PaliRoman Vol.32

Catuttham dhotakattherapadanam (404) [406] |406.72| Ganga bhagirasi ^1- nama himavanta pabhavita hamsavatiya dvarena anusandati tavade. |406.73| Sobhito nama aramo gangakule sumapito tattha padumuttaro buddho vasate lokanayako. |406.74| Tidasehi yatha indo manujehi purakkhato nisidi tattha bhagava asambhitova kesari. |406.75| Nagare hamsavatiya ahosim ^2- brahmano aham chalango nama namena evam namo mahamuni. |406.76| Attharasa sissasata parivarenti mam tada tehi sissehi samito gangatiram upagamim. |406.77| Tatthaddasasim samane nikkuhe dhotapapake bhagirasintarantoham ^3- evam cintesi tavade. |406.78| Sayam patam tarantame buddhaputta mahayasa vihesayanti attanam tesam atta vihannati. |406.79| Sadevakassa lokassa buddho aggo pavuccati natthi me dakkhine karam gatimaggavisodhanam. |406.80| Yannuna buddhasetthassa setum gangaya karaye karapetva imam setum ^4- santarami imam bhavam. @Footnote: ¹ Ma. bhagirathi. ² Ma. Yu. vasami. ³ Ma. bhagirathim taranteham. ⁴ Ma. Yu. kammam. |406.81| Satam sahassam datvana setum karapayim aham saddahanto katam karam vipulam me bhavissati. |406.82| Karapetvana tam ^1- setum upesim lokanayakam sirasi anjalim katva imam vacanamabravim. |406.83| Satam sahassam savayam ^2- datva ^3- karapito maya tavatthaya mahasetum patigganha mahamune. |406.84| Padumuttaro lokavidu ahutinam patiggaho bhikkhusanghe nisiditva ima gatha abhasatha. |406.85| Yo me setum akaresi pasanno sehi panibhi tamaham kittayissami sunatha mama bhasato. |406.86| Darito pabbatato va rukkhato patitopiyam cutopi lacchatitthanam setudanassidam phalam. |406.87| Virulhamulasantanam nigrodhamiva maluto amitta nappasahanti ^4- setudanassidam phalam. |406.88| Nassa cora pasahanti ^5- natimannanti khattiya sabbe tarissatamitte ^6- setudanassidam phalam. |406.89| Abbhokasagatam santam kathinatapatapitam punnakammena samyuttam na bhavissati vedana. |406.90| Devaloke manusse va hatthiyanam sunimmitam tassa sankappamannaya nibbattissati tavade. @Footnote: ¹ Yu. ham. ² Ma. Yu. satasahassassa vayam. ³ Yu. katva. ⁴ Yu. na sahissanti. @⁵ Yu. sahissanti. ⁶ Yu. atikkammamitte. |406.91| Sahassassa vatajava sindhava sighabahana sayam patam upessanti setudanassidam phalam. |406.92| Agantvana manussattam sukhitoyam bhavissati ihapi ^1- manujasseva hatthiyanam bhavissati. |406.93| Kappasatasahassamhi okkakakulasambhavo gotamo nama namena sattha loke bhavissati. |406.94| Tassa dhammesu dayado oraso dhammanimmito sabbasave parinnaya nibbayissatinasavo. |406.95| Aho me sukatam kammam jalajuttamanamake tattha karam karitvana pattoham asavakkhayam. |406.96| Padhanam pahitattomhi upasanto nirupadhi nagova bandhanam chetva viharami anasavo. |406.97| Kilesa jhapita mayham bhava sabbe samuhata nagova bandhanam chetva viharami anasavo. |406.98| Svagatam vata me asi mama buddhassa santike tisso vijja anuppatta katam buddhassa sasanam. |406.99| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma dhotako thero ima gathayo abhasitthati. Dhotakattherassa apadanam samattam . @Footnote: ¹ Ma. vehasam.

The Pali Tipitaka in Roman Character Volume 32 page 541-543. https://84000.org/tipitaka/read/roman_read.php?B=32&A=10681&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=32&A=10681&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=32&item=406&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=32&siri=406 Study Atthakatha :- https://84000.org/tipitaka/attha/attha.php?b=32&i=406 The Pali Atthakatha in Thai :- https://84000.org/tipitaka/atthapali/read_th.php?B=50&A=5421 The Pali Atthakatha in Roman :- https://84000.org/tipitaka/atthapali/read_rm.php?B=50&A=5421 Contents of The Tipitaka Volume 32 https://84000.org/tipitaka/read/?index_32 https://84000.org/tipitaka/english/?index_32