ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 31 : PALI ROMAN Sutta Pitaka Vol 23 : Sutta. Khu. Paṭisambhidāmaggo

     [86]   Katham   sutvana   samvare   panna   silamaye   nanam  panca
silani   pariyantaparisuddhisilam   apariyantaparisuddhisilam  paripunnaparisuddhisilam
aparamatthaparisuddhisilam patippassaddhiparisuddhisilanti.
     {86.1}      Tattha   katamam   pariyantaparisuddhisilam   anupasampannanam
pariyantasikkhapadanam idam pariyantaparisuddhisilam.
     {86.2}       Katamam      apariyantaparisuddhisilam     upasampannanam
apariyantasikkhapadanam idam apariyantaparisuddhisilam.
     {86.3} Katamam paripunnaparisuddhisilam puthujjanakalyanakanam kusaladhamme
     {86.4} yuttanam asekkhapariyante paripurikarinam 1- kaye ca jivite ca
anapekkhanam pariccattajivitanam idam paripunnaparisuddhisilam.
     {86.5}   Katamam   aparamatthaparisuddhisilam   sattannam  sekkhanam  idam
aparamatthaparisuddhisilam.
     {86.6}     Katamam     patippassaddhiparisuddhisilam    tathagatasavakanam
khinasavanam    paccekabuddhanam   tathagatanam   arahantanam   sammasambuddhanam
idam patippassaddhiparisuddhisilam.
@Footnote: 1 Ma. Yu. paripurakarinam.
     [87]   Atthi   silam   pariyantam   atthi   silam  apariyantam  .  tattha
katamantam    silam    pariyantam    atthi    silam   labhapariyantam   atthi   silam
yasapariyantam    atthi    silam    natipariyantam    atthi   silam   angapariyantam
atthi silam jivitapariyantam.
     {87.1}    Katamantam   silam   labhapariyantam   idhekacco   labhahetu
labhapaccaya     labhakarana     yathasamadinnam    sikkhapadam    vitikkamati
idantam silam labhapariyantam.
     {87.2}   Katamantam  silam  yasapariyantam  idhekacco yasahetu yasapaccaya
yasakarana     yathasamadinnam    sikkhapadam    vitikkamati    idantam    silam
yasapariyantam.
     {87.3}    Katamantam   silam   natipariyantam   idhekacco   natihetu
natipaccaya     natikarana     yathasamadinnam    sikkhapadam    vitikkamati
idantam silam natipariyantam.
     {87.4}   Katamantam silam angapariyantam idhekacco angahetu angapaccaya
angakarana    yathasamadinnam    sikkhapadam    vitikkamati    idantam    silam
angapariyantam.
     {87.5}   Katamantam silam jivitapariyantam idhekacco jivitahetu jivitapaccaya
jivitakarana  yathasamadinnam  sikkhapadam  vitikkamati  idantam silam jivitapariyantam.
Evarupani   silani   khandani   chiddani  sabalani  kammasani  nabhujissani
navinnupasatthani paramatthani asamadhisamvattanikani
Naavippatisaravatthukani          napamujjavatthukani         napitivatthukani
napassaddhivatthukani            nasukhavatthukani           nasamadhivatthukani
nayathabhutananadassanavatthukani      na      ekantanibbidaya      viragaya
nirodhaya      upasamaya      abhinnaya      sambodhaya     nibbanaya
samvattanti idantam silam pariyantam.
     [88]    Katamantam   silam   apariyantam   atthi   silam   nalabhapariyantam
atthi    silam    nayasapariyantam   atthi   silam   nanatipariyantam   atthi   silam
naangapariyantam atthi silam najivitapariyantam.
     {88.1}   Katamantam   silam   nalabhapariyantam   idhekacco   labhahetu
labhapaccaya     labhakarana    yathasamadinnam    sikkhapadam    vitikkamaya
cittampi na uppadeti kim so vitikkamissati idantam silam nalabhapariyantam.
     {88.2}   Katamantam  silam  nayasapariyantam idhekacco yasahetu yasapaccaya
yasakarana     yathasamadinnam    sikkhapadam    vitikkamaya    cittampi    na
uppadeti kim so vitikkamissati idantam silam nayasapariyantam.
     {88.3}    Katamantam   silam   nanatipariyantam   idhekacco  natihetu
natipaccaya     natikarana    yathasamadinnam    sikkhapadam    vitikkamaya
cittampi na uppadeti kim so vitikkamissati idantam silam nanatipariyantam.
     {88.4}    Katamantam   silam   naangapariyantam   idhekacco  angahetu
angapaccaya     angakarana    yathasamadinnam    sikkhapadam    vitikkamaya
cittampi na uppadeti kim so vitikkamissati idantam silam naangapariyantam.
     {88.5}    Katamantam   silam   najivitapariyantam   idhekacco  jivitahetu
jivitapaccaya     jivitakarana    yathasamadinnam    sikkhapadam    vitikkamaya
cittampi  na  uppadeti  kim  so  vitikkamissati  idantam  silam najivitapariyantam.
Evarupani    silani   akkhandani   acchiddani   asabalani   akammasani
bhujissani       vinnupasatthani      aparamatthani      samadhisamvattanikani
avippatisaravatthukani    pamujjavatthukani    pitivatthukani   passaddhivatthukani
sukhavatthukani          samadhivatthukani         yathabhutananadassanavatthukani
ekantanibbidaya     viragaya     nirodhaya     upasamaya     abhinnaya
sambodhaya nibbanaya samvattanti idantam silam apariyantam.
     [89] Kim silam kati silani kimsamutthanam silam katidhammasamodhanam silam.
     {89.1}  Kim silanti cetana silam cetasikam silam samvaro silam avitikkamo silam.
     {89.2} Kati silaniti tini silani kusalasilam akusalasilam abyakatasilam.
     {89.3}     Kisamutthanam    silanti    kusalacittasamutthanam   kusalasilam
akusalacittasamutthanam akusalasilam abyakatacittasamutthanam abyakatasilam.
     {89.4}      Katidhammasamodhanam    silanti    samvarasamodhanam    silam
avitikkamasamodhanam    silam    tathabhave   jatacetanasamodhanam   silam  .
Panatipatam    samvaratthena    silam    avitikkamatthena   silam   adinnadanam
samvaratthena  silam  avitikkamatthena  silam  kamesu  micchacaram  samvaratthena silam
Avitikkamatthena    silam    musavadam    samvaratthena   silam   avitikkamatthena
silam    pisunavacam   samvaratthena   silam   avitikkamatthena   silam   pharusavacam
samvaratthena   silam   avitikkamatthena   silam   samphappalapam   samvaratthena  silam
avitikkamatthena   silam   abhijjham   samvaratthena   silam   avitikkamatthena   silam
byapadam     samvaratthena    silam    avitikkamatthena    silam    micchaditthim
samvaratthena    silam    avitikkamatthena    silam    nekkhammena   kamacchandam
samvaratthena    silam    avitikkamatthena    silam    abyapadena   byapadam
samvaratthena silam avitikkamatthena silam
     {89.5}    alokasannaya    thinamiddham   avikkhepatthena   uddhaccam
dhammavavatthanena  vicikiccham  nanena avijjam pamujjena aratim pathamajjhanena 1-
nivarane   dutiyajjhanena  vitakkavicare  tatiyajjhanena  pitim  catutthajjhanena
sukhadukkham      akasanancayatanasamapattiya      rupasannam      patighasannam
nanattasannam      vinnanancayatanasamapattiya      akasanancayatanasannam
akincannayatanasamapattiya vinnanancayatanasannam
nevasannanasannayatanasamapattiya akincannayatanasannam
     {89.6}     aniccanupassanaya     niccasannam     dukkhanupassanaya
sukhasannam       anattanupassanaya       attasannam      nibbidanupassanaya
nandim      viraganupassanaya     ragam     nirodhanupassanaya     samudayam
patinissagganupassanaya       adanam       khayanupassanaya      ghanasannam
vayanupassanaya       ayuhanam       viparinamanupassanaya       dhuvasannam
@Footnote: 1 Ma. pathamena jhanena. evamuparipi.
Animittanupassanaya       nimittam       appanihitanupassanaya       panidhim
sunnatanupassanaya           abhinivesam          adhipannadhammavipassanaya
saradanabhinivesam         yathabhutananadassanena        sammohabhinivesam
adinavanupassanaya          alayabhinivesam         patisankhanupassanaya
appatisankham    vivattananupassanaya    sannogabhinivesam    sotapattimaggena
ditthekatthe     kilese     sakadagamimaggena    olarike    kilese
anagamimaggena    anusahagate    kilese   arahattamaggena   sabbakilese
samvaratthena silam avitikkamatthena silam.
     [90]   Panca   silani   panatipatassa   pahanam   silam   veramani
silam   cetana   silam   samvaro   silam  avitikkamo  silam  evarupani  silani
cittassa    avippatisaraya    samvattanti    pamujjaya    1-   samvattanti
pitiya    samvattanti    passaddhiya    samvattanti   somanassaya   samvattanti
asevanaya      samvattanti     bhavanaya     samvattanti     bahulikammaya
samvattanti      alankaraya     samvattanti     parikkharaya     samvattanti
parivaraya     samvattanti     paripuriya    samvattanti    ekantanibbidaya
viragaya    nirodhaya    upasamaya   abhinnaya   sambodhaya   nibbanaya
samvattanti   evarupanam   silanam   samvaraparisuddhi   adhisilam  samvaraparisuddhiya
thitam    cittam    na    vikkhepam    gacchati    avikkhepaparisuddhi   adhicittam
samvaraparisuddhim      samma      passati     avikkhepaparisuddhim     samma
passati    dassanaparisuddhi    adhipanna    yo    tattha   samvarattho   ayam
@Footnote: 1 Ma. Yu. pamojjaya. evamuparipi.
Adhisilasikkha    yo    tattha   avikkhepattho   ayam   adhicittasikkha   yo
tattha    dassanattho    ayam   adhipannasikkha   ima   tisso   sikkhayo
avajjanto   sikkhati  jananto  sikkhati  passanto  sikkhati  paccavekkhanto
sikkhati    cittam   adhitthahanto   sikkhati   saddhaya   adhimuccanto   sikkhati
viriyam    pagganhanto    sikkhati    satim    upatthahanto    sikkhati   cittam
samadahanto    sikkhati    pannaya    pajananto    sikkhati    abhinneyyam
abhijananto    sikkhati    parinneyyam    parijananto   sikkhati   pahatabbam
pajahanto    sikkhati    bhavetabbam    bhavento    sikkhati   sacchikatabbam
sacchikaronto sikkhati.
     [91]   Panca   silani   panatipatassa   adinnadanassa  kamesu
micchacarassa    musavadassa    pisunaya    vacaya   pharusaya   vacaya
samphappalapassa    abhijjhaya    byapadassa   micchaditthiya   nekkhammena
kamacchandassa       abyapadena      byapadassa      alokasannaya
thinamiddhassa    avikkhepena    uddhaccassa    dhammavavatthanena   vicikicchaya
nanena avijjaya pamujjena aratiya
     {91.1}   pathamajjhanena   nivarananam  dutiyajjhanena  vitakkavicaranam
tatiyajjhanena   pitiya   catutthajjhanena   sukhadukkhanam  akasanancayatana-
samapattiya       rupasannaya       patighasannaya       nanattasannaya
vinnanancayatanasamapattiya akasanancayatanasannaya
akincannayatanasamapattiya vinnanancayatanasannaya
nevasannanasannayatanasamapattiya
     {91.2}        Akincannayatanasannaya        aniccanupassanaya
niccasannaya      dukkhanupassanaya      sukhasannaya     anattanupassanaya
attasannaya      nibbidanupassanaya      nandiya      viraganupassanaya
ragassa      nirodhanupassanaya      samudayassa     patinissagganupassanaya
adanassa       khayanupassanaya       ghanasannaya       vayanupassanaya
ayuhanassa     viparinamanupassanaya     dhuvasannaya    animittanupassanaya
nimittassa      appanihitanupassanaya      panidhiya      sunnatanupassanaya
abhinivesassa        adhipannadhammavipassanaya        saradanabhinivesassa
yathabhutananadassanena        sammohabhinivesassa        adinavanupassaya
alayabhinivesassa           patisankhanupassanaya          appatisankhaya
vivattananupassanaya sannogabhinivesassa
     {91.3}  sotapattimaggena ditthekatthanam kilesanam sakadagamimaggena
olarikanam    kilesanam    anagamimaggena    anusahagatanam    kilesanam
arahattamaggena   sabbakilesanam   pahanam  silam  veramani  silam  cetana  silam
samvaro silam avitikkamo silam.
     {91.4}   Evarupani   silani  cittassa  avippatisaraya  samvattanti
pamujjaya    samvattanti    pitiya    samvattanti    passaddhiya   samvattanti
somanassaya   samvattanti   asevanaya   samvattanti   bhavanaya   samvattanti
bahulikammaya   samvattanti   alankaraya   samvattanti  parikkharaya  samvattanti
parivaraya   samvattanti   paripuriya  samvattanti  ekantanibbidaya  viragaya
Nirodhaya upasamaya abhinnaya sambodhaya nibbanaya samvattanti
     {91.5}  evarupanam  silanam  samvaraparisuddhi  adhisilam samvaraparisuddhiya
thitam  cittam  na  1- vikkhepam gacchati avikkhepaparisuddhi adhicittam samvaraparisuddhim
samma    passati    avikkhepaparisuddhim   samma   passati   dassanaparisuddhi
adhipanna  yo  tattha  samvarattho  ayam  adhisilasikkha  yo tattha avikkhepattho
ayam   adhicittasikkha   yo   tattha  dassanattho  ayam  adhipannasikkha  ima
tisso   sikkhayo   avajjanto   sikkhati   jananto   sikkhati  passanto
sikkhati   paccavekkhanto   sikkhati   cittam   adhitthahanto   sikkhati  saddhaya
adhimuccanto   sikkhati   viriyam   pagganhanto   sikkhati   satim  upatthapento
sikkhati   cittam   samadahanto   sikkhati   pannaya   jananto  2-  sikkhati
abhinneyyam    abhijananto    sikkhati   parinneyyam   parijananto   sikkhati
pahatabbam   pajahanto  sikkhati  bhavetabbam  bhavento  sikkhati  sacchikatabbam
sacchikaronto sikkhati
     {91.6}  tam  natatthena  nanam  pajananatthena  panna  tena vuccati
sutvana samvare panna silamaye nanam.
                     --------



             The Pali Tipitaka in Roman Character Volume 31 page 61-69. https://84000.org/tipitaka/read/roman_read.php?B=31&A=1200&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=31&A=1200&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=31&item=86&items=6              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=31&siri=15              Study Atthakatha :- https://84000.org/tipitaka/attha/attha.php?b=31&i=86              The Pali Atthakatha in Thai :- https://84000.org/tipitaka/atthapali/read_th.php?B=47&A=4865              The Pali Atthakatha in Roman :- https://84000.org/tipitaka/atthapali/read_rm.php?B=47&A=4865              Contents of The Tipitaka Volume 31 https://84000.org/tipitaka/read/?index_31 https://84000.org/tipitaka/english/?index_31

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]