.php?b=30&i=1 Contents of The Tipitaka Volume 30 https://84000.org/tipitaka/read/?index_30 https://84000.org/tipitaka/english/?index_30
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]