ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 30 : PALI ROMAN Sutta Pitaka Vol 22 : Sutta. Khu. Cūḷaniddeso

                  Punnakamanavakapanhaniddeso
     [116] Anejam muladassavim (iccayasma punnako)
                     atthi panhena agamam
                     kim nissita isayo manuja
                     khattiya brahmana devatanam
                     yannamakappimsu 1- puthudha loke
                     pucchami tam bhagava bruhi me tam.
     [117]   Anejam   muladassavinti   eja   vuccati   tanha   yo
rago   sarago   .pe.   abhijjha  lobho  akusalamulam  .  sa  eja
tanha    buddhassa    bhagavato    pahina    ucchinnamula   talavatthukata
anabhavangata   ayatim   anuppadadhamma   tasma   buddho   anejo  .
Ejaya   pahinatta   anejo  .  bhagava  labhepi  na  injati  alabhepi
na   injati   yasepi   na   injati   ayasepi   na  injati  pasamsayapi  na
injati   nindayapi   na   injati  sukhepi  na  injati  dukkhepi  na  injati
na   calati   na   vedhati   nappavedhatiti  anejam  .  muladassavinti  bhagava
muladassavi  hetudassavi  nidanadassavi sambhavadassavi [2]- samutthanadassavi
aharadassavi arammanadassavi paccayadassavi samudayadassavi.
     {117.1} Tini akusalamulani lobho akusalamulam doso akusalamulam
moho    akusalamulam    .    vuttanhetam    bhagavata   tinimani   bhikkhave
@Footnote: 1 Ma. yannamakappayimsu. 2 Ma. pabhavadassavi. evamuparipi.
Nidanani   kammanam  samudayaya  [1]-  lobho  nidanam  kammanam  samudayaya
doso   nidanam   kammanam   samudayaya  moho  nidanam  kammanam  samudayaya
na   bhikkhave   lobhajena  kammena  dosajena  kammena  mohajena  kammena
deva    pannayanti    manussa    pannayanti    ya   va   panannapi
kaci   sugatiyo   athakho  bhikkhave  lobhajena  kammena  dosajena  kammena
mohajena    kammena    nirayo    pannayati    tiracchanayoni   pannayati
pittivisayo   pannayati   ya   va   panannapi   kaci  duggatiyo  niraye
tiracchanayoniyam     pittivisaye    attabhavabhinibbattiya    imani    tini
akusalamulaniti bhagava janati passati.
     {117.2}  Evampi  bhagava  muladassavi  .pe.  samudayadassavi .
Tini  kusalamulani  alobho  kusalamulam  adoso  kusalamulam  amoho  kusalamulam.
Vuttanhetam   bhagavata   tinimani  .pe.  na  bhikkhave  alobhajena  kammena
adosajena  kammena  amohajena  kammena  nirayo  pannayati  tiracchanayoni
pannayati    pittivisayo    pannayati    ya    va    panannapi   kaci
duggatiyo   athakho   bhikkhave   alobhajena   kammena  adosajena  kammena
amohajena   kammena   deva   pannayanti   manussa   pannayanti   ya
va  panannapi  kaci  sugatiyo  deve  ca manusse ca attabhavabhinibbattiya
imani     tini     kusalamulaniti     bhagava    janati    passati   .
Evampi bhagava muladassavi .pe. Samudayadassavi.
     {117.3}  Vuttanhetam  bhagavata  yekeci  bhikkhave  dhamma  akusala
akusalabhagiya akusalapakkhika
@Footnote: 1 Ma. katamani tini.
Pakkhika   sabbe  te  avijjamulaka  avijjasamosarana  avijjasamugghata
sabbe   te   samugghatam  gacchantiti  bhagava  janati  passati  .  evampi
bhagava   muladassavi   .pe.   samudayadassavi   .   vuttanhetam   bhagavata
yekeci   bhikkhave  dhamma  kusala  kusalabhagiya  kusalapakkhika  sabbe  te
appamadamulaka     appamadasamosarana    appamado    tesam    dhammanam
aggamakkhayatiti   bhagava  janati  passati  .  evampi  bhagava  muladassavi
.pe. Samudayadassavi.
     {117.4}  Athava  bhagava  janati  passati  avijja mulam sankharanam
sankhara   mulam   vinnanassa   vinnanam   mulam   namarupassa  namarupam  mulam
salayatanassa   salayatanam   mulam   phassassa  phasso  mulam  vedanaya  vedana
mulam    tanhaya   tanha   mulam   upadanassa   upadanam   mulam   bhavassa
bhavo   mulam   jatiya   jati   mulam   jaramaranassati   bhagava   janati
passati. Evampi bhagava muladassavi .pe. Samudayadassavi.
     {117.5} Vuttanhetam 1- bhagavata yekeci bhikkhave dhamma
akusala    akusalabhagiya    akusalapakkhika   sabbe   te   avijjamulaka
avijjasamosarana     avijjasamugghata     sabbe     te    samugghatam
gacchantiti   2-  bhagava  janati  passati  .  evampi  bhagava  muladassavi
hetudassavi      nidanadassavi      sambhavadassavi      samutthanadassavi
aharadassavi     arammanadassavi     paccayadassavi     samudayadassaviti
anejam   muladassavim   .   iccayasma   punnakoti  iccati  padasandhi .
Ayasmati piyavacanam.
@Footnote: 1-2 Ma. athava bhagava janati passati cakkhu mulam cakkhuroganam sotam mulam sotaroganam
@ghanam mulam ghanaroganam jivha mulam jivharoganam kayo mulam kayaroganam mano mulam
@cetasikanam dukkhananti.
Punnakoti tassa brahmanassa namam.
     [118]   Atthi   panhena   agamanti  panhatthikamha  1-  agata
panham   pucchitukamamha   agata   panham   sotukama   agatamhati  2-
evampi  atthi  panhena  agamam  .  athava panhatthikanam panham pucchitukamanam
panham    sotukamanam    agamam    abhikkamanam    upasankamanam    payirupasanam
atthiti    evampi   atthi   panhena   agamam   .   athava   panhagamo
tuyham   atthi   tvampi   pahu  visavi  alamatto  maya  pucchitum  3-  kathetum
visajjetum sandassetum 4- bhanitunti 5- evampi atthi panhena agamam.
     [119]   Kimnissita   isayo   manujati   kimnissitati   kim  nissita
asita    allina    upagata    ajjhosita   adhimutta   .   isayoti
isinamaka   yekeci   isipabbajjam  pabbajita  ajivaka  niggantha  jatila
tapasa. Manujati manussa vuccantiti kimnissita isayo manuja.
     [120]   Khattiya   brahmana   devatananti   khattiyati  yekeci
khattiyajatika   .   brahmanati   yekeci   bhovadika  .  devatananti
ajivakasavakanam    ajivaka    devata    nigganthasavakanam    niggantha
devata     jatilasavakanam     jatila     devata    paribbajakasavakanam
paribbajaka   devata   avaruddhakasavakanam  6-  avaruddhaka  7-  devata
hatthivatikanam   hatthi   devata   assavatikanam  assa  devata  govatikanam
gavo    devata    kukkuravatikanam    kukkura    devata   kakavatikanam
kaka   devata   vasudevavatikanam   vasudevo  devata  baladevavatikanam
@Footnote: 1-2 Ma. panhena atthiko agatomhi panham pucchitukamo agatomhi panham sotukamo
@agatomhiti. 3 Ma. pucchitam. 4-5 Ma. vahassetam bharanti. 6-7 Ma. aviruddha ....
Baladevo      devata     punnabhaddavatikanam     punnabhaddo     devata
manibhaddavatikanam    manibhaddo    devata    aggivatikanam   aggi   devata
nagavatikanam    naga    devata    supannavatikanam    supanna   devata
yakkhavatikanam     yakkha    devata    asuravatikanam    asura    devata
gandhabbavatikanam    gandhabba    devata    maharajavatikanam    maharaja
devata   candavatikanam   cando   devata   suriyavatikanam  suriyo  devata
indavatikanam    indo    devata    brahmavatikanam    brahma   devata
devavatikanam   deva   devata   disavatikanam  disa  devata  ye  yesam
dakkhineyya te tesam devatati khattiya brahmana devatanam.
     [121]    Yannamakappimsu   puthudha   loketi   yanno   1-   vuccati
deyyadhammo civarapindapatasenasanagilanapaccayabhesajjaparikkharam
annam    panam    vattham    yanam    malagandham    vilepanam   seyyavasatham
padipeyyam    .    yannamakappimsuti    yepi    yannam   esanti   gavesanti
pariyesanti civarapindapatasenasanagilanapaccayabhesajjaparikkharam
annam   panam   vattham   yanam   malagandham  vilepanam  seyyavasatham  padipeyyam
tepi     yannam     kappenti     .    yepi    yannam    abhisankharonti
civarapindapatasenasanagilanapaccayabhesajjaparikkharam        annam       panam
vattham    yanam    malagandham   vilepanam   seyyavasatham   padipeyyam   tepi
yannam    kappenti    .    yepi   yannam   denti   yajanti   pariccajanti
civarapindapatasenasanagilanapaccayabhesajjaparikkharam        annam       panam
@Footnote: 1 Ma. yannam. evamuparipi.
Vattham    yanam    malagandham   vilepanam   seyyavasatham   padipeyyam   tepi
yannam   kappenti   .   puthuti  yanna  va  ete  puthu  yannayajaka  1-
va   ete   puthu   dakkhineyya   va   ete   puthu  .  katham  yanna
va   ete   puthu  .  ete  yanna  puthu  2-  civarapindapatasenasana-
gilanapaccayabhesajjaparikkhara   annam   panam   vattham   yanam   malagandham
vilepanam seyyavasatham padipeyyam evam yanna va ete puthu.
     {121.1}   Katham  yannayajaka  va  ete  puthu  .  [3]-  ete
yannayajaka   puthu   khattiya   ca  brahmana  ca  vessa  ca  sudda  ca
gahattha   ca   pabbajita   ca  deva  ca  manussa  ca  evam  yannayajaka
va  ete puthu. Katham dakkhineyya va ete puthu. 4- Ete dakkhineyya
puthu   samanabrahmana   yacaka  vanibbaka  savaka  5-  evam  dakkhineyya
va ete puthu. Idha loketi manussaloketi yannamakappimsu puthudha loke.
     [122]   Pucchami   tam  bhagava  bruhi  me  tanti  pucchati  tisso
puccha    aditthajotana   puccha   ditthasamsandana   puccha   vimaticchedana
puccha.
     Katama   aditthajotana   puccha  .  pakatiya  lakkhanam  anatam  hoti
adittham   atulitam   atiritam   avibhavitam   avibhutam   tassa  nanaya  dassanaya
tulanaya    tiranaya    vibhavanatthaya   vibhutatthaya   panham   pucchati   ayam
aditthajotana puccha.
     {122.1}  Katama  ditthasamsandana  puccha. Pakatiya lakkhanam natam hoti
@Footnote: 1 Ma. yannayajaka. evamuparipi. 2 Ma. bahukanam ete yanna. 3-4 Ma. bahuka.
@5 Ma. kapanaddhikavanibbakayacaka.
Dittham    tulitam    tiritam    vibhavitam   vibhutam   annehi   panditehi   saddhim
samsandanatthaya panham pucchati ayam ditthasamsandana puccha.
     Katama  vimaticchedana  puccha  .  pakatiya  samsayam pakkhanno 1- hoti
vimatim  pakkhanno  2-  dvelhakajato  evam nu kho na nu kho kinnu kho kathamnu
khoti  so  vimaticchedanatthaya  panham  pucchati  ayam  vimaticchedana  puccha.
Ima tisso puccha.
     Aparapi tisso puccha manussapuccha amanussapuccha nimmitapuccha.
     {122.2}   Katama   manussapuccha   .   manussa   buddham  bhagavantam
upasankamitva   panham   3-  pucchanti  bhikkhu  pucchanti  bhikkhuniyo  pucchanti
upasaka   pucchanti   upasikayo   pucchanti  rajano  pucchanti  khattiya
pucchanti    brahmana   pucchanti   vessa   pucchanti   sudda   pucchanti
gahattha pucchanti pabbajita pucchanti ayam manussapuccha.
     {122.3}   Katama   amanussapuccha   .   amanussa  buddham  bhagavantam
upasankamitva    panham   pucchanti   naga   pucchanti   supanna   pucchanti
yakkha   pucchanti   asura   pucchanti   gandhabba   pucchanti  maharajano
pucchanti   inda   pucchanti   brahmano   pucchanti   devatayo  pucchanti
ayam amanussapuccha.
     {122.4}   Katama   nimmitapuccha  .  yam  bhagava  rupam  abhinimminati
manomayam   sabbangapaccangam   ahinindriyam   so   nimmito   buddham   bhagavantam
upasankamitva
@Footnote: 1-2 Ma. pakkhando. 3 Ma. ayam patho natthi.
Panham     pucchati     bhagava     visajjeti    ayam    nimmitapuccha   .
Ima tisso puccha.
     Aparapi     tisso     puccha     attatthapuccha     paratthapuccha
ubhayatthapuccha.
     {122.5}     Aparapi     tisso     puccha    ditthadhammikatthapuccha
samparayikatthapuccha paramatthapuccha.
     Aparapi    tisso    puccha   anavajjatthapuccha   nikkilesatthapuccha
vodanatthapuccha.
     Aparapi tisso puccha atitapuccha anagatapuccha paccuppannapuccha.
     Aparapi     tisso     puccha     ajjhattapuccha    bahiddhapuccha
ajjhattabahiddhapuccha.
     {122.6}    Aparapi   tisso   puccha   kusalapuccha   akusalapuccha
abyakatapuccha.
     Aparapi tisso puccha khandhapuccha dhatupuccha ayatanapuccha.
     Aparapi    tisso    puccha   satipatthanapuccha   sammappadhanapuccha
iddhipadapuccha.
     Aparapi tisso puccha indriyapuccha balapuccha bojjhangapuccha.
     Aparapi tisso puccha maggapuccha phalapuccha nibbanapuccha.
     {122.7}  Pucchami  tanti  pucchami  tam  yacami  tam  ajjhesami  tam
pasademi   tam  kathassu  meti  pucchami  tam  .  bhagavati  garavadhivacanametam
.pe.   sacchika   pannatti   yadidam  bhagavati  .  bruhi  me  tanti  bruhi
acikkhahi     desehi    pannapehi    patthapehi    vivarahi    vibhajahi
uttanikarohi  pakasehiti  pucchami  tam  bhagava  bruhi  me  tam . Tenaha
so brahmano
                anejam muladassavim (iccayasma punnako)
                atthi panhena agamam
                kimnissita isayo manuja
                khattiya brahmana devatanam
                yannamakappimsu puthudha loke
                pucchami tam bhagava bruhi me tanti.
     [123] Yekecime isayo manuja (punnakati bhagava)
                khattiya brahmana devatanam
                yannamakappimsu puthudha loke
                asimsamana 1- punnaka itthatam 2-
                jaram sita yannamakappayimsu.
     [124]   Yekecime  isayo  manujati  yekecimeti  sabbena  sabbam
sabbatha   sabbam   asesam   nissesam   pariyadayavacanametam  yekecimeti .
Isayoti    isinamaka    yekeci    isipabbajjam    pabbajita   ajivaka
@Footnote: 1 Ma. asisamana. evamuparipi. 2 Ma. itthattam. evamuparipi.
Niggantha   jatila   tapasa  .  manujati  manussa  vuccantiti  yekecime
isayo    manuja    .    punnakati   bhagava   tam   brahmanam   namena
alapati   .   bhagavati   garavadhivacanametam   .pe.   sacchika   pannatti
yadidam bhagavati punnakati bhagava.
     [125]   Khattiya   brahmana   devatananti   khattiyati  yekeci
khattiyajatika   .   brahmanati   yekeci   bhovadika  .  devatananti
ajivakasavakanam    ajivaka    devata    .pe.   disavatikanam   disa
devata   ye   yesam   dakkhineyya   te   tesam   devatati   khattiya
brahmana devatanam.
     [126]   Yannamakappimsu  puthudha  loketi  yanno  vuccati  deyyadhammo
civarapindapatasenasanagilanapaccayabhesajjaparikkharam annam
panam   vattham   yanam   malagandham   vilepanam   seyyavasatham  padipeyyam .
Yannamakappimsuti     yepi     yannam    esanti    gavesanti    pariyesanti
civarapindapatasenasanagilanapaccayabhesajjaparikkharam        annam       panam
vattham   yanam   malagandham   vilepanam  seyyavasatham  padipeyyam  tepi  yannam
kappenti  .  puthuti  yanna  va  ete  puthu  yannayajaka  va ete puthu
dakkhineyya  va  ete  puthu  .  katham  yanna va ete puthu .pe. Evam
dakkhineyya  va  ete  puthu  .  idha  loketi manussaloketi yannamakappimsu
puthudha loke.
     [127]     Asimsamana     punnaka    itthatanti    asimsamanati
Rupapatilabham    asimsamana    saddapatilabham    asimsamana    gandhapatilabham
asimsamana    rasapatilabham   asimsamana   photthabbapatilabham   asimsamana
puttapatilabham    asimsamana    darapatilabham    asimsamana    dhanapatilabham
asimsamana    yasapatilabham    asimsamana   issariyapatilabham   asimsamana
khattiyamahasalakule   attabhavapatilabham   asimsamana  brahmanamahasalakule
attabhavapatilabham    asimsamana    gahapatimahasalakule    attabhavapatilabham
asimsamana      catummaharajikesu      devesu      attabhavapatilabham
asimsamana   tavatimsesu   devesu   yamesu  devesu  tusitesu  devesu
nimmanaratisu    devesu    paranimmitavasavattisu    devesu   brahmakayikesu
devesu    attabhavapatilabham    asimsamana    icchamana    sadiyamana
patthayamana pihayamana abhijappamanati asimsamana.
     {127.1}    Punnaka    itthatanti    ettha    attabhavabhinibbattim
asimsamana      ettha      khattiyamahasalakule     attabhavabhinibbattim
asimsamana     ettha     brahmanamahasalakule     attabhavabhinibbattim
asimsamana      ettha      gahapatimahasalakule     attabhavabhinibbattim
asimsamana   ettha   catummaharajikesu   devesu   attabhavabhinibbattim
asimsamana  ettha  tavatimsesu  devesu  ettha  yamesu  devesu ettha
tusitesu  devesu  ettha  nimmanaratisu  devesu  ettha  paranimmitavasavattisu
devesu  ettha  brahmakayikesu  devesu  attabhavabhinibbattim  asimsamana
icchamana    sadiyamana    patthayamana    pihayamana   abhijappamanati
Asimsamana punnaka itthatam.
     [128]   Jaram   sita   yannamakappayimsuti   jaram   sitati  jaranissita
byadhinissita      marananissita     sokaparidevadukkhadomanassupayasanissita
devate  1-  jatinissitaya  devate  jatinissita va devate jaranissitaya
devate  jaranissita  va  devate  byadhinissitaya  devate  byadhinissita
va    devate   marananissitaya   devate   marananissita   va   devate
sokaparidevadukkhadomanassupayasanissitaya     devate     sokaparidevadukkha-
domanassupayasanissita   va  devate  gatinissitaya  devate  gatinissita
va   devate   upapattinissitaya   devate  upapattinissita  va  devate
patisandhinissitaya   devate   patisandhinissita   va   devate  bhavanissitaya
devate  bhavanissita  va  devate  samsaranissitaya  devate  samsaranissita
va  devate  vattanissitaya  devate  vattanissita  va  asita  allina
upagata    ajjhosita    adhimuttati    jaram   sita   yannamakappayimsu  .
Tenaha bhagava
                yekecime isayo manuja (punnakati bhagava)
                khattiya brahmana devatanam
                yannamakappimsu puthudha loke
                asimsamana punnaka itthatam
                jaram sita yannamakappayimsuti.
     [129] Yekecime isayo manuja (iccayasma punnako)
@Footnote: 1 Ma. yadeva te jatinissita. tadeva te jaranissita. yadeva te jaranissita.
@tadeva te byadhinissita .... evamuparipi.
                Khattiya brahmana devatanam
                yannamakappimsu puthudha loke
                kaccissu 1- te bhagava yannapathe appamatta
                atarum 2- jatinca jaranca marisa
                pucchami tam bhagava bruhi me tam.
     [130]  Yekecime  isayo  manujati  yekecimeti  .pe.  kaccissu
te     bhagava     yannapathe    appamattati    kaccissuti    samsayapuccha
vimatipuccha  dvelhakapuccha  anekamsapuccha  evam  nukho  na  nu  kho  kinnu
kho   katham  nu  khoti  kaccissu  .  teti  yannayajaka  [3]-  .  bhagavati
garavadhivacanametam  .pe.  sacchika  pannatti  yadidam  bhagavati  kaccissu  te
bhagava   .   yannapathe   appamattati   yannoyeva  vuccati  yannapatho .
Yatha    ariyamaggo    ariyapatho    devamaggo   devapatho   brahmamaggo
brahmapatho evameva yannoyeva vuccati yannapatho.
     {130.1}   Appamattati   yannapathe   appamatta   lakkaccakarino
sataccakarino     atthitakarino     anolinavuttino     anikkhittacchanda
anikkhittadhura    taccarita   tabbahula   taggaruka   tanninna   tappona
tappabbhara  tadadhimutta  tadadhipateyyati  [4]-  yannapathe  appamatta.
Yepi   yannam   esanti   gavesanti   pariyesanti   civarapindapatasenasana-
gilanapaccayabhesajjaparikkharam  annam  panam  vattham  yanam  malaganadham vilepanam
seyyavasatham  padipeyyam  sakkaccakarino .pe. Tadadhipateyya tepi yannapathe
@Footnote: 1 Ma. kaccisu. evamupari. 2 Ma. ataru. 3 Ma. vuccanti. 4 Ma. tepi.
Appamatta    .   yepi   yannam   abhisankharonti   civarapindapatasenasana-
gilanapaccayabhesajjaparikkharam    annam   panam   vattham   yanam   malagandham
vilepanam   seyyavasatham   padipeyyam  sakkaccakarino  .pe.  tadadhipateyya
patepi    yannapathe    appamatta   .   yepi   yannam   denti   yajanti
pariccajanti civarapindapatasenasanagilanapaccayabhesajjaparikkharam
annam    panam    vattham    yanam    malagandham    vilepanam   seyyavasatham
padipeyyam    sakkaccakarino   .pe.   tadadhipateyya   tepi   yannapathe
appamattati kaccissu te bhagava yannapathe appamatta.
     [131]    Atarum    jatinca   jaranca   marisati   jatijaramaranam
atarimsu    uttarimsu    patarimsu    samatikkamimsu   vitivattimsu   .   marisati
piyavacanam    garuvacanam    sagaravasappatissadhivacanametam    marisati    atarum
jatinca jaranca marisa.
     [132]   Pucchami   tam   bhagava  bruhi  me  tanti  pucchami  tanti
pucchami   tam   yacami   tam  ajjhesami  tam  pasademi  tam  kathassu  meti
pucchami    tam    .    bhagavati    garavadhivacanametam   .pe.   sacchika
pannatti  yadidam  bhagavati  .  bruhi  me  tanti  bruhi  acikkhahi  desehi
pannapehi    patthapehi    vivarahi   vibhajahi   uttanikarohi   pakasehiti
pucchami tam bhagava bruhi me tam. Tenaha so brahmano
                yekecime isayo manuja (iccayasma punnako)
                khattiya brahmana devatanam
                Yannamakappimsu puthudha loke
                kaccissu te bhagava yannapathe appamatta
                atarum jatinca jaranca marisa
                pucchami tam bhagava bruhi metanti.
     [133] Asimsanti thomayanti (abhijappanti) juhanti (punnakati bhagava)
                kamabhijappanti paticca labham
                te yajayoga bhavaragaratta
                natarimsu jatijaranti brumi.
     [134]   Asimsanti   thomayanti   abhijappanti   juhantiti  asimsantiti
rupapatilabham     asimsanti     saddapatilabham     asimsanti     gandhapatilabham
asimsanti     rasapatilabham     asimsanti     photthabbapatilabham    asimsanti
puttapatilabham     asimsanti     darapatilabham     asimsanti     dhanapatilabham
asimsanti     yasapatilabham     asimsanti     issariyapatilabham     asimsanti
khattiyamahasalakule      attabhavapatilabham      asimsanti      brahmana-
mahasalakule     gahapatimahasalakule     catummaharajikesu    devesu
.pe.   brahmakayikesu   devesu   attabhavapatilabham  asimsanti  sadiyanti
patthayanti pihayantiti asimsanti.
     {134.1}  Thomayantiti yannam va thomenti phalam va thomenti dakkhineyyam
va  thomenti  .  katham  yannam  thomenti  .  piyam  1-  dinnam manapam dinnam
panitam   dinnam   kappiyam   dinnam   viceyyam   dinnam  anavajjam  dinnam  abhinham
@Footnote: 1 Ma. sucim.
Dinnam   dadam   cittam   pasaditanti  thomenti  kittenti  vannenti  pasamsanti
evam  yannam  thomenti  .  katham  phalam  thomenti . Itonidanam rupapatilabho
bhavissati   saddapatilabho   bhavissati   gandhapatilabho   bhavissati  rasapatilabho
bhavissati    photthabbapatilabho   bhavissati   khattiyamahasalakule   brahmana-
mahasalakule    .pe.    brahmakayikesu   devesu   attabhavapatilabho
bhavissatiti    thomenti    kittenti    vannenti   pasamsanti   evam   phalam
thomenti. Katham dakkhineyyam thomenti.
     {134.2}  Dakkhineyya  jatisampanna  gottasampanna  ajjhayaka
mantadhara   tinnam   vedanam   paragu   sanighanduketubhanam   akkharappabhedanam
itihasapancamanam    padaka    veyyakarana    lokayatanamahapurisalakkhanesu
anavaya   1-   vitaraga  [2]-  ragavinayaya  va  patipanna  vitadosa
dosavinayaya   va   patipanna   vitamoha   mohavinayaya   va  patipanna
saddhasampanna      silasampanna      samadhisampanna     pannasampanna
vimuttisampanna     vimuttinanadassanasampannati     thomenti     kittenti
vannenti     pasamsanti    evam    dakkhineyyam    thomentiti    asimsanti
thomayanti.
     {134.3}    Abhijappantiti    rupapatilabham   abhijappanti   saddapatilabham
abhijappanti     gandhapatilabham     abhijappanti     rasapatilabham    abhijappanti
photthabbajappatilabham    abhijappanti    khattiyamahasalakule   attabhavapatilabham
abhijappanti  .pe.  brahmakayikesu  devesu  attabhavapatilabham  abhijappantiti
@Footnote: 1 Ma. anavayati. 2 Ma. va. evamuparipi.
Asimsanti thomayanti abhijappanti.
     {134.4}  Juhantiti  juhanti  denti  yajanti pariccajanti civarapindapata-
senasanagilanapaccayabhesajjaparikkharam     annam    panam    vattham    yanam
malagandham   vilepanam   seyyavasatham   padipeyyanti   asimsanti   thomayanti
abhijappanti    juhanti    .    punnakati    bhagavati   punnakati   bhagava
tam   brahmanam   namena  alapati  .  bhagavati  garavadhivacanametam  .pe.
Yadidam bhagavati punnakati bhagava.
     [135]   Kamabhijappanti   paticca   labhanti   rupapatilabham   paticca
kame   abhijappanti   saddapatilabham   paticca   kame   abhijappanti  .pe.
Brahmakayikesu   devesu   attabhavapatilabham   paticca   kame  abhijappanti
jappanti pajappantiti kamabhijappanti paticca labham.
     [136]   Te   yajayoga   bhavaragaratta   natarimsu   jatijaranti
brumiti  teti  yannayajaka  [1]-  .  yajayogati yagesu yutta ayutta
samayutta    taccarita    tabbahula    taggaruka   tanninna   tappona
tappabbhara    tadadhimutta    tadadhipateyyati    te    yajayoga  .
Bhavaragarattati   bhavarago   vuccati  tanha  2-  yo  bhavesu  bhavacchando
bhavarago    bhavanandi   bhavatanha   bhavasineho   bhavapipasa   bhavaparilaho
bhavamuccha     bhavajjhosanam     bhavaragena    bhavesu    ratta    gadhita
mucchita   ajjhopanna   lagga   laggita   palibuddhati   te  yajayoga
bhavaragaratta    .    natarimsu   jatijaranti   brumiti   te   yajayoga
@Footnote: 1 Ma. vuccanti. 2 Ma. ayam patho natthi.
Bhavaragaratta   jatijaramaranam   na   tarimsu   na   uttarimsu  na  patarimsu  na
samatikkamimsu    na    vitivattimsu   jatijaramarana   anikkhanta   anissattha
anatikkanta      asamatikkanta      avitivatta     antojatijaramarane
parivattanti    antosamsarapathe   parivattanti   jatiya   anugata   jaraya
anusata   byadhina   abhibhuta   maranena   abbhahata   atana  alena
asarana     asaranibhutati    brumi    acikkhami    desemi    pannapemi
patthapemi   vivarami   vibhajami  uttanikaromi  pakasemiti  te  yajayoga
bhavaragaratta natarimsu jatijaranti brumi. Tenaha bhagava
                     asimsanti thomayanti (abhijappanti) juhanti (punnakati bhagava)
                     kamabhijappanti paticca labham
                     te yajayoga bhavaragaratta
                     natarimsu jatijaranti brumiti.
     [137] Te ce natarimsu yajayoga (iccayasma punnako)
                     yannehi jatinca jaranca marisa
                     atha ko carahi devamanussaloke
                     atari jatinca jaranca marisa
                     pucchami tam bhagava bruhi me tam.
     [138]    Te   ce   natarimsu   yajayogati   te   yannayajaka
yajayoga   bhavaragaratta   jatijaramaranam   natarimsu   na   uttarimsu   na
patarimsu    na   samatikkamimsu   na   vitivattimsu   jatijaramarana   anikkhanta
Anissattha        anatikkanta        asamatikkanta        avitivatta
antojatijaramarane      parivattanti     antosamsarapathe     parivattanti
jatiya    anugata    jaraya   anusata   byadhina   abhibhuta   maranena
abbhahata   atana   alena  asarana  asaranibhutati  te  ce  natarimsu
yajayoga    .   iccayasma   punnakoti   iccati   padasandhi   .pe.
Ayasma punnakoti.
     [139]   Yannehi   jatinca   jaranca  marisati  yannehi  pahutehi
yannehi   vividhehi   yannehi   puthuhi   .   marisati   piyavacanam  garuvacanam
sagaravasappatissadhivacanametam    marisati    yannehi    jatinca    jaranca
marisa.
     [140]  Atha  ko  carahi  devamanussaloke  atari  jatinca  jaranca
marisati   atha   ko   eso   sadevake  loke  samarake  sabrahmake
sassamanabrahmaniya    pajaya    sadevamanussaya    jatijaramaranam   atari
uttari   patari   samatikkami   vitivattayi   .   marisati  piyavacanam  garuvacanam
sagaravasappatissadhivacanametam   marisati   atha  ko  carahi  devamanussaloke
atari jatinca jaranca marisa.
     [141]   Pucchami   tam   bhagava  bruhi  me  tanti  pucchami  tanti
pucchami  tam  yacami  tam  ajjhesami  tam  pasademi  tam  kathassu  meti 1-
pucchami   tam   .  bhagavati  sagaravadhivacanametam  .pe.  sacchika  pannatti
yadidam   bhagavati   .   bruhi   me   tanti   bruhi   acikkhahi  desehi
@Footnote: 1 Ma. metanti.
Pannapehi    patthapehi    vivarahi   vibhajahi   uttanikarohi   pakasehiti
pucchami tam bhagava bruhi me tam. Tenaha so brahmano
                     te ce natarimsu yajayoga (iccayasma punnako)
                     yannehi jatinca jaranca marisa
                     atha ko carahi devamanussaloke
                     atari jatinca jaranca marisa
                     pucchami tam bhagava bruhi me tanti.
     [142] Sankhaya lokasmim paroparani (punnakati bhagava)
                     yassinjitam natthi kuhinci loke
                     santo vidhumo anigho niraso
                     atari so jatijaranti brumi.
     [143]   Sankhaya   lokasmim   paroparaniti   sankha  vuccati  nanam
ya   panna   pajanana   .pe.   amoho   dhammavicayo  sammaditthi .
Paroparaniti  [1]-  oparam  2-  vuccati  manussaloko  param  3- vuccati
devaloko  oparam  vuccati kamadhatu param vuccati rupadhatu arupadhatu oparam
vuccati  kamadhatu  rupadhatu  param  vuccati  arupadhatu  .  sankhaya  lokasmim
paroparaniti   paroparani   aniccato  sankhaya  dukkhato  rogato  gandato
sallato   .pe.   anissaranato   sankhaya  janitva  tulayitva  tirayitva
vibhavayitva    vibhutam    katvati    sankhaya   lokasmim   paroparani  .
Punnakati    bhagavati    punnakati    bhagava    tam   brahmanam   namena
@Footnote: 1 Ma. oram vuccati sakattabhavo param vuccati parattabhavo oram vucacati
@sakarupavedanasannasankharavinnanam param vuccati pararupavedanasannasankharavinnanam oram
@vuccati cha ajjhattikani ayatanani param vuccati cha bahirani ayatanani. 2 Ma. oram.
@3 Ma. param. evamuparipi.
Alapati   .   bhagavati   garavadhivacanametam   *-  .pe.  yadidam  bhagavati
punnakati bhagava.
     [144]   Yassinjitam   natthi   kuhinci   loketi   yassati  arahato
khinasavassa     .     injitanti    tanhinjitam    ditthinjitam    kilesinjatam
maninjitam   kamminjitam   .  yassime  injita  natthi  [1]-  na  samvijjanti
nupalabbhanti      pahina      samucchinna     vupasanta     patippassaddha
abhabbuppattika    nanaggina    daddha   .   kuhinciti   kuhinci   kimhici
katthaci   ajjhattam   va   bahiddha  va  ajjhattabahiddha  va  .  loketi
apayaloke    .pe.    ayatanaloketi    yassinjitam    natthi    kuhinci
loke.
     [145]  Santo  vidhumo  anigho niraso atari so jatijaranti brumiti
santoti   ragassa  santatta  santo  dosassa  santatta  santo  mohassa
santatta   santo   kodhassa   upanahassa   makkhassa   palasassa  issaya
macchariyassa    mayaya    satheyyassa    thambhassa   sarambhassa   manassa
atimanassa     madassa     pamadassa     sabbakilesanam    sabbaduccaritanam
sabbadarathanam sabbaparilahanam sabbasantapanam
sabbakusalabhisankharanam       santatta      samitatta      vupasamitatta
vijjhatatta     nibbutatta     vigatatta     patippassaddhatta    santo
upasanto   vupasanto   nibbuto   patippassaddhoti   santo   .   vidhumoti
kayaduccaritam   vidhumitam   vidhamitam   [2]-   visositam   byantikatam  vaciduccaritam
manoduccaritam vidhumitam
@Footnote: 1 Ma. na santi. evamuparipi. 2 Ma. sositam. evamuparipi.
@* mikar—kr khagoe garavadhivacametam peDna garavadhivacanametam
Vidhamitam    visositam    byantikatam   rago   vidhumito   vidhamito   visosito
byantikato   doso   moho   kodho  upanaho  makkho  palaso  issa
macchariyam   maya   satheyyam   thambho  sarambho  mano  atimano  mado
pamado   vidhumito   vidhamito   visosito   byantikato   sabbe   kilesa
sabbe   duccarita   sabbe   daratha  sabbe  parilaha  sabbe  santapa
sabbakusalabhisankhara    vidhumita   vidhamita   visosita   byantikata  .
Apica kodho vuccati dhumo
                mano hi te brahmana kharibharo
                kodho dhumo gammani 1- mosavajjam
                jivha suja tapparassa 2- jotitthanam
                atta sudanto purisassa jati 3-.
     {145.1}  Apica dasahakarehi kodho jayati anattham me acariti kodho
jayati   anattham   me   caratiti   kodho   jayati  anattham  me  carissatiti
kodho    jayati    piyassa   me   manapassa   anattham   acariti   anattham
caratiti   anattham   carissatiti   kodho   jayati  appiyassa  me  amanapassa
attham    acariti    attham    caratiti   attham   carissatiti   kodho   jayati
atthane  va  pana  kodho  jayati  .  yo  evarupo  cittassa aghato
patighato   patigho   4-  pativirodho  kopo  pakopo  sampakopo  doso
padoso   sampadoso   cittassa   byapatti  manopadoso  kodho  kujjhana
kujjhitattam    doso    dussana    dussitattam    byapatti    byapajjana
@Footnote: 1 Ma. bhasmani. 2 Ma. hadayam. 3 Ma. joti. 4 patigham.
Byapajjitattam  virodho  pativirodho  candikkam  assuropo  1-  anattamanata
cittassa ayam vuccati kodho.
     {145.2}   Apica  kodhassa  adhimattaparittata  veditabba  .  atthi
kanci  kalam  kodho  cittavilakaranamatto  hoti na ca tava mukhakulanavikulano
hoti  .  atthi  kanci  kalam  kodho  mukhakulanavikulanamatto  hoti  na  ca
tava  hanusancopano  hoti  .  atthi  kanci  kalam kodho hanusancopanamatto
hoti  na  ca  tava  pharusavacaniccharano  hoti  .  atthi kanci kalam kodho
pharusavacaniccharanamatto  hoti  na  ca  tava  disavidisam anuvilokano hoti.
Atthi  kanci  kalam  kodho  disavidisam  anuvilokanamatto  hoti  na  ca tava
dandasatthaparamasano hoti.
     {145.3}  Atthi  kanci  kalam  kodho dandasatthaparamasanamatto hoti
na   ca  tava  dandasatthaabbhukkirano  hoti  .  atthi  kanci  kalam  kodho
dandasatthaabbhukkiranamatto    hoti   na   ca   tava   dandasatthaabhinipatano
hoti  .  atthi  kanci kalam kodho dandasatthaabhinipatanamatto hoti na ca tava
chindavicchindakarano  hoti  .  atthi  kanci kalam kodho chindavicchindakaranamatto
hoti  na  ca  tava  sambhanjanaparibhanjano  hoti  .  atthi kanci kalam kodho
sambhanjanaparibhanjanamatto  hoti  na  ca tava angamangapakaddhano hoti. Atthi
kanci  kalam kodho angamangapakaddhanamatto hoti na ca tava jivitapanasano 2-
hoti  .  atthi  kanci  kalam  kodho  jivitapanasanamatto  hoti  na ca tava
@Footnote: 1 Ma. asuropo. evamuparipi. 2 Ma. jivitavoropano.
Sabbacagapariccagasanthito  hoti  .  yato  kodho  param  puggalam  ghatetva
attanam   ghateti  ettavata  kodho  paramussadagato  paramavepullappatto
hoti   .  yasseso  kodho  pahino  samucchinno  vupasanto  patippassaddho
abhabbuppattiko nanaggina daddho so vuccati vidhumo.
     {145.4}  Kodhassa  pahinatta  vidhumo  kodhavatthussa  parinnatatta
vidhumo  kodhahetussa  ucchinnatta  1-  vidhumoti  vidhumo . Anighoti rago
nigho  doso  nigho  moho  nigho  kodho  nigho  upanaho  nigho  .pe.
Sabbakusalabhisankhara   nigha   .   yassete   nigha  pahina  samucchinna
vupasanta     patippassaddha     abhabbuppattika     nanaggina    daddha
so   vuccati   anigho  .  nirasoti  asa  vuccati  tanha  yo  rago
sarago .pe. Abhijjha lobho akusalamulam.
     {145.5}  Yassesa  asa  tanha  pahina  samucchinna  vupasanta
patippassaddha    abhabbuppattika    nanaggina    daddha    so   vuccati
niraso  .  jatiti  ya  tesam  tesam sattanam tamhi tamhi sattanikaye jati
sanjati   okkanti  nibbatti  abhinibbatti  khandhanam  patubhavo  ayatananam
patilabho. Jarati ya tesam tesam sattanam tamhi tamhi sattanikaye jara jiranata
khandiccam   paliccam  valittacata  ayuno  samhani  indriyanam  paripako .
Santo  vidhumo  anigho  niraso  atari so jatijaranti brumiti yo santo ca
vidhumo ca anigho ca niraso ca so jatijaramaranam atari uttari patari samatikkami
@Footnote: 1 Ma. upacchinnatta.
Vitivattayiti   brumi   acikkhami   desemi   pannapemi  patthapemi  vivarami
vibhajami   uttanikaromi   pakasemiti   santo   vidhumo   anigho  niraso
atari so jatijaranti brumi. Tenaha bhagava
                sankhaya lokasmim paroparani (punnakati bhagava)
                yassinjitam natthi kuhinci loke
                santo vidhumo anigho niraso
                atari so jatijaranti brumiti.
Saha    gathapariyosana    .pe.    panjaliko   bhagavantam   namassamano
nisinno hoti sattha me bhante bhagava savakohamasmiti.
               Punnakamanavakapanhaniddeso tatiyo.
                             ----------------



             The Pali Tipitaka in Roman Character Volume 30 page 42-66. https://84000.org/tipitaka/read/roman_read.php?B=30&A=872&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=30&A=872&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=30&item=116&items=30              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=30&siri=22              Study Atthakatha :- https://84000.org/tipitaka/attha/attha.php?b=30&i=116              The Pali Atthakatha in Thai :- https://84000.org/tipitaka/atthapali/read_th.php?B=46&A=257              The Pali Atthakatha in Roman :- https://84000.org/tipitaka/atthapali/read_rm.php?B=46&A=257              Contents of The Tipitaka Volume 30 https://84000.org/tipitaka/read/?index_30 https://84000.org/tipitaka/english/?index_30

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]