บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
Dasamam sumangalattherapadanam (20) [22] |22.123| Ahutim yitthukamoham patiyadetvana bhojanam brahmane patimanento visale malake thito. |22.124| Athaddasasim sambuddham piyadassim mahayasam sabbalokam vinetaram sayambhum aggapuggalam. |22.125| Bhagavantam jutimantam savakehi purakkhatam adiccamiva rocantam rathiyam patipannakam. |22.126| Anjalim paggahetvana sakam cittam pasadayim manasava nimantesim agacchatu mahamuni. |22.127| Mama sankappamannaya sattha loke anuttaro khinasavasahassehi mama dvaram upagami. |22.128| Namo te purisajanna namo te purisuttama pasadam abhiruhitva sihasane nisidatu 1-. @Footnote: 1 Ma. nisidatam. Yu. nisida tvam. |22.129| Danto dantaparivaro tinno tarayatam varo pasadam abhiruhitva nisidi pavarasane. |22.130| Yam me atthi sake gehe amisam paccupatthitam taham buddhassa padasim pasanno sehi panibhi. |22.131| Pasannacitto sumano vedajato katanjali buddhasettham namassami aho buddhassularata. |22.132| Atthannam payirupasatam bhunjam khinasava bahu tuyheveso anubhavo saranantam upemaham. |22.133| Piyadassi ca bhagava lokajettho narasabho bhikkhusanghe nisiditva ima gatha abhasatha. |22.134| Yo so sangham abhojesi ujubhutam samahitam tathagatanca sambuddham sunatha mama bhasato. |22.135| Sattavisatikkhattum so devarajjam karissati sakakammabhiraddho so devaloke ramissati. |22.136| Dasa ca atthakkhattum so cakkavatti bhavissati pathabya rajjam pancasatam vasudham avasissati. |22.137| Arannam vanamoggayha kananam byagghasevitam padhanam padahitvana kilesa jhapita maya. |22.138| Attharase kappasate yam danamadadim tada duggatim nabhajanami bhattadanassidam phalam. |22.139| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma sumangalo thero ima gathayo abhasitthati. Sumangalattherassa apadanam samattam. Uddanam sihasani ekatthambhi nando ca cullapanthako pilindarahulo ceva vanganto ratthapalako. Sopako mangalo ceva daseva dutiye vagge satanca sattatimsa ca gatha cettha pakasita. Sihasaniyavaggo dutiyo. -----------The Pali Tipitaka in Roman Character Volume 32 page 92-94. https://84000.org/tipitaka/read/roman_read.php?B=32&A=1914&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=32&A=1914&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=32&item=22&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=32&siri=22 Study Atthakatha :- https://84000.org/tipitaka/attha/attha.php?b=32&i=22 The Pali Atthakatha in Thai :- https://84000.org/tipitaka/atthapali/read_th.php?B=50&A=728 The Pali Atthakatha in Roman :- https://84000.org/tipitaka/atthapali/read_rm.php?B=50&A=728 Contents of The Tipitaka Volume 32 https://84000.org/tipitaka/read/?index_32 https://84000.org/tipitaka/english/?index_32
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]