PaliRoman Vol.31

[103] Katham paccuppannanam dhammanam viparinamanupassane panna udayabbayanupassane nanam jatam rupam paccuppannam tassa nibbattilakkhanam udayo viparinamalakkhanam vayo anupassanananam jata vedana jata sanna jata sankhara jatam vinnanam jatam cakkhum .pe. jato bhavo paccuppanno tassa nibbattilakkhanam udayo viparinamalakkhanam vayo anupassanananam. [104] Pancannam khandhanam udayam passanto kati lakkhanani passati vayam passanto kati lakkhanani passati udayabbayam passanto kati lakkhanani passati . pancannam khandhanam udayam passanto pancavisati lakkhanani passati vayam passanto pancavisati lakkhanani passati udayabbayam passanto pannasam lakkhanani passati. [105] Rupakkhandhassa udayam passanto kati lakkhanani passati vayam passanto kati lakkhanani passati udayabbayam passanto kati lakkhanani passati vedanakkhandhassa sannakkhandhassa sankharakkhandhassa vinnanakkhandhassa udayam passanto kati lakkhanani passati vayam passanto kati lakkhanani passati udayabbayam passanto kati lakkhanani passati . rupakkhandhassa udayam passanto panca lakkhanani passati vayam passanto panca lakkhanani passati udayabbayam passanto dasa lakkhanani passati vedanakkhandhassa sannakkhandhassa sankharakkhandhassa vinnanakkhandhassa udayam passanto panca lakkhanani passati vayam passanto panca lakkhanani passati udayabbayam passanto dasa lakkhanani passati. [106] Rupakkhandhassa udayam passanto katamani panca lakkhanani passati . avijjasamudaya rupasamudayoti paccayasamudayatthena Rupakkhandhassa udayam passati tanhasamudaya rupasamudayoti paccayasamudayatthena samudayatthena rupakkhandhassa udayam passati kammasamudaya rupasamudayoti paccayasamudayatthena rupakkhandhassa udayam passati aharasamudaya rupasamudayoti paccayasamudayatthena rupakkhandhassa udayam passati nibbattilakkhanam passantopi rupakkhandhassa udayam passati rupakkhandhassa udayam passanto imani panca lakkhanani passati. [107] Vayam passanto katamani panca lakkhanani passati . Avijjanirodha rupanirodhoti paccayanirodhatthena rupakkhandhassa vayam passati tanhanirodha rupanirodhoti paccayanirodhatthena rupakkhandhassa vayam passati kammanirodha rupanirodhoti paccayanirodhatthena rupakkhandhassa vayam passati aharanirodha rupanirodhoti paccayanirodhatthena rupakkhandhassa vayam passati viparinamalakkhanam passantopi rupakkhandhassa vayam passati rupakkhandhassa vayam passanto imani panca lakkhanani passati udayabbayam passanto imani dasa lakkhanani passati. [108] Vedanakkhandhassa udayam passanto katamani panca lakkhanani passati . avijjasamudaya vedanasamudayoti paccayasamudayatthena vedanakkhandhassa udayam passati tanhasamudaya vedanasamudayoti paccayasamudayatthena vedanakkhandhassa udayam passati kammasamudaya vedanasamudayoti paccayasamudayatthena vedanakkhandhassa Udayam passati phassasamudaya vedanasamudayoti paccayasamudayatthena vedanakkhandhassa udayam passati nibbattilakkhanam passantopi vedanakkhandhassa udayam passati vedanakkhandhassa udayam passanto imani panca lakkhanani passati. [109] Vayam passanto katamani panca lakkhanani passati . Avijjanirodha vedananirodhoti paccayanirodhatthena vedanakkhandhassa vayam passati tanhanirodha vedananirodhoti paccayanirodhatthena vedanakkhandhassa vayam passati kammanirodha vedananirodhoti paccayanirodhatthena vedanakkhandhassa vayam passati phassanirodha vedananirodhoti paccayanirodhatthena vedanakkhandhassa vayam passati viparinamalakkhanam passantopi vedanakkhandhassa vayam passati vedanakkhandhassa vayam passanto imani panca lakkhanani passati udayabbayam passanto imani dasa lakkhanani passati. [110] Sannakkhandhassa sankharakkhandhassa vinnanakkhandhassa udayam passanto katamani panca lakkhanani passati . avijjasamudaya vinnanasamudayoti paccayasamudayatthena vinnanakkhandhassa udayam passati tanhasamudaya vinnanasamudayoti paccayasamudayatthena vinnanakkhandhassa udayam passati kammasamudaya vinnanasamudayoti paccayasamudayatthena vinnanakkhandhassa udayam passati namarupasamudaya vinnanasamudayoti paccayasamudayatthena vinnanakkhandhassa Udayam passati nibbattilakkhanam passantopi vinnanakkhandhassa udayam passati vinnanakkhandhassa udayam passanto imani panca lakkhanani passati. [111] Vayam passanto katamani panca lakkhanani passati . Avijjanirodha vinnananirodhoti paccayanirodhatthena vinnanakkhandhassa vayam passati tanhanirodha vinnananirodhoti paccayanirodhatthena vinnanakkhandhassa vayam passati kammanirodha vinnananirodhoti paccayanirodhatthena vinnanakkhandhassa vayam passati namarupanirodha vinnananirodhoti paccayanirodhatthena vinnanakkhandhassa vayam passati viparinamalakkhanam passantopi vinnanakkhandhassa vayam passati vinnanakkhandhassa vayam passanto imani panca lakkhanani passati udayabbayam passanto imani dasa lakkhanani passati pancannam khandhanam udayam passanto imani pancavisati lakkhanani passati vayam passanto imani pancavisati lakkhanani passati udayabbayam passanto imani pannasam lakkhanani passati tam natatthena nanam pajananatthena panna tena vuccati paccuppannanam dhammanam viparinamanupassane panna udayabbayanupassane nanam. {111.1} Rupakkhandha ^1- aharasamudaya vedana sanna sankharati ^2- sesa ^3- khandha phassasamudaya vinnanakkhandha ^4- namarupasamudaya ^5-. @Footnote: ¹ Ma. Yu. rupakkhandho aharasamudayo. ² Ma. Yu. itisaddo natthi. ³ Ma. Yu. tayo. @⁴ Ma. Yu. vinnanakkhandho. ⁵ namarupasamudayo. --------

The Pali Tipitaka in Roman Character Volume 31 page 78-83. https://84000.org/tipitaka/read/roman_read.php?B=31&A=1545&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=31&A=1545&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=31&item=103&items=9 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=31&siri=19 Study Atthakatha :- https://84000.org/tipitaka/attha/attha.php?b=31&i=103 The Pali Atthakatha in Thai :- https://84000.org/tipitaka/atthapali/read_th.php?B=47&A=6068 The Pali Atthakatha in Roman :- https://84000.org/tipitaka/atthapali/read_rm.php?B=47&A=6068 Contents of The Tipitaka Volume 31 https://84000.org/tipitaka/read/?index_31 https://84000.org/tipitaka/english/?index_31