PaliRoman Vol.30

[445] Upekkhasatisamsuddham dhammatakkapurejavam annavimokkham sambrumi avijjaya pabhedanam. [446] Upekkhasatisamsuddhanti upekkhati ya catutthajjhane upekkha upekkhana ajjhupekkhana cittasamatho cittappasadata ^1- majjhattata cittassa . satiti ya catutthajjhane upekkham arabbha sati anussati .pe. sammasatiti ^2- upekkhasati . samsuddhanti catutthajjhane upekkha ca sati ca suddha honti ^[3]- samsuddha ^[4]- pariyodata anangana vigatupakkilesa mudubhuta kammaniya thita anenjappattati upekkhasatisamsuddham. [447] Dhammatakkapurejavanti dhammatakko vuccati sammasankappo . @Footnote: ¹ Ma. cittasamata ittappassaddhata. ² Ma. itisaddo natthi. ³ Ma. visuddha. @⁴ Ma. parisuddha. So adito hoti purato hoti pubbangamo hoti annavimokkhassati evampi dhammatakkapurejavam . athava dhammatakko vuccati sammaditthi . sa adito hoti purato hoti pubbangama hoti annavimokkhassati evampi dhammatakkapurejavam . athava dhammatakko vuccati catunnam magganam pubbabhage vipassana . sa adito hoti purato hoti pubbangama hoti annavimokkhassati evampi dhammatakkapurejavam. [448] Annavimokkham sambrumiti annavimokkho vuccati arahattavimokkho . arahattavimokkham sambrumi acikkhami desemi pannapemi patthapemi vivarami vibhajami uttanikaromiti ^[1]- annavimokkham sambrumi. [449] Avijjaya pabhedananti avijjayati dukkhe ananam .pe. Avijjalangi moho akusalamulam . avijjaya pabhedananti avijjaya bhedanam pabhedanam pahanam vupasamo patinissaggo patippassaddhi amatam nibbananti avijjaya pabhedanam. Tenaha bhagava upekkhasatisamsuddham dhammatakkapurejavam annavimokkham sambrumi avijjaya pabhedananti. [450] Kimsusannojano loko kimsu tassa vicaranam kissassa vippahanena nibbanam iti vuccati. [451] Kimsusannojano lokoti kim lokassa samyojanam @Footnote: ¹ Ma. uttanikaromi pakasemiti. Lagganam bandhanam upakkileso kena loko yutto payutto ayutto samayutto laggo laggito palibuddhoti kimsusannojano loko. [452] Kimsu tassa vicarananti kim tassa caranam vicaranam pativicaranam kena loko carati vicarati pativicaratiti kimsu tassa vicaranam. [453] Kissassa vippahanena nibbanam iti vuccatiti kissassa vippahanena vupasamena patinissaggena patippassaddhiya nibbanam iti vuccati pavuccati kathiyati bhaniyati dipiyati vohariyatiti ^1- kissassa vippahanena nibbanam iti vuccati. Tenaha so brahmano kimsusannojano loko kimsu tassa vicaranam kissassa vippahanena nibbanam iti vuccatiti. [454] Nandisannojano loko vitakkassa vicarana tanhaya vippahanena nibbanam iti vuccati. [455] Nandisannojano lokoti nandi vuccati tanha yo rago sarago .pe. abhijjha lobho akusalamulam . ya nandi lokassa sannojanam lagganam bandhanam upakkileso imaya nandiya loko yutto payutto ayutto samayutto laggo laggito palibuddhoti nandisannojano loko. [456] Vitakkassa vicaranati vitakkati nava vitakka kamavitakko byapadavitakko vihimsavitakko nativitakko @Footnote: ¹ Ma. kathiyati bhaniyati dipiyati vohariyatiti. evamuparipi. Janapadavitakko amaravitakko paranuddayatapatisamyutto vitakko labhasakkarasilokapatisamyutto vitakko anavannattipatisamyutto vitakko ime vuccanti nava vitakka . ime nava vitakka assa lokassa carana vicarana pativicarana imehi navahi vitakkehi so loko carati vicarati pativicaratiti vitakkassa vicarana. [457] Tanhaya vippahanena nibbanam iti vuccatiti tanhayati rupatanha saddatanha gandhatanha rasatanha photthabbatanha dhammatanha . tanhaya vippahanena nibbanam iti vuccatiti tanhaya vippahanena vupasamena patinissaggena patippassaddhiya nibbanam iti vuccati pavuccati kathiyati bhaniyati dipiyati vohariyatiti tanhaya vippahanena nibbanam iti vuccati . tenaha bhagava nandisannojano loko vitakkassa vicarana tanhaya vippahanena nibbanam iti vuccatiti. [458] Kathamsatassa carato vinnanam uparujjhati bhagavantam putthumagamha tam sunoma vaco tava. [459] Kathamsatassa caratoti kathamsatassa sampajanassa carato vicarato iriyato vattayato palayato yapayato yapayatoti kathamsatassa carato [460] Vinnanam uparujjhatiti vinnanam nirujjhati vupasammati Attham gacchati patippassambhatiti vinnanam uparujjhati. [461] Bhagavantam putthumagamhati buddham bhagavantam putthum pucchitum yacitum ajjhesitum pasadetum agamha agatamha upagatamha sampattamha taya saddhim samagatamhati bhagavantam putthumagamha. [462] Tam sunoma vaco tavati tanti tuyham vacanam byapatham desanam anusandhim sunoma ugganhama upadharema upalakkhemati tam sunoma vaco tava. Tenaha so brahmano kathamsatassa carato vinnanam uparujjhati bhagavantam putthumagamha tam sunoma vaco tavati. [463] Ajjhattanca bahiddha ca vedanam nabhinandato evamsatassa carato vinnanam uparujjhati. [464] Ajjhattanca bahiddha ca vedanam nabhinandatoti ajjhattam vedanasu vedananupassi viharanto vedanam nabhinandati nabhivadati na ajjhosaya ^1- titthati abhinandanam abhivadanam ajjhosanam gaham paramasam abhinivesam pajahati vinodeti byantikaroti anabhavangameti . Bahiddha vedanasu vedananupassi viharanto vedanam nabhinandati nabhivadati na ajjhosaya titthati abhinandanam abhivadanam ajjhosanam gaham paramasam abhinivesam pajahati vinodeti byantikaroti anabhavangameti. Ajjhattabahiddha vedanasu vedananupassi viharanto vedanam nabhinandati nabhivadati na ajjhosaya titthati abhinandanam abhivadanam ajjhosanam @Footnote: ¹ Ma. ajjhoseti. evamuparipi. Gaham paramasam abhinivesam pajahati vinodeti byantikaroti anabhavangameti . ajjhattam samudayadhammanupassi vedanasu ^[1]- viharanto ajjhattam vayadhammanupassi vedanasu viharanto ajjhattam samudayavayadhammanupassi vedanasu viharanto bahiddha samudayadhammanupassi vedanasu viharanto bahiddha vayadhammanupassi vedanasu viharanto bahiddha samudayavayadhammanupassi vedanasu viharanto ajjhattabahiddha samudayadhammanupassi vedanasu viharanto ajjhattabahiddha vayadhammanupassi vedanasu viharanto ajjhattabahiddha samudayavaya- dhammanupassi vedanasu viharanto vedanam nabhinandati nabhivadati na ajjhosaya titthati abhinandanam abhivadanam ajjhosanam gaham paramasam abhinivesam pajahati vinodeti byantikaroti anabhavangameti. {464.1} Imehi dvadasahakarehi vedanasu vedananupassi viharanto vedanam nabhinandati nabhivadati na ajjhosaya titthati abhinandanam abhivadanam ajjhosanam .pe. anabhavangameti . athava vedanam aniccato passanto vedanam nabhinandati nabhivadati na ajjhosaya titthati abhinandanam abhivadanam ajjhosanam gaham paramasam abhinivesam pajahati vinodeti byantikaroti anabhavangameti . vedanam dukkhato rogato gandato sallato aghato abadhato .pe. Anissaranato passanto vedanam nabhinandati nabhivadati na ajjhosaya titthati abhinandanam abhivadanam ajjhosanam gaham paramasam abhinivesam pajahati @Footnote: ¹ Ma. vedananupassi. evamidisesu padesu. Vinodeti byantikaroti anabhavangameti . imehi dvacattalisaya ^1- akarehi vedanasu vedananupassi viharanto vedanam nabhinandati nabhivadati na ajjhosaya titthati abhinandanam abhivadanam ajjhosanam gaham paramasam abhinivesam pajahati vinodeti byantikaroti anabhavangametiti ajjhattanca bahiddha ca vedanam nabhinandato. [465] Evamsatassa caratoti evamsatassa sampajanassa carato vicarato iriyato vattayato palayato yapayato yapayatoti evamsatassa carato. [466] Vinnanam uparujjhatiti punnabhisankharasahagatam vinnanam apunnabhisankharasahagatam vinnanam anenjabhisankharasahagatam vinnanam nirujjhati vupasammati attham gacchati patippassambhatiti vinnanam uparujjhati. Tenaha bhagava ajjhattanca bahiddha ca vedanam nabhinandato evamsatassa carato vinnanam uparujjhatiti. Saha gathapariyosana .pe. Sattha me bhante bhagava savakohamasmiti. Udayamanavakapanhaniddeso terasamo. ------------ @Footnote: ¹ Ma. cattalisaya.

The Pali Tipitaka in Roman Character Volume 30 page 214-220. https://84000.org/tipitaka/read/roman_read.php?B=30&A=4445&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=30&A=4445&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=30&item=445&items=22 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=30&siri=14 Study Atthakatha :- https://84000.org/tipitaka/attha/attha.php?b=30&i=433 The Pali Atthakatha in Thai :- https://84000.org/tipitaka/atthapali/read_th.php?B=46&A=1170 The Pali Atthakatha in Roman :- https://84000.org/tipitaka/atthapali/read_rm.php?B=46&A=1170 Contents of The Tipitaka Volume 30 https://84000.org/tipitaka/read/?index_30 https://84000.org/tipitaka/english/?index_30