ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
 PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ENGLISH letter
TIPITAKA Volume 31 : PALI ROMAN Sutta Pitaka Vol 23 : Sutta. Khu. Paṭisambhidāmaggo

                  Yuganaddhavagge lokuttarakathā
     [620]   Katame   dhammā   lokuttarā  .  cattāro  satipaṭṭhānā
cattāro     sammappadhānā     cattāro    iddhipādā    pañcindriyāni
pañca    balāni    satta    bojjhaṅgā   aṭṭhaṅgiko   maggo   cattāro
ariyamaggā     cattāri     ca     sāmaññaphalāni    nibbānañca    ime
dhammā lokuttarāti 2-.
     {620.1}  Lokuttarāti kenatthena lokuttarā. Lokaṃ uttarantīti 3-
lokuttarā    lokato    uttarantīti    lokuttarā   lokā   uttarantīti
lokuttarā    lokamhā    uttarantīti   lokuttarā   lokaṃ   samatikkantīti
lokuttarā   lokaṃ   samatikkamantāti   lokuttarā  loke  4-  atirekāti
lokuttarā   [5]-   lokā  nissarantīti  lokuttarā  lokato  nissarantīti
lokuttarā     lokamhā     nissarantīti    lokuttarā    6-    lokā
@Footnote: 1 Ma. Yu. sabbattha niṭṭhitāti dissati. 2 Sī. itisaddo na dissati.
@3 Ma. tarantīti. 4 Ma. lokena. 5 Ma. Yu. lokantaṃ tarantīti lokuttarā.
@6 Sī. ito ciṇhantare lokena paṭinissaṭāti lokuttarā lokadhammā nissaṭāti
@lokuttarāti likhitaṃ.
Nissajjantīti  1-  lokuttarā  lokato  2-  nissajjantīti  3-  lokuttarā
lokamhā  nissajjantīti  4-  lokuttarā  loke  na  tiṭṭhantīti  lokuttarā
lokamhi   na   tiṭṭhantīti   lokuttarā   loke  na  limpantīti  lokuttarā
lokamhi   5-   na  limpantīti  lokuttarā  loke  asaṃlittāti  lokuttarā
lokena    asaṃlittāti    lokuttarā   loke   anupalittāti   lokuttarā
lokena    anupalittāti   lokuttarā   loke   vippamuttāti   lokuttarā
lokena    vippamuttāti   lokuttarā   lokā   vippamuttāti   lokuttarā
lokato   vippamuttāti   lokuttarā   lokamhā   vippamuttāti  lokuttarā
loke  visaññuttāti lokuttarā lokena visaññuttāti lokuttarā
     {620.2}  lokā visaññuttāti lokuttarā [6]- lokato visaññuttāti
lokuttarā    lokamhā    visaññuttāti   lokuttarā   lokā   sujjhantīti
lokuttarā  lokato  sujjhantīti  lokuttarā  lokamhā  sujjhantīti lokuttarā
lokā    visujjhantīti    lokuttarā    lokato   visujjhantīti   lokuttarā
lokamhā    visujjhantīti    lokuttarā   lokā   vuṭṭhahantīti   lokuttarā
lokato    vuṭṭhahantīti   lokuttarā   lokamhā   vuṭṭhahantīti   lokuttarā
lokā   vivajjantīti   7-   lokuttarā   lokato  vivajjantīti  lokuttarā
lokamhā   vivajjantīti   lokuttarā   loke   na   sajjantīti  lokuttarā
loke   na   gayhantīti   lokuttarā   loke   na  bajjhantīti  lokuttarā
lokaṃ    samucchindantīti   lokuttarā   lokaṃ   samucchinnattāti   lokuttarā
@Footnote:1-3-4 Ma. Yu. nissaṭāti. 2-5 Ma. Yu. lokena. 6 Ma. lokasmiṃ.
@7 Sī. Ma. Yu. vivaṭṭantīti. evamuparipi.
Lokaṃ     paṭippassambhentīti    lokuttarā    lokaṃ    paṭippassambhitattāti
lokuttarā   lokassa   apaccāgatīti   1-   lokuttarā   lokassa  agatīti
lokuttarā    lokassa   avisayāti   lokuttarā   lokassa   asādhāraṇāti
lokuttarā   lokaṃ   vamantīti   lokuttarā   lokaṃ  na  paccāgamantīti  2-
lokuttarā   lokaṃ   jahantīti   lokuttarā   lokaṃ  na  uppādayantīti  3-
lokuttarā    lokaṃ    visinentīti    lokuttarā   lokaṃ   nayantīti   4-
lokuttarā   lokaṃ   vidhūpentīti   lokuttarā   lokaṃ  na  sudhūpentīti  5-
lokuttarā lokaṃ samatikkamma abhibhuyya tiṭṭhantīti lokuttarāti.
                         Lokuttarakathā
                             -------



             The Pali Tipitaka in Roman Character Volume 31 page 535-537. http://84000.org/tipitaka/read/roman_read.php?B=31&A=10754              Compare with The Pali Tipitaka in Thai Character :- http://84000.org/tipitaka/read/pali_read.php?B=31&A=10754&w=              Compare with The Royal Version of Thai Tipitaka :- http://84000.org/tipitaka/read/byitem.php?book=31&item=620&items=1              Compare with The MCU Version of Thai Tipitaka :- http://84000.org/tipitaka/pitaka_item/m_siri.php?B=31&siri=76              Study Atthakatha :- http://84000.org/tipitaka/attha/attha.php?b=31&i=620              Contents of The Tipitaka Volume 31 http://84000.org/tipitaka/read/?index_31

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ENGLISH letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com