PaliRoman Vol.31

[254] Katham vitakkavippharavasena nanattekattasaddanimittanam pariyogahane panna sotadhatuvisuddhinanam . idha bhikkhu chandasamadhi viriyasamadhi cittasamadhi vimamsasamadhipadhanasankharasamannagatam iddhipadam bhaveti so imesu catusu iddhipadesu cittam paribhaveti paridameti mudum karoti kammaniyam so imesu catusu iddhipadesu cittam paribhavetva paridametva mudum karitva kammaniyam durepi saddanam ^3- saddanimittam manasi karoti santikepi saddanam saddanimittam manasi karoti olarikanampi saddanam saddanimittam manasi karoti sukhumakanampi ^4- saddanam saddanimittam manasi karoti sanhasanhanampi saddanam saddanimittam manasi karoti puratthimaya disaya saddanam saddanimittam manasi karoti pacchimaya disaya saddanam saddanimittam manasi karoti uttaraya disaya @Footnote: ¹ Ma. Yu. kamati. ² Ma. paramasati. ³ Si. sabbattha sattananti patho. @⁴ Ma. Yu. sukhumanampi. Saddanam saddanimittam manasi karoti dakkhinaya disaya saddanam saddanimittam manasi karoti puratthimayapi anudisaya saddanam saddanimittam manasi karoti pacchimayapi anudisaya saddanam saddanimittam manasi karoti uttarayapi anudisaya saddanam saddanimittam manasi karoti dakkhinayapi anudisaya saddanam saddanimittam manasi karoti hetthimayapi disaya saddanam saddanimittam manasi karoti uparimayapi disaya saddanam saddanimittam manasi karoti so tatha bhavitena cittena parisuddhena pariyodatena sotadhatuya visuddhinanaya cittam abhiniharati abhininnameti so dibbaya sotadhatuya visuddhaya atikkantamanusikaya ubho sadde sunati dibbe ca manuse ca ye dure ^[1]- santike ca tam natatthena nanam pajananatthena panna tena vuccati vitakkavippharavasena nanattekattasaddanimittanam pariyogahane panna sotadhatuvisuddhinanam. ---------

The Pali Tipitaka in Roman Character Volume 31 page 164-165. https://84000.org/tipitaka/read/roman_read.php?B=31&A=3268&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=31&A=3268&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=31&item=254&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=31&siri=49 Study Atthakatha :- https://84000.org/tipitaka/attha/attha.php?b=31&i=254 The Pali Atthakatha in Thai :- https://84000.org/tipitaka/atthapali/read_th.php?B=47&A=8101 The Pali Atthakatha in Roman :- https://84000.org/tipitaka/atthapali/read_rm.php?B=47&A=8101 Contents of The Tipitaka Volume 31 https://84000.org/tipitaka/read/?index_31 https://84000.org/tipitaka/english/?index_31